Kpojemi 10:11 - Somi He Ɔ

¹¹ Nɛ e de mi ke: “E sa kaa o gba ekohu ngɛ nimli kɛ majamaje kɛ mahi a nɔ gbihi kɛ matsɛmɛ fuu a he.”

BAIBLO ALOO NGMAMI KLƆUKLƆU Ɔ

¹¹ Nɛ a de mi ke, “Mawu sɛ gbi ɔ nɛ kɔɔ mahi, je mahi, gbihi, kɛ matsɛmɛ babauu a he ɔ, e sa kaa o fiɛ ekohu.”

Kpojemi 10:11 ပူးပေါင်းရင်းမြစ်များ

Kpojemi 17:15

Nɛ hiɔwe bɔfo ɔ de mi ke: “Nyu ɔ nɛ o na nɛ yo ajuama a hii si ngɛ nɔ ɔ ji mahi kɛ asafohi kɛ je mahi kɛ mahi a nɔ gbihi.

Kpojemi 14:6

Kɛkɛ nɛ i na hiɔwe bɔfo kpa ko nɛ e ngɛ tee ngɛ kɔɔhiɔ mi, nɛ e hɛɛ neneene Sane Kpakpa nɛ e yaa jaje ngɔ tsɔɔ nihi nɛ ngɛ zugba a nɔ kɛ je ma tsuaa je ma kɛ wɛtso tsuaa wɛtso kɛ mahi a nɔ gbi slɔɔtohi kɛ ma tsuaa ma a, nɛ e kɛ gbi ngua de ke:

Kpojemi 11:9

Nɛ ma amɛ kɛ wɛtso ɔmɛ kɛ gbihi slɔɔto ɔmɛ kɛ majemaje li ɔmɛ a ti ni komɛ maa hyɛ a gbogboe ɔmɛ ligbi etɛ̃ kɛ fa, nɛ a be kplɛe nɛ a pu mɛ.

Kpojemi 5:9

Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.

Kpojemi 10:10

Kɛkɛ nɛ i he womi kpo wayo ɔ ngɛ bɔfo ɔ dɛ nɛ i ye, nɛ e ngɔɔ dɔkɔdɔkɔ ngɛ ye nya mi kaa hwo, nɛ benɛ i ye ɔ, e duɔ ngɛ ye mi mi.

Kpojemi 11:1

Nɛ a ha mi gla tso ko nɛ ngɛ kaa kalemi tso ko nɛ a ke: “Tee si nɛ o kale Mawu sɔlemi tsu ɔ kɛ bɔ sami latɛ ɔ kɛ nihi nɛ jaa Mawu ngɛ mi ɔ;

Kpojemi 17:10

nihi enuɔ ɔ gbee si, nɛ nɔ kake ngɛ, nɛ nɔ kpa a na we nɛ e ba, nɛ ke e ba a, ja e hi si bɔɔ.

Kpojemi 17:12

“Koli nyɔngma nɛ o na a, matsɛmɛ nyɔngma ʼi, nihi nɛ matsɛ yemi ko sui a dɛ, se kɛ ɔ, a kɛ lohwe ɔ na he blɔ kaa matsɛmɛ ngmlɛfia kake.