Kpojemi 11:11 - Somi He Ɔ

¹¹ Nɛ ligbi etɛ kɛ fa a se ɔ, wami mumi je Mawu ngɔ ba a mi, nɛ a te si da a nane nɔ, nɛ gbeye nɛ nya wa nu nihi nɛ na mɛ ɔ.

BAIBLO ALOO NGMAMI KLƆUKLƆU Ɔ

¹¹ Ligbi etɛ kɛ fa a se ɔ, Mawu ha nɛ a kpale ba wami mi ekohu. A te si da a nane nɔ, nɛ nihi tsuo nɛ na mɛ ɔ ye gbeye wawɛɛ.

Kpojemi 11:11 ပူးပေါင်းရင်းမြစ်များ

Ni Tsumi 5:11

Nɛ gbeye kpetekpleenyɛ nu asafo mluku ɔ tsuo kɛ nihi nɛ nu ni nɛ ɔmɛ ɔ.

Ni Tsumi 5:5

Nɛ benɛ Anania nu kikɛmɛ a munyu nɛ ɔmɛ ɔ, e nɔ si nɛ e gbo. Nɛ gbeye ngua nu ni ɔmɛ tsuo nɛ nu ɔ.

Romabi 8:11

Se ke nɔ nɛ tle Yesu si kɛ je gbeje ɔ Mumi ɔ hii nyɛ mi ɔ, nɔ nɛ tle Kristo si kɛ je gbeje ɔ ma ha nyɛ nɔmlɔ tsohi nɛ ma gbo ɔ hu yi ma na wami ngɛ e Mumi nɛ hii nyɛ mi ɔ he.

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

Kpojemi 11:13

Nɛ lɛ ngmlɛfia a nɔ nɔuu ɔ, zugba mimiɛ wawɛɛ, nɛ ma a mi dlami nyɔngma mi kake hule, nɛ zugba mimiɛmi ɔ mi ɔ, a gbe nimli akpe kpaago. Ninɛmɛ nɛ piɛ ɔ ye gbeye, nɛ a ngɔ hɛ mi nyami ngɔ ha hiɔwe Mawu ɔ.

Kpojemi 11:9

Nɛ ma amɛ kɛ wɛtso ɔmɛ kɛ gbihi slɔɔto ɔmɛ kɛ majemaje li ɔmɛ a ti ni komɛ maa hyɛ a gbogboe ɔmɛ ligbi etɛ̃ kɛ fa, nɛ a be kplɛe nɛ a pu mɛ.