Kpojemi 12:17 - Somi He Ɔ

¹⁷ Kɛkɛ nɛ sinɔ ngua a mi mi fu yo ɔ, nɛ e pue nɔ kɛ ho konɛ e kɛ yo ɔ nina nɛ piɛ nɛ yeɔ Mawu kita amɛ a nɔ nɛ a hɛɛ Yesu Kristo he odase yemi ɔ mi ɔ ya hwu ta.

BAIBLO ALOO NGMAMI KLƆUKLƆU Ɔ

¹⁷ Sinɔ nguaa a mi mi fu yo ɔ, nɛ e pue nɔ kɛ ho, konɛ e kɛ yo ɔ nina nɛ piɛ ɔ, nihi tsuo nɛ yeɔ Mawu mlaa amɛ a nɔ, kɛ ni nɛmɛ hu nɛ fiɛɔ sɛ gbi ɔ nɛ kɔɔ Yesu he ɔ ya hwu ta.

Kpojemi 12:17 ပူးပေါင်းရင်းမြစ်များ

Mateo 28:20

nɛ nyɛɛ tsɔɔ mɛ nɛ a ye nihi tsuo kulaa nɛ i de nyɛ ɔ nɔ. Nɛ oʼɛ, i kɛ nyɛ ngɛ daa kɛ yaa su je mi nyagbe.”

Yohane 8:44

Nyɛɛ lɛɛ, nyɛ tsɛ nɛ nyɛ je e mi ji abosiami, nɛ nyɛ tsɛ ɔ tsui nya ni nyɛ suɔ kaa nyɛɛ pee. Lɛɛ nɔ gbelɔ ji lɛ kɛ je blema, nɛ e hi si ngɛ anɔkuale ɔ mi, ejakaa anɔkuale be e mi. Ke e ngɛ lakpa yee ɔ, lɛ nitsɛ e nihi a he munyu e tuɔ, ejakaa lakpatsɛ kɛ nya ngɔli a tsɛ ji lɛ.

1 Korintobi 2:1

Imi hu, mamimɛ, benɛ i ba nyɛ ngɔ ɔ, pi nyamitsɔmi loo nilemi fuu nɛ i kɛ ba ba jaje Mawu laami sane ɔ tsɔɔ nyɛ;

1 Petro 5:8

Nyɛ hɛ nɛ ka si, nyɛɛ huɔ; ejakaa nyɛ he nyɛlɔ, abosiami ɔ, ngɛ si poe kaa jata nɛ ngɛ huae ngɛ nɔ nɛ e maa mi hlae.

1 Yohane 2:3

Nɛ enɛ ɔ waa kɛ maa nɔ mi kaa wa le lɛ, ke wa yeɔ e kita amɛ a nɔ ɔ.

1 Yohane 5:10

Lɔ ɔ he ɔ, nɔ nɛ heɔ Mawu Bi ɔ nɔ yeɔ ɔ, e ngɛ odase ngɛ lɛ nitsɛ e tsui mi; se nɔ nɛ he we Mawu yi ɔ, ha e plɛ lakpatsɛ, ejakaa e he we odase nɛ Mawu ye ngɛ e Bi ɔ he ɔ yi.

1 Yohane 5:2

Enɛ waa kɛ leɔ kaa wa suɔ Mawu bimɛ, ke wa suɔ Mawu nɛ wa yeɔ e kita amɛ a nɔ ɔ.

Kpojemi 1:2

nɔ nɛ ye Mawu munyu ɔ kɛ Yesu Kristo odase ɔ he odase ngɛ nihi tsuo nɛ e na a he ɔ.

Kpojemi 1:9

Imi Yohane nɛ ji nyɛ nyɛmi kɛ nyɛ huɛ ngɛ Yesu Kristo amanehlu ɔ kɛ e matsɛ yemi ɔ kɛ e tsui si tomi ɔ mi ɔ, i ngɛ zugba kpɔ nɛ wo bɔle lɛ nɛ a tsɛɛ lɛ Patmo ɔ nɔ ngɛ Mawu munyu ɔ kɛ Yesu Kristo he odase yemi he.

Kpojemi 11:7

Nɛ ke a gbe a odaseyemi ɔ nya a, lohwe ɔ nɛ je muɔ voo ɔ mi ɔ kɛ mɛ maa hwu ta, nɛ e maa ye a nɔ, nɛ e maa gbe mɛ;

Kpojemi 12:16

Se zugba a ye bua yo ɔ; nɛ zugba a bli e nya mi nɛ e mii nyu ɔ nɛ sinɔ ngua a su kɛ je e nya mi ngɔ pue he ɔ.

Kpojemi 13:7

Nɛ a ha lɛ he blɔ nɛ e kɛ klɔuklɔu bi ɔmɛ nɛ hwu ta nɛ e ye a nɔ, nɛ a ha lɛ he blɔ ngɛ wɛtso tsuaa wɛtso kɛ ma tsuaa ma kɛ mahi a nɔ gbihi tsuo kɛ je ma tsuaa je ma nɔ.

Kpojemi 14:12

Hiɛ ɔ klɔuklɔu bi ɔmɛ nɛ yeɔ Mawu kita amɛ kɛ Yesu nɔ hemi kɛ yemi ɔ nɔ ɔ a tsui si tomi ɔ ngɛ.

Kpojemi 17:14

Ni nɛ ɔmɛ kɛ Tobi ɔ maa huw ta, nɛ Tobi ɔ maa ye a nɔ, ejakaa lɛ ji nyɔmtsɛmɛ a Nyɔmtsɛ kɛ matsɛmɛ a Matsɛ, nɛ nihi nɛ a kɛ lɛ ngɛ ɔ ji ninɛmɛ nɛ a tsɛ kɛ ninɛmɛ nɛ a hia kɛ ninɛmɛ nɛ heɔ yeɔ ɔ.”

Kpojemi 17:6

Nɛ i na yo ɔ kaa klɔuklɔu bi ɔmɛ a muɔ ɔ kɛ Yesu he odase yeli ɔmɛ a muɔ ɔ de lɛ da. Benɛ i na lɛ ɔ ye nya kpɛ ye he wawɛɛ nitsɛ.

Kpojemi 18:20

Mo hiɔwe, kɛ nyɛ klɔuklɔu bihi kɛ bɔfohi kɛ gbali, nyɛ nya ngɛ e butumi ɔ he, ejakaa Mawu kojo lɛ ha nyɛ.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke: “Koo pee! O nyɛmi sɔmɔlɔ kɛ o nyɛmimɛ nɛ hɛɛ Yesu odase mi ɔ a ti nɔ ko ji mi. Ja Mawu mohu!” Ejakaa Yesu odase ɔ ji gbami mumi ɔ nɛ.

Kpojemi 19:19

Kɛkɛ nɛ i na lohwe ɔ kɛ zugba a nɔ matsɛmɛ ɔmɛ kɛ a ta nɛ a bua nya a, konɛ a kɛ nɔ nɛ hii si ngɛ okpɔngɔ ɔ nɔ ɔ kɛ e ta a ya hwu ta.

Kpojemi 20:4

Kɛkɛ nɛ i na matsɛ sɛhi kɛ nihi nɛ hii si ngɛ a nɔ ɔ; a ngɔ kojomi ngɔ ha mɛ. Nɛ i na nihi nɛ a po a yi ngɛ Yesu he odase yemi ɔ kɛ Mawu munyu ɔ he ɔ a klaa amɛ, kɛ ninɛmɛ nɛ ja we lohwe ɔ loo e maga a nɛ a he we e kadi ɔ ngɛ a hɛ nya loo a dɛ mi ɔ. A hɛ ngɛ, nɛ a kɛ Kristo ye matsɛ jeha akpe.

Kpojemi 22:14

A gbaa nihi nɛ fɔɔ a tade ɔmɛ a he ɔ, konɛ a na wami tso ɔ nɔ yiblii ɔ yemi he blɔ, nɛ a gu a gbo ɔmɛ a mi kɛ sɛ ma a mi.

Kpojemi 6:9

Kɛkɛ nɛ Tobi ɔ tsɔ nya sɔumi nɔ́ nɛ ji enuɔ ɔ, nɛ i na nihi nɛ a gbe ngɛ Mawu munyu ɔ kɛ odase nɛ a ye ɔ he ɔ a klaahi ngɛ bɔsami latɛ ɔ sisi;