Kpojemi 12:12 - Somi He Ɔ

¹² Lɔ ɔ he ɔ, nyɛ hiɔwe kɛ nyɛ nihi nɛ ngɛ lejɛ ɔ, nyɛ na bua jɔmi! Musu tloo je ɔ kɛ wo! Ejakaa Abosiami kple si kɛ ba nyɛ ngɔ, e gli wawɛɛ, ejakaa e le kaa be bɔɔ kɛkɛ e piɛ ha lɛ.”

BAIBLO ALOO NGMAMI KLƆUKLƆU Ɔ

¹² Lɔ ɔ he ɔ, nyɛ nihi tsuo nɛ nyɛ ngɛ hiɔwe ɔ, nyɛ bua nɛ jɔ! Se je ɔ, kɛ wo, nyɛɛ lɛɛ musu tloo nyɛ! Abosiami kple si kɛ ba nyɛ ngɔ. E mi mi fu wawɛɛ, ejakaa e le kaa be bɔɔ kɛkɛ nɛ piɛ ha lɛ.”

Kpojemi 12:12 ပူးပေါင်းရင်းမြစ်များ

Kpojemi 8:13

Nɛ i na, nɛ i nu kɔle ko he nɛ ngɛ tee ngɛ hiɔwe, nɛ e kɛ gbi wawɛɛ ngɛ dee ke: “Musu tloo, musu tloo, musu tloo nihi nɛ ngɛ zugba a nɔ,” benɛ hiɔwe bɔfohi etɛ nɛ piɛ ɔ ma kpa a titimati ɔmɛ ɔ.

Kpojemi 18:20

Mo hiɔwe, kɛ nyɛ klɔuklɔu bihi kɛ bɔfohi kɛ gbali, nyɛ nya ngɛ e butumi ɔ he, ejakaa Mawu kojo lɛ ha nyɛ.

Kpojemi 10:6

nɛ e tsɛ nɔ nɛ hɛ ngɛ kɛ je neneene kɛ yaa neneene nɛ bɔ hiɔwe kɛ nihi nɛ ngɛ mi ɔ kɛ zugba kɛ nihi nɛ ngɛ mi ɔ kɛ wo kɛ nihi nɛ ngɛ mi ɔ nɛ e kɛ ka kita ke: “Be ko be ko be hu!

Kpojemi 11:10

Nɛ nihi nɛ ngɛ zugba a nɔ ɔ ma nya ngɛ a gbenɔ ɔ he, nɛ a mi mi maa flii mɛ, nɛ a maa ke a he nihi, ejakaa kikɛmɛ a gbali enyɔ nɛ ɔmɛ hao ninɛmɛ nɛ ngɛ zugba a nɔ ɔ.

Kpojemi 9:12

Kekleekle musu ɔ be; oʼɛ, musuhi enyɔ ma ngɛ ni nɛ ɔmɛ a se.

Luka 15:10

Ja nɔuu i ngɛ nyɛ dee ke, bua jɔmi baa Mawu bɔfo ɔmɛ a kpɛti ngɛ yayami peelɔ kake nɛ tsakee e tsui ɔ he.”

Kpojemi 11:14

Musu nɛ ji enyɔ ɔ be; nɛ oʼɛ musu nɛ ji etɛ ɔ ma oya.

2 Petro 3:8

Se, mamimɛ, nyɛ hɛ ko je sane kake nɛ ɔ nɔ, kaa Nyɔmtsɛ ɔ hɛ mi ɔ, ligbi kake ngɛ kaa jeha akpe, nɛ jeha akpe hu ngɛ kaa ligbi kake.

Hebribi 10:37

Ejakaa kaa bɔ nɛ ngmami ɔ de ɔ: “E piɛ bɔɔ kɛkɛ Nɛ nɔ nɛ ma a maa ba, Nɛ e be kɛe kulaa;

Luka 2:14

“Hɛ mi nyami ha Mawu ngɛ hiɔwe lokoo, Nɛ he jɔmi nɛ ba zugba a nɔ Ha nihi nɛ sa e hɛ mi.”

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Kpojemi 13:6

Nɛ e pã e nya mi nɛ e tu musu bɔmi munyui kɛ si Mawu, nɛ etu e biɛ ɔ kɛ he nɛ e hii ɔ kɛ nihi nɛ hii hiɔwe ɔ a he musu bɔmi munyuhi.