Kpojemi 12:10 - Somi He Ɔ

¹⁰ Nɛ i nu gbi ngua ko ngɛ hiɔwe ke: “Jehanɛ yi wami hemi ɔ kɛ he wami ɔ kɛ matsɛ yemi ɔ plɛ wa Mawu ɔ nɔ, nɛ a kɛ he blɔ ɔ ha e Kristo (nɔ nɛ a pɔ lɛ nu) ɔ, ejakaa a sake wa nyɛmimɛ ɔmɛ a nya polɔ ɔ nɛ poo a nya ngɛ wa Mawu ɔ hɛ mi nyɔ kɛ pia a ngɔ fɔ he.

BAIBLO ALOO NGMAMI KLƆUKLƆU Ɔ

¹⁰ Kɛkɛ nɛ i nu gbi ko nɛ ngɛ pɛe kɛ ngmlaa ngɛ hiɔwe ke, “Jehanɛ ɔ lɛɛ yi wami hemi ba! Jehanɛ ɔ lɛɛ Mawu maa ngɔ e he wami kpetekpleenyɛ ɔ kɛ ye matsɛ! Jehanɛ ɔ lɛɛ e Kristo he wami ɔ je kpo. Ejakaa Abosiami nɛ daa si ngɛ wa Mawu ɔ hɛ mi nyɔ kɛ pia, nɛ e poɔ wa nyɛmimɛ ɔmɛ a nya haa lɛ ɔ be lejɛ ɔ hu. A sake Abosiami kɛ je hiɔwe ngɔ fɔ si.

Kpojemi 12:10 ပူးပေါင်းရင်းမြစ်များ

Mateo 26:64

Yesu de lɛ ke: “Jã o de ɔ nɛ! Se i ngɛ nyɛ dee ke: Kɛ je be nɛ ɔ kɛ yaa a, nyɛ maa na Nɔmlɔ Bi ɔ kaa e hii si ngɛ he wami ɔ hiɛ ɔ nɔ, nɛ e ma ngɛ hiɔwe bɔku ɔmɛ a mi.”

Mateo 28:18

Nɛ Yesu ba nɛ e kɛ mɛ ba tu munyu ke: “A ngɔ he blɔ tsuo ngɔ ha mi ngɛ hiɔwe kɛ zugba a nɔ.

Mateo 6:10

O matsɛ yemi ɔ nɛ ba; A pee nɔ nɛ o suɔ ngɛ zugba a nɔ kaa a peɔ ngɛ hiɔwe ɔ.

Luka 11:2

Nɛ e de mɛ ke: “Ke nyɛ ngɛ sɔlee ɔ nyɛ de ke: ‘Tsaatsɛ, O biɛ ɔ he nɛ tsɔ; O matsɛ yemi ɔ nɛ ba.

Luka 22:31

“Simon, Simon, oʼɛ, Satan bi blɔ, konɛ e sa nyɛ mi kaa ngma;

1 Korintobi 5:4

ke nyɛ kpe ngɛ wa Nyɔmtsɛ Yesu Kristo biɛ mi, nɛ ye mumi ɔ kɛ wa Nyɔmtsɛ Yesu Kristo he wami piɛ nyɛ he ɔ,

2 Korintobi 12:9

nɛ e de mi ke: “Ye dloomi ɔ hiɛ ha mo, ejakaa ye he wami ɔ gbedee peemi mi e pii si ngɛ.” Lɔ ɔ he ɔ, i suɔ saminya kaa ma fia ngɔ fɔ ye gbɔlemi ɔmɛ a nɔ mohu, konɛ Kristo he wami ɔ nɛ bu ye he.

Tito 2:3

Yimowi hu ja nɔuu kãa a ba a je mi bɔ nɛ sa ni klɔuklɔu ɔmɛ. A ko tu nihi a he munyu a ko pee dadeli, a pee nihi nɛ tsɔɔ ni kpakpahi,

1 Petro 5:8

Nyɛ hɛ nɛ ka si, nyɛɛ huɔ; ejakaa nyɛ he nyɛlɔ, abosiami ɔ, ngɛ si poe kaa jata nɛ ngɛ huae ngɛ nɔ nɛ e maa mi hlae.

Kpojemi 11:15

Kɛkɛ nɛ hiɔwe bɔfo nɛ ji kpaago ɔ kpa e titimati ɔ, nɛ a nu gbi nguahi ngɛ hiɔwe ke: “Je nɛ mi matsɛ yemi ɔ plɛ wa Nyɔmtsɛ ɔ kɛ e Kristo ɔ nɔ, nɛ e maa ye matsɛ kɛ maa ya neneene kɛ neneene!”

Kpojemi 2:26

Nɛ kunimi yelɔ ɔ kɛ nɔ nɛ hɛɔ ye ni tsumi ɔmɛ a mi kɛ ya suu nyagbe ɔ, ma ha lɛ he wami ngɛ je ma amɛ a nɔ,

Kpojemi 7:10

nɛ a kpa ngmlaa wawɛɛ ke: “Yi wami hemi ɔ ji wa Mawu nɛ hii si ngɛ matsɛ sɛ ɔ nɔ ɔ kɛ Tobi ɔ nɔ́!”