Kpojemi 1:5 - Somi He Ɔ

⁵ nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

BAIBLO ALOO NGMAMI KLƆUKLƆU Ɔ

⁵ kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ

Kpojemi 1:5 ပူးပေါင်းရင်းမြစ်များ

Mateo 20:28

Kaa bɔ nɛ Nɔmlɔ Bi ɔ bɛ nɛ a sɔmɔ lɛ, se e ba sɔmɔmi mohu, nɛ e ngɔ e klaa a kɛ ha kaa kpɔmi nɔ kɛ ha nihi fuu ɔ.”

Mateo 28:18

Nɛ Yesu ba nɛ e kɛ mɛ ba tu munyu ke: “A ngɔ he blɔ tsuo ngɔ ha mi ngɛ hiɔwe kɛ zugba a nɔ.

Yohane 13:1

Loko Hetsɔmi nyami ligbi ɔ maa su ɔ, akɛnɛ Yesu le kaa e ngmlɛfia nɛ e kɛ maa je je ɔ mi kɛ ya Tsɛ ɔ ngɔ ɔ su he je ɔ, bɔ nɛ e suɔ e nihi nɛ ngɛ je nɔ mi ɔ, ja e suɔ mɛ kɛ pi si.

Yohane 13:34

Kita he i ngɛ nyɛ woe, kaa nyɛɛ suɔ nyɛ he. Kaa bɔ nɛ i suɔ nyɛ ɔ, jã nyɛ hu nyɛɛ suɔ nyɛ he.

Yohane 15:9

Bɔ nɛ Tsɛ ɔ suɔ mi ɔ, ja imi hu i suɔ nyɛ; nyɛɛ hi si ngɛ ye suɔmi ɔ mi.

Yohane 18:37

Lɔ ɔ he ɔ Pilato bi lɛ ke: “Lɛɛ matsɛ ji mo kɛ̃ lo?” Yesu he nɔ ke: “Jã o de ɔ nɛ; ejakaa matsɛ ji mi. Imi lɛɛ enɛ ɔ he a fɔ mi, nɛ enɛ ɔ he nɔuu i ba je ɔ mi ngɛ, konɛ ma ba ye anɔkuale ɔ he odase. Nɔ tsuaa nɔ nɛ je anɔkuale ɔ mi ɔ nuɔ ye gbi.”

Yohane 3:11

I ngɛ mo dee anɔkuale mi ke: Nɔ́ nɛ wa le ɔ, kɔlɔ ɔ wa deɔ; nɛ nɔ́ nɛ wa na a, kɔlɔ ɔ he odase wa yeɔ, se nyɛ ngɔɛ wa odase ɔ.

Yohane 3:16

Ejakaa Mawu suɔ je ɔ saminya, nɛ e ngɔ e bi kake ɔ ngɔ ha, konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Yohane 3:32

nɛ nɔ́ nɛ e na nɛ e nu ɔ, lɔ ɔ he odase e yeɔ; nɛ nɔ ko nɔ ko ngɔɛ e odase ɔ.

Ni Tsumi 20:28

Lɔ ɔ he ɔ nyɛɛ le nyɛ he nɔ hyemi kɛ tohi a kuu ɔ kulaa nɛ Mumi Klɔuklɔu wo nyɛ a nɔ hyɛli ɔ, konɛ nyɛɛ lɛ Mawu asafo ɔ nɛ e kɛ lɛ nitsɛ e muɔ he ɔ.

Ni Tsumi 26:23

kaa Kristo ɔ maa na amanehlu, nɛ e ba plɛ kekleekle nɔ ngɛ ni gbogboehi a sitemi ɔ mi, nɛ e ba jaje la a he sane ngɔ tsɔɔ ma a kɛ majeli ɔmɛ.”

Romabi 3:25

Lɛ ji nɔ nɛ Mawu je ngɔ to kaa kpatami nɔ kɛ gu e muɔ ɔ nɔ hemi kɛ yemi nɔ, konɛ e je e dami ɔ kpo ngɛ e hɛ nɛ e je kɛ je yayamihi nɛ a pee sa a nɔ ngɛ Mawu tsui si tomi ɔ he;

Romabi 8:37

Se kɛ̃ ɔ, enɛ ɔmɛ kulaa mi ɔ, wa guu nɔ nɛ suɔ wɔ ɔ nɔ yeɔ kunimi babauu.

1 Korintobi 6:11

Sa a, nyɛ ti ni komɛ ngɛ kikɛ; se jahanɛ a du nyɛ he, nɛ a kpale tsukɔ nyɛ he, nɛ a wo nyɛ nguɔ hulɔ ngɛ Nyɔmtsɛ Yesu Kristo biɛ kɛ wa Mawu ɔ Mumi ɔ mi.

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.

Efesobi 2:4

Se Mawu nɛ e mɔbɔ nami hiɛ babauu ɔ, gu lɛ nitsɛ e suɔmi babauu nɛ e kɛ suɔ wɔ ɔ nɔ,

Efesobi 5:2

nɛ nyɛɛ nyɛɛ ngɛ suɔmi mi kaa bɔ nɛ Kristo hu suɔ wɔ nɛ e ngɔ lɛ nitsɛ e he ngɔ ha ngɛ wa he kaa nɔ́ke nɔ́ kɛ bɔ nɛ he via nɛ a kɛ ha Mawu.

Kolosebi 1:18

Lɛ nɔuu ji nɔmlɔ tso ɔ nɛ ji asafo ɔ yi, nɔ nɛ ji sisije ɔ, ni gbogboehi a kpɛti tete ɔ, konɛ lɛ e pee kekleekle nɔ ngɛ nihi tsuo kulaa mi.

1 Timoteo 6:13

I ngɛ mo kita woe ngɛ Mawu nɛ haa nihi tsuo kulaa wami ɔ kɛ Kristo Yesu nɛ ye jajemi kpakpa a he odase ngɛ Pontio Pilato yi nɔ ɔ hɛ mi,

1 Timoteo 6:15

Nɔ nɛ hewami nɔyelɔ kake nɛ da gbaa, matsɛmɛ a matsɛ, kɛ nyɔmtsɛmɛ a nyɔmtsɛ ɔ maa je kpo ngɛ lɛ nitsɛ e be mi ɔ;

Hebribi 10:29

Mɛni tuegblami nɛ nya wa po nyɛ susu kaa e sa nɔmlɔ ko nɛ bui Mawu Bi ɔ, nɛ e bu somi muɔ nɛ a kɛ tsukɔ e he ɔ kaa yaka nɔ ko, nɛ e pee dloomi mumi ɔ nidɔ ni ɔ?

Hebribi 9:14

si nyɛmɛ nɔuu nɛ Kristo, nɛ gu neneene mumi ɔ nɔ ngɔ e he nɛ piami ko be he ngɔ ha Mawu ɔ muɔ be wa he ni lemi he fɔe kɛ je ni tsumi gbogboehi a mi, konɛ wa sɔmɔ Mawu hɛ kalɔ ɔ?

1 Petro 1:19

se mohu, Kristo, nɔ nɛ ngɛ kaa to bi nɛ he be piami loo mu ko ɔ muɔ nɛ he jua wa a.

1 Yohane 1:7

Se ke wa nyɛɛ ngɛ la a mi, kaa bɔ nɛ lɛ nitsɛ e ngɛ la a mi ɔ, lɔ ɔ lɛɛ waa kɛ wa he ngɛ huɛ bɔe, nɛ e Bi Yesu Kristo muɔ ɔ tsukɔɔ wa he kɛ jee yayami tsuaa yayami mi.

1 Yohane 4:10

Enɛ ɔ mi suɔmi ɔ ngɛ: pi kaa wɔ iɛ wa suɔ Mawu se mohu kaa lɛ nɛ e suɔ wɔ, nɛ e tsɔ e Bi ɔ ke e ba pee wa he yayami ɔmɛ a he kpatami nɔ.

Kpojemi 11:15

Kɛkɛ nɛ hiɔwe bɔfo nɛ ji kpaago ɔ kpa e titimati ɔ, nɛ a nu gbi nguahi ngɛ hiɔwe ke: “Je nɛ mi matsɛ yemi ɔ plɛ wa Nyɔmtsɛ ɔ kɛ e Kristo ɔ nɔ, nɛ e maa ye matsɛ kɛ maa ya neneene kɛ neneene!”

Kpojemi 11:3

Nɛ ma ha ye odaseyeli enyɔ ɔ ma bu kpekpe nɛ a maa gba ligbihi akpe kɛ lafa enyɔ kɛ nyingmi ekpa.”

Kpojemi 17:14

Ni nɛ ɔmɛ kɛ Tobi ɔ maa huw ta, nɛ Tobi ɔ maa ye a nɔ, ejakaa lɛ ji nyɔmtsɛmɛ a Nyɔmtsɛ kɛ matsɛmɛ a Matsɛ, nɛ nihi nɛ a kɛ lɛ ngɛ ɔ ji ninɛmɛ nɛ a tsɛ kɛ ninɛmɛ nɛ a hia kɛ ninɛmɛ nɛ heɔ yeɔ ɔ.”

Kpojemi 19:11

Kɛkɛ nɛ i na nɛ a bli hiɔwe nya, nɛ oʼɛ, okpɔngɔ hiɔ, nɛ nɔ nɛ hii si ngɛ nɔ ɔ, a tsɛɛ lɛ ke: Anɔkualetsɛ kɛ Dalɔ; dami nya e kojo ɔ nɛ e hwuɔ ta ngɛ.

Kpojemi 19:16

Nɛ a ngma biɛ ko ngɛ e tade kɛ e fiɔ he ke: “Matsɛmɛ a Matsɛ kɛ nyɔmtsɛmɛ a Nyɔmtsɛ.”

Kpojemi 2:13

I le he nɛ o hii ɔ, he nɛ Satan matsɛ sɛ ɔ ngɛ ɔ. O hɛɛ ye biɛ ɔ mi, nɛ o kua we o hemi kɛ yemi ɔ ngɛ jamɛ a ligbi ɔmɛ a mi po, bene a gbe Antipa, ye o daseyelɔ anɔkualetsɛ ɔ ngɛ nyɛ kpɛti, he nɛ Satan hii ɔ.

Kpojemi 3:14

“Nɛ Laodikea asafo ɔ bɔfo ɔ, ngmaa ya ha lɛ ke: “Nihi nɛ Amen ɔ nɛ ji odase yelɔ anɔkualetsɛ ɔ kɛ anɔkua leyelɔ ɔ kɛ Mawu adebɔ ɔ sisije ɔ de ji nɛɔ nɛ:

Kpojemi 7:14

Nɛ i de lɛ ke: “Ye Nyɔmtsɛ, mo lɛ o le.” Nɛ e de mi ke: “Nimli nɛ ɔmɛ ji nihi nɛ a je nɔ nami kpetekpleenyɛ ɔ mi ɔ nɛ; nɛ a fɔ a tade ɔmɛ a he, nɛ a ha a hiɛ futaa ngɛ Tobi ɔ muɔ ɔ mi.