Kpojemi 1:7 - Somi He Ɔ

⁷ Oʼɛ, e ma kɛ bɔku ɔmɛ, nɛ hɛngmɛ tsuaa hɛngmɛ maa na lɛ kɛ nihi nɛ gbɔɔ lɛ ni ɔ hulɔ, nɛ zugba a nɔ weku ɔmɛ kulaa maa wo ya ngɛ e he. Ee, Amen.

BAIBLO ALOO NGMAMI KLƆUKLƆU Ɔ

⁷ Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.

Kpojemi 1:7 ပူးပေါင်းရင်းမြစ်များ

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Mateo 16:28

Niinɛ, i ngɛ nyɛ dee ke: Ni kome ngɛ nihi nɛ daa si ngɛ hiɛ ɔ nɛ ɔ a kpɛti nɛ a be gboe kɛ yaa su be nɛ a maa na Nɔmlɔ Bi ɔ nɛ e ma ngɛ e matsɛ yemi ɔ mi.”

Mateo 24:30

Kɛkɛ ɔ, Nɔmlɔ Bi ɔ okadi ɔ maa je kpo ngɛ hiɔwe, nɛ lɔ ɔ lɛɛ zugba a nɔ wetso ɔmɛ tsuo maa wo ya, nɛ a maa na Nɔmlɔ Bi ɔ kaa we ma ngɛ hiɔwe bɔku ɔmɛ a nɔ kɛ he wami dɛ hɛ mi nyami babauu.

Mateo 25:31

“Se benɛ Nɔmlɔ Bi ɔ maa ba ngɛ e nyami ɔ mi, nɛ bɔfo ɔmɛ tsuo maa piɛ e he ɔ, lɛ be ɔ mi ɔ, e maa hi e nyami sɛ ɔ nɔ;

Mateo 26:64

Yesu de lɛ ke: “Jã o de ɔ nɛ! Se i ngɛ nyɛ dee ke: Kɛ je be nɛ ɔ kɛ yaa a, nyɛ maa na Nɔmlɔ Bi ɔ kaa e hii si ngɛ he wami ɔ hiɛ ɔ nɔ, nɛ e ma ngɛ hiɔwe bɔku ɔmɛ a mi.”

Marko 13:26

Kɛkɛ ɔ, a maa na Nɔmlɔ Bi ɔ kaa e ma ngɛ bɔkuhi a mi kɛ he wami ngua kɛ nyami.

Marko 14:62

Nɛ Yesu ke: “Imi, nɛ nyɛ maa na Nɔmlɔ Bi ɔ kaa e hii si ngɛ Ope ɔ hiɛ ɔ nɔ nɛ e ma ngɛ hiɔwe bɔku ɔmɛ a mi.”

Luka 21:27

Kɛkɛ ɔ, a maa na Nɔmlɔ Bi ɔ kaa e ma ngɛ bɔku mi kɛ hewami kɛ hɛ mi nyami babauu.

Yohane 19:34

se mohu aslaafo ɔmɛ a ti nɔ kake kɛ blɔ gbɔ e kasa mi, nɛ amlɔ ɔ muɔ kɛ nyu be kɛ je mi.

Yohane 19:37

Nɛ jeha nɛ ɔ hu, ngmami kpa ko ke: “A maa hyɛ nɔ nɛ a gbɔ lɛ nɔ ɔ.”

1 Tesalonikabi 1:10

nɛ nyɛ ngɛ e bi ɔ nɛ e tle lɛ si kɛ je gbeje ɔ blɔ hyɛe kɛ je hiɔwe, Yesu ne je wɔ kɛ je mi mi fumi nɛ maa ba a mi ɔ.

1 Tesalonikabi 4:17

lɔ ɔ se ɔ, wɔ ninɛmɛ nɛ wa hɛ ngɛ nɛ piɛ ɔ, a ma sa waa kɛ mɛ kulaa ngɛ bɔkuhi a mi kɛ maa ya Nyɔmtsɛ ɔ kpeemi ngɛ kɔɔhiɔ mi, nɛ jã waa kɛ Nyɔmtsɛ ɔ maa hi si daa.

Hebribi 10:29

Mɛni tuegblami nɛ nya wa po nyɛ susu kaa e sa nɔmlɔ ko nɛ bui Mawu Bi ɔ, nɛ e bu somi muɔ nɛ a kɛ tsukɔ e he ɔ kaa yaka nɔ ko, nɛ e pee dloomi mumi ɔ nidɔ ni ɔ?

Hebribi 6:6

nɛ lɔ ɔ se nɛ a gbee si ɔ, a be nyɛe ma tsake mɛ ngɔ pee ni hehi ekohu ha tsui tsakemi, akɛnɛ a ngɛ Mawu bi ɔ sɛue ekohu kɛ ngɛ a he hae nɛ a ngɛ lɛ ahlua bɔe he ɔ.

1 Yohane 3:2

Mamimɛ, jehanɛ ɔ, Mawu bimɛ ji wɔ, nɛ a na we nɛ a je bɔ nɛ wa maa hi ha a si; se wa le kaa benɛ Kristo ma pue ɔ, wa maa hi kaa lɛ, ejakaa wa maa na lɛ bɔ nɛ e ngɛ ɔ.

Yuda 1:14

Nimli nɛ ɔmɛ a he nɛ Henok nɔ nɛ ji nɔ kapaago kɛ je Adam nɔ ɔ gba ngɛ ke: “Oʼɛ, Nyɔmtsɛ ɔ ma kɛ e klɔuklɔu bihi akpe nyɔngma nyɔngmahi abɔ,

Kpojemi 22:20

Nɔ nɛ yeɔ kikɛmɛ a ni nɛ ɔmɛ a he odase ɔ ngɛ dee ke: “Ee, i ma nɔuu.” Amen. Ee, ba, Mawetsɛ Yesu!

Kpojemi 22:4

nɛ a maa na e hɛ mi, nɛ e biɛ ɔ maa hi a hɛ nya.