Kpojemi 1:4 - Somi He Ɔ

⁴ Yohane ngma ya ha asafohi kpaago nɛ ngɛ Asia a: Dloomi kɛ he jɔmi ha nyɛ, kɛ je nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba a dɛ mi, nɛ kɛ je mumihi kpaago nɛ ngɛ e matsɛ sɛ ɔ hɛ mi ɔ ngɔ,

BAIBLO ALOO NGMAMI KLƆUKLƆU Ɔ

⁴ Imi Yohane nɛ i ngma womi nɛ ɔ ya ha asafo kpaago ɔmɛ ngɛ Asia. Dloomi kɛ he jɔmi nɛ je Mawu, nɔ nɛ ngɛ kɛ je blema, nɔ nɛ ngɛ amlɔ nɛ ɔ, nɛ e maa ba a dɛ mi ɔ ha nyɛ. Jehanɛ ɔ, mumi kpaago ɔmɛ nɛ ngɛ Mawu matsɛ sɛ ɔ hɛ mi ɔ,

Kpojemi 1:4 ပူးပေါင်းရင်းမြစ်များ

Yohane 1:1

Sisi je ɔ mi ɔ Munyu ɔ ngɛ, nɛ munyu ɔ kɛ Mawu lɛ ngɛ, nɛ Munyu ɔ Mawu ʼi.

Ni Tsumi 19:10

Nɛ e pee enɛ ɔ jeha enyɔ sɔuu, nɛ nihi tsuo nɛ ngɛ Asia, Yudafohi nɛ Helabi kulaa, nu Nyɔmtsɛ Yesu munyu ɔ.

Ni Tsumi 2:9

Partiabihi kɛ Mediabihi kɛ Elambihi, kɛ nihi nɛ ngɛ Mesopotamia kɛ Yudea kɛ Kapadokia, Ponto kɛ Asia,

Romabi 1:7

I ngɛ enɛ ɔ ngmae ya ha nihi nɛ Mawu suɔ nɛ ji ni klɔuklɔuhi nɛ a tsɛ mɛ nɛ a ngɛ Roma a kulaa: Dloomi kɛ hejɔmi nɛ je wa tsɛ Mawu ɔ kɛ Nyɔmtsɛ Yesu dɛ mi ɔ ha nyɛ!

1 Korintobi 1:3

Dloomi kɛ hejɔmi nɛ je wa tsɛ Mawu ɔ kɛ Nyɔmtsɛ Yesu Kristo dɛ mi ɔ ha nyɛ.

2 Korintobi 1:2

Dloomi kɛ he jɔmi nɛ je wa tsɛ Mawu kɛ Nyɔmtsɛ Yesu Kristo dɛ mi ɔ ha nyɛ.

Hebribi 13:8

Yesu Kristo ɔ, bɔ nɛ e ngɛ hiɛ̃ kɛ mwɔnɛ ɔ, ja nɔuu e ngɛ kɛ yaa neneene.

Yakobo 1:17

Dloomi ni kpakpahi kulaa kɛ nike ni nɛ hi kɛ pi si kulaa a, hiɔwe e jee kɛ kpleɔ si, kɛ jee Mawu nɛ ji lahi a tsɛ ɔ ngɔ, nɔ nɛ mi nɛ su tsakemi kɛ plɛmi ko be ɔ.

Kpojemi 1:1

Yesu Kristo kpo jemi nɛ Mawu ngɔ ha lɛ nɛ e kɛ tsɔɔ e sɔmɔli ɔmɛ nihi nɛ sa kaa e ba mi ngɛ be kpiti mi, nɛ e kɛ tsɔ e bɔfo ɔ nɛ e kɛ ba tsɔɔ e sɔmɔlɔ Yohane,

Kpojemi 1:11

nɛ de mi ke: “Ngmaa nɔ́ nɛ o ngɛ nae ɔ ngɔ wo womi mi, nɛ o kɛ mane asafohi kpaago nɛ ngɛ Efeso, kɛ Smirna, kɛ Pergami, kɛ Tiatira kɛ Sarde, kɛ kɛ Filadelfia, kɛ Laodikea a.

Kpojemi 1:17

Nɛ benɛ i na lɛ ɔ, i nɔ si ngɛ e nane nyɛ kaa nɔ gbogboe; nɛ e kɛ e hiɛ ɔ nine fɔ ye nɔ, nɛ e de mi ke: “Koo ye gbeye; ami ji kekleekle nɔ ɔ kɛ nyagbe nɔ ɔ,

Kpojemi 1:20

dodoehi kpaago nɛ o na ngɛ ye hiɛ ɔ nɔ ɔ laami sane ɔ, kɛ sika kane tsohi kpaago ɔ. Dodoehi kpaago ɔ ji asafohi kpaago ɔmɛ a bɔfohi, kɛ kane tsohi kpaago nɛ o na a ji asafohi kpaago ɔmɛ ɔ nɛ.”

Kpojemi 1:8

Nyɔmtsɛ Mawu ɔ nɛ ji nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba, nɛ ji ope ɔ, ke: “Ami ji Alfa a kɛ Omega a” (kekleekle nɔ kɛ nyagbe nɔ).

Kpojemi 1:9

Imi Yohane nɛ ji nyɛ nyɛmi kɛ nyɛ huɛ ngɛ Yesu Kristo amanehlu ɔ kɛ e matsɛ yemi ɔ kɛ e tsui si tomi ɔ mi ɔ, i ngɛ zugba kpɔ nɛ wo bɔle lɛ nɛ a tsɛɛ lɛ Patmo ɔ nɔ ngɛ Mawu munyu ɔ kɛ Yesu Kristo he odase yemi he.

Kpojemi 16:5

Nɛ i nu nɛ nyu ɔmɛ a nɔ bɔfo ɔ ngɛ dee ke: “Dalɔ ji mo, Nyɔmtsɛ, nɔ nɛ ngɛ kɛ nɔ nɛ hi si sa kɛ nɔ nɛ ji nɔ klɔuklɔu ɔ, ejakaa o nɔ da ngɛ o kojomi nɛ ɔmɛ a mi.

Kpojemi 2:12

“Nɛ Pergamo asafo ɔ bɔfo ɔ, ngmaa yaha lɛ ke: “Nihi nɛ snɔ nɛ hɛɛ hiɔ kɛ e nya mi enyɔ nɛ nya ba a de ji nɛ ɔ nɛ:

Kpojemi 2:18

“Nɛ Tiatira asafo ɔ bɔfo ɔ, ngmaa ya ha lɛ ke: “Nihi nɛ Mawu Bi ɔ nɛ e hɛngmɛ ngɛ kaa la lilɛ nɛ e nanehi ngɛ kaa ayawa nɛ kpɛɔ nylamnylam ɔ de ji nɛ ɔ nɛ.

Kpojemi 2:8

“Nɛ Smirna asafo ɔ bɔfo ɔ, ngmaa ya ha lɛ ke: “Nihi nɛ kekleekleno ɔ kɛ nyagbeno ɔ, nɔ nɛ gbo nɛ e hɛ ngɛ ekohu ɔ de ji nɛ ɔ nɛ:

Kpojemi 22:16

“Imi Yesu, i tsɔ ye bɔfo ɔ konɛ e ba ye ni nɛ ɔmɛ a he odase ngɔ tsɔɔ ngɛ asafo ɔmɛ a mi. Ami ji David sipoku ɔ kɛ e nina a, nɔkɔ nɛ ngɛ kpee ɔ.”

Kpojemi 22:8

Nɛ imi, Yohane, ji nɔ nɛ na nɛ e nu ni nɛ ɔmɛ ɔ nɛ. Nɛ benɛ i nu nɛ i na a, i bu si nɛ ma ja ngɛ hiɔwe bɔfo ɔ nɛ tsɔɔ mi ni nɛ ɔmɛ ɔ nane nya.

Kpojemi 3:1

“Nɛ Sarde asafo ɔ bɔfo ɔ, ngmaa ya ha lɛ ke: “Nihi nɛ nɔ nɛ ngɛ Mawu mumihi kpaago ɔ kɛ dodoehi kpaago ɔ de ji nɛ ɔ nɛ: I le o ni tsumi ɔmɛ kaa o hɛɛ biɛ kaa o hɛ ngɛ, se o gbo.

Kpojemi 3:14

“Nɛ Laodikea asafo ɔ bɔfo ɔ, ngmaa ya ha lɛ ke: “Nihi nɛ Amen ɔ nɛ ji odase yelɔ anɔkualetsɛ ɔ kɛ anɔkua leyelɔ ɔ kɛ Mawu adebɔ ɔ sisije ɔ de ji nɛɔ nɛ:

Kpojemi 3:7

“Nɛ Filadelfia asafo ɔ bɔfo ɔ, ngmaa ya ha lɛ ke: “Nihi nɛ nɔ klɔuklɔu ɔ kɛ anɔkualetsɛ ɔ, nɔ nɛ hɛɛ David safe ɔ, nɔ nɛ bliɔ nɛ nɔ ko nga we, nɛ e ngaa hulɔ nɛ nɔ ko bli we ɔ de ji nɛ ɔ nɛ:

Kpojemi 4:5

Nɛ oslaba gbami kɛ gbi kɛ hiɔwe simi je matsɛ sɛ ɔ mi, nɛ la hahi kpaago nɛ ngɛ tsoe nɛ ji Mawu mumihi kpaago ɔ ngɛ matsɛ sɛ ɔ hɛ mi.

Kpojemi 4:8

Nɛ hɛkali eywiɛ ɔmɛ a ti nɔ tsuaa nɔ ngɛ ple ekpa ekpa, nɛ a he kɛ a mi tsuo hyi tɔtɔɔtɔ kɛ hɛngmɛ sɔuu, nɛ a jɔɔ we lami nyɔ kɛ pia ke: “Klɔuklɔu, klɔuklɔu, klɔuklɔu ji Nyɔmtsɛ Mawu Ope, Nɔ nɛ ngɛ sa a, kɛ nɔ nɛ ngɛ ɔ, kɛ nɔ nɛ maa ba a.”

Kpojemi 5:6

Nɛ i hyɛ nɛ oʼɛ, matsɛ sɛ ɔ kɛ hɛ kali eywiɛ ɔmɛ a kpɛti, kɛ nikɔtɔmahi nyingmi enyɔ kɛ eywiɛ ɔmɛ a kpɛti ɔ, Tobi ko daa si kaa nɔ nɛ a gbe lɛ, nɛ e ngɛ koli kpaago kɛ hɛngmɛ kpaago nɛ ji Mawu mumi kpaago ɔ nɛ a tsɔ kɛ ya zugba a tsuo nɔ ɔ.

Kpojemi 8:2

Nɛ i na hiɔwe bɔfohi kpaago ɔ nɛ daa si ngɛ Mawu hɛ mi ɔ, nɛ a ngɔ Titimati kpaago ngɔ ha mɛ.