Kpojemi 11:19 - Somi He Ɔ

¹⁹ Nɛ a bli Mawu sɔlemi tsu ɔ nya ngɛ hiɔwe, nɛ a na e somi daka a ngɛ sɔlemi tsu ɔ mi, nɛ oslaba, kɛ gbi kɛ hiɔwe simi kɛ zugba mimiɛmi kɛ gbiɛ ngo ngu loo hiɔmi tɛ babauu ba.

BAIBLO ALOO NGMAMI KLƆUKLƆU Ɔ

¹⁹ Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kpojemi 11:19 ပူးပေါင်းရင်းမြစ်များ

Kpojemi 11:13

Nɛ lɛ ngmlɛfia a nɔ nɔuu ɔ, zugba mimiɛ wawɛɛ, nɛ ma a mi dlami nyɔngma mi kake hule, nɛ zugba mimiɛmi ɔ mi ɔ, a gbe nimli akpe kpaago. Ninɛmɛ nɛ piɛ ɔ ye gbeye, nɛ a ngɔ hɛ mi nyami ngɔ ha hiɔwe Mawu ɔ.

Kpojemi 11:15

Kɛkɛ nɛ hiɔwe bɔfo nɛ ji kpaago ɔ kpa e titimati ɔ, nɛ a nu gbi nguahi ngɛ hiɔwe ke: “Je nɛ mi matsɛ yemi ɔ plɛ wa Nyɔmtsɛ ɔ kɛ e Kristo ɔ nɔ, nɛ e maa ye matsɛ kɛ maa ya neneene kɛ neneene!”

Kpojemi 12:1

Kɛkɛ nɛ a na okadi ngua ko ngɛ hiɔwe: yo ko nɛ e kɛ pu ha e he, nɛ nyɔhiɔ ngɛ e nane si, nɛ dodoe nyɔngma kɛ enyɔ jlasi fi e yi;

Kpojemi 16:1

Kɛkɛ nɛ i nu gbi ngua ko nɛ je sɔlemi tsu ɔ mi nɛ e ngɛ hiɔwe bɔfohi kpaago ɔ dee ke: “Nyɛɛ ya nɛ nyɛ ya plɛ Mawu mi mi fumi tsinesa kpaago ɔmɛ ngɔ pue zugba a nɔ!”

Kpojemi 16:18

Nɛ oslaba kɛ pɛmi kɛ hiɔwe simi ba, nɛ zugba mimiɛ wawɛɛ, bɔ nɛ kɛ je be nɛ nimli ba zugba a nɔ nɛ ɔ, a nɛ́ jamɛ a zugba mimiɛmi ngua nɛ ngɛ kaa enɛ hyɛ.

Kpojemi 16:21

Nɛ gbiɛ ngo ngu loo hiɔmi tɛ babauu nɛ kake jiɔmi maa pee sɛni mi tɛ jiɔmi pau lafa nɛ kɛ je hiɔwe ba pue nimli a nɔ; nɛ nimli ɔmɛ tu musu bɔmi munyuhi kɛ si Mawu ngɛ gbiɛ ngo ngu ɔmɛ a haomi ɔ he, ejakaaa a haomi ɔ nya wa tsɔ.

Kpojemi 19:11

Kɛkɛ nɛ i na nɛ a bli hiɔwe nya, nɛ oʼɛ, okpɔngɔ hiɔ, nɛ nɔ nɛ hii si ngɛ nɔ ɔ, a tsɛɛ lɛ ke: Anɔkualetsɛ kɛ Dalɔ; dami nya e kojo ɔ nɛ e hwuɔ ta ngɛ.

Kpojemi 4:1

Ni nɛ ɔmɛ a se ɔ i hyɛ, nɛ oʼɛ, sinya ko nɛ a bli ngɛ hiɔwe. Kekleekle gbi nɛ i nu nɛ ngɛ kaa titimati nɛ kɛ mi tu munyu ɔ ke: “Kuɔ kɛ ba hiɛ ɔ nɛ ɔ nɛ ma tsɔɔ mo nihi nɛ maa ba mi ngɛ ni nɛ ɔmɛ a se.”

Kpojemi 4:5

Nɛ oslaba gbami kɛ gbi kɛ hiɔwe simi je matsɛ sɛ ɔ mi, nɛ la hahi kpaago nɛ ngɛ tsoe nɛ ji Mawu mumihi kpaago ɔ ngɛ matsɛ sɛ ɔ hɛ mi.

Kpojemi 7:15

Lɔ ɔ he nɛ a ngɛ Mawu matsɛ sɛ ɔ hɛ mi, nɛ a jaa lɛ nyɔ kɛ pia ngɛ se sɔlemi tsu ɔ mi ɔ nɛ; nɛ nɔ nɛ hii si ngɛ matsɛ sɛ ɔ nɔ ɔ maa ma e bo tsu ɔ ngɔ to anɔ.

Kpojemi 8:5

Nɛ hiɔwe bɔfo ɔ wo tsopa kɛ e he via sami nɔ́ ɔ, nɛ e je bɔ sami latɛ ɔ nɔ la a eko ngɔ wo mi tɔtɔɔtɔ, nɛ e ngɔ hɛ pue zugba a nɔ, nɛ hiɔwe simi kɛ gbihi kɛ oslaba gbami kɛ zugba mimiɛmi ba.

Kpojemi 8:7

Kekleekle hiɔwe bɔfo ɔ kpa, nɛ gbiɛ ngo ngu loo hiɔmi tɛ kɛ la nɛ muɔ futu mi ba nɛ e ba pue zugba a nɔ, nɛ zugba a mi dlami etɛ mi kake sã, nɛ ba mumuhi tsuo sã.