Kpojemi 10:6 - Somi He Ɔ

⁶ nɛ e tsɛ nɔ nɛ hɛ ngɛ kɛ je neneene kɛ yaa neneene nɛ bɔ hiɔwe kɛ nihi nɛ ngɛ mi ɔ kɛ zugba kɛ nihi nɛ ngɛ mi ɔ kɛ wo kɛ nihi nɛ ngɛ mi ɔ nɛ e kɛ ka kita ke: “Be ko be ko be hu!

BAIBLO ALOO NGMAMI KLƆUKLƆU Ɔ

⁶ nɛ e ka kita ngɛ Mawu nɛ ngɛ kɛ yaa neneene ɔ biɛ mi. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi. Bɔfo ɔ de ke, “Mawu be tsle toe hu!

Kpojemi 10:6 ပူးပေါင်းရင်းမြစ်များ

Kpojemi 4:11

“Wa Nyɔmtsɛ kɛ wa Mawu, mo ji nɔ nɛ sa kaa O ngɔ hɛ mi nyami kɛ agboje kɛ he wami ɔ Ejakaa mo lɛ ɔ bɔ nihi kulaa, Nɛ o suɔmi nya a ngɛ nɛ a bɔ mɛ ngɛ.”

Kpojemi 16:17

Nɛ hiɔwe bɔfo nɛ ji kpaago ɔ plɛ e tsinesa a mi ni ɔmɛ ngɔ wo kɔɔhiɔ mi; nɛ gbi ngua ko je hiɔwe sɔlemi tsu ɔ mi kɛ je matɛ sɛ ɔ mi de ke: “A gbe nya!”

Kpojemi 4:9

Nɛ benɛ hɛ kali ɔmɛ ngɔ nyami kɛ agboje kɛ sina kɛ ngɛ nɔ nɛ hii si ngɛ matsɛ ɔ nɔ nɛ hɛ ngɛ kɛ je neneene kɛ yaa neneene ɔ hae ɔ,

Kpojemi 1:18

kɛ hɛkalɔ. I gbo, nɛ oʼɛ, ye hɛ ngɛ kɛ yaa neneene kɛ neneene, nɛ i hɛɛ gbeje kɛ gbenɔ nya safe ɔmɛ.

Kpojemi 4:10

nikɔtɔmahi nyingmi enyɔ kɛ eywiɛ ɔ buɔ si ngɛ nɔ nɛ hii si ngɛ matsɛ sɛ ɔ nɔ ɔ hɛ mi, nɛ a ngɛ nɔ nɛ hɛ ngɛ kɛ je neneene kɛ yaa neneene ɔ jae, nɛ a sakee a jlasi ɔmɛ ngɔ pueɔ matsɛ sɛ ɔ hɛ mi nɛ a deɔ ke:

Kpojemi 6:11

A hã a ti nɔ tsuaa nɔ tade hiɔ klɔii, nɛ a de mɛ ke a jɔɔ a he be bɔɔ ko lolo kɛ ya su be nɛ a nyɛmimɛ sɔmɔli ɔmɛ kɛ anyɛmimɛ ɔmɛ hu nɛ a maa gbe mɛ kaa bɔ nɛ a gbe mɛ nitsɛmɛ hu ɔ a hiemi maa sɔ.

Kpojemi 12:12

Lɔ ɔ he ɔ, nyɛ hiɔwe kɛ nyɛ nihi nɛ ngɛ lejɛ ɔ, nyɛ na bua jɔmi! Musu tloo je ɔ kɛ wo! Ejakaa Abosiami kple si kɛ ba nyɛ ngɔ, e gli wawɛɛ, ejakaa e le kaa be bɔɔ kɛkɛ e piɛ ha lɛ.”

Kpojemi 21:6

Nɛ e de mi ke: “A gbe nya. Ami ji Alfa a kɛ Omega a nɛ, sisije ɔ kɛ nyagbe ɔ. Nɔ nɛ kuma ngɛ lɛ tɔe ɔ, ma ha lɛ wami nyu vu ɔ mi nyu ɔ eko nɛ e nu yaka gu.