Kpojemi 11:3 - Somi He Ɔ

³ Nɛ ma ha ye odaseyeli enyɔ ɔ ma bu kpekpe nɛ a maa gba ligbihi akpe kɛ lafa enyɔ kɛ nyingmi ekpa.”

BAIBLO ALOO NGMAMI KLƆUKLƆU Ɔ

³ Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Kpojemi 11:3 ပူးပေါင်းရင်းမြစ်များ

Mateo 11:21

“Musu tloo mo, Korazin! Musu tloo mo, Betsaida! Ejakaa he wami ni tsumihi nɛ a tsu ngɛ nyɛ mi ɔ, a na nɛ a tsu ngɛ Tiro kɛ Zidon jinɛ a tsake a tsui ngɛ kpekpe kɛ lazu mi momoomo.

Mateo 18:16

Se ke e bui mo tue ɔ, ngɔɔ nɔ kake loo ni enyɔ ngɔ piɛ o he, konɛ odaseyeli enyɔ loo etɛ a munyu nya a, sane tsuaa sane nya nɛ ma si.

Luka 10:13

“Musu tloo mo, Korazin! Musu tloo mo, Betsaida! Ejakaa kaa hewami ni tsumihi nɛ a tsu ngɛ nyɛ mi nɛ ɔ, Tiro kɛ Zidon a tsu ngɛ jinɛ a hii si ngɛ kpekpe kɛ lazu mi nɛ a tsake a tsui momoomo.

Luka 24:48

Nɛ nyɛ ji kikɛmɛ a ni nɛ ɔmɛ a he odase yeli.

Yohane 15:27

nɛ nyɛ hu nyɛ maa ye odase, ejakaa nyɛɛ kɛ mi lɛ ngɛ kɛ je sisije.”

Yohane 3:27

Yohane he nɔ nɛ e ke: “Nɔmlɔ be nyɛe ma na nɔ́ ko, ja a je hiɔwe ngɔ ha lɛ.

Ni Tsumi 1:8

se ke Mumi Klɔuklɔu ɔ na ba nyɛ nɔ ɔ, nyɛ ma na he wami nɛ nyɛ ma plɛ ye he odaseyeli ngɛ Yerusalem kɛ Yudea kɛ Samaria tsuo kɛ yaa su zugba a nyagbe he.”

Ni Tsumi 13:31

nɛ e je e he kpo ligbihi fuu kɛ tsɔɔ nihi nɛ kɛ lɛ je Galilea kɛ ba Yerusalem ɔ, nihi nɛ ji e odase yeli ha ma a.

Ni Tsumi 2:32

Kikɛmɛ a Yesu nɛ ɔ Mawu tle lɛ si; lɔ ɔ he odase yeli ji wɔ kulaa.

Ni Tsumi 3:15

nɛ Wami Matsɛ ɔ, nyɛ gbe lɛ. Se Mawu tle lɛ si kɛ je gbeje, kɔlɔ ɔ nɔuu he odaseyeli ji wɔ.

1 Korintobi 12:28

Nɛ kekleekle ɔ, Mawu wo ni komɛ bɔfohi ngɛ asafo ɔ mi, nɔ́ nɛ ji enyɔ ɔ, gbali, nɔ́ nɛ ji etɛ ɔ, tsɔɔli; kɔlɔ ɔ se ɔ he wami ni tsuli, kɔlɔ ɔ se ɔ, hiɔhi a tsami dloomi nike nihi, yemi kɛ buami, nɔyemihi, gbi slɔɔtohi a tumi.

2 Korintobi 13:1

Enɛ ɔ ji si etɛ nɛ i ma nyɛ ngɔ. Odase yeli enyɔ loo etɛ nya a, sane tsuaa sane nya nɛ ma si.

Efesobi 4:11

Nɛ lɛ nɔuu lɛ e ha ni komɛ plɛ bɔfohi, ni komɛ gbali, ni komɛ hu sane kpakpa fiɛli, nɛ ni komɛhu nɔ hyɛli kɛ tsɔɔli,

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

Kpojemi 11:2

se kpo nɛ ngɛ sɔlemi tsu ɔ agbo ɔ nya a, si kɔlɔ ɔ, nɛ o ko kale, ejakaa a kɛ ha majemaje li ɔmɛ konɛ a naa ma klɔuklɔu ɔ nɔ hlami nyingmi eywiɛ kɛ enyɔ.

Kpojemi 11:6

Nimli nɛ ɔmɛ ngɛ he blɔ kaa sa ngaa hiɔwe nya konɛ hiɔmi ko nɛ ngɛ a gbami ligbi ɔmɛ a mi; nɛ a ngɛ he blɔ hulɔ ngɛ nyu ɔmɛ a nɔ kaa a haa a plɛɔ peɔ muɔ, nɛ a kɛ haomi haoɔ zugba a si abɔ nɛ a suɔ.

Kpojemi 12:6

Nɛ yo ɔ tu fo kɛ ho nga nɔ he ko ya, he nɛ Mawu dla to ngɔ ha lɛ ɔ, konɛ a ya lɛ lɛ ngɛ lejɛ ɔ ligbihi akpe kɛ lafa enyɔ kɛ nyingmi ekpa.

Kpojemi 13:5

A ha lohwe ɔ nya nɛ e kɛ tu munyu nguahi kɛ musu bɔmi munyuhi, nɛ a ha lɛ he blɔ nɛ e pee enɛ hlami nyingmi eywiɛ kɛ enyɔ.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke: “Koo pee! O nyɛmi sɔmɔlɔ kɛ o nyɛmimɛ nɛ hɛɛ Yesu odase mi ɔ a ti nɔ ko ji mi. Ja Mawu mohu!” Ejakaa Yesu odase ɔ ji gbami mumi ɔ nɛ.

Kpojemi 20:4

Kɛkɛ nɛ i na matsɛ sɛhi kɛ nihi nɛ hii si ngɛ a nɔ ɔ; a ngɔ kojomi ngɔ ha mɛ. Nɛ i na nihi nɛ a po a yi ngɛ Yesu he odase yemi ɔ kɛ Mawu munyu ɔ he ɔ a klaa amɛ, kɛ ninɛmɛ nɛ ja we lohwe ɔ loo e maga a nɛ a he we e kadi ɔ ngɛ a hɛ nya loo a dɛ mi ɔ. A hɛ ngɛ, nɛ a kɛ Kristo ye matsɛ jeha akpe.