Kpojemi 1:11 - Somi He Ɔ

¹¹ nɛ de mi ke: “Ngmaa nɔ́ nɛ o ngɛ nae ɔ ngɔ wo womi mi, nɛ o kɛ mane asafohi kpaago nɛ ngɛ Efeso, kɛ Smirna, kɛ Pergami, kɛ Tiatira kɛ Sarde, kɛ kɛ Filadelfia, kɛ Laodikea a.

BAIBLO ALOO NGMAMI KLƆUKLƆU Ɔ

¹¹ Gbi ɔ de ke, “Ngmaa nɔ́ nɛ o na a ngɔ wo womi mi, nɛ o kɛ mane asafohi nɛ ngɛ ma kpaago nɛ ɔmɛ a mi: Efeso, Smirna, Pergamo, Tiatira, Sarde, Filadelfia, kɛ Laodikea.”

Kpojemi 1:11 ပူးပေါင်းရင်းမြစ်များ

Ni Tsumi 16:14

Nɛ yo ko nɛ a tsɛɛ lɛ Lidia nɛ ji kɔjai jualɔ ko nɛ je Tiatira ma a mi nɛ yee Mawu gbeye ɔ hu nu. Nɛ Nyɔmtsɛ ɔ bli e tsui nya, kaa e bu nihi nɛ Paulo ngɛ dee ɔ tue.

Ni Tsumi 18:24

Yudano ko nɛ a tsɛɛ lɛ Apolo nɛ e se je Aleksandria nɛ ji nyumu nya mi tsɔlɔ nɛ ngɛ he wami ngɛ ngmami ɔmɛ a mi hulɔ ɔ ba Efeso.

Ni Tsumi 20:17

Paulo tsɔ kɛ je Mileeto nɛ a ya tsɛ Efeso nikɔtɔma amɛ ba ha lɛ.

1 Korintobi 15:32

Ke nimli a blɔfami nɛ i kɛ “lohwe dikali” hwu ta ngɛ Efeso ɔ, jinɛ mɛni se i naa? Ke ni gbogboehi ti si ɔ, “Nyɛ ha waa ye ni nɛ waa nu ni, ejakaa hwɔɔ ɔ wa ma gbo!”

1 Korintobi 16:8

Se ma hi Efeso kɛ maa su Pentekoste ligbi ɔ nɔ.

Efesobi 1:1

Paulo, nɛ ji Yesu Kristo bɔfo ngɛ Mawu suɔmi nya a, ngma ya ha ni klɔuklɔuhi nɛ ngɛ Efeso ɔ kɛ ninɛmɛ nɛ heɔ Kristo Yesu nɔ yeɔ ɔ:

Kolosebi 2:1

I suɔ kaa ma ha nyɛɛ le nyɛ he dengme babauu nɛ i ngɛ gboe ngɛ nyɛɛ kɛ ninɛmɛ nɛ ngɛ Laodikea kɛ nihi abɔ nɛ nɛ́ ye hɛ mi ngɛ he lo mi ɔmɛ a he,

1 Timoteo 1:3

Kaa bɔ nɛ benɛ i yaa Makedonia nɛ i kpa mo pɛɛ ke o hi si ngɛ Efeso konɛ o bɔ ni komɛ kɔkɔ ke a ko tsɔɔ tsɔɔmi kpahi,

Kpojemi 1:17

Nɛ benɛ i na lɛ ɔ, i nɔ si ngɛ e nane nyɛ kaa nɔ gbogboe; nɛ e kɛ e hiɛ ɔ nine fɔ ye nɔ, nɛ e de mi ke: “Koo ye gbeye; ami ji kekleekle nɔ ɔ kɛ nyagbe nɔ ɔ,

Kpojemi 1:19

Lɔ ɔ he ɔ ngmaa nihi nɛ o na a, kɛ nihi nɛ ngɛ ɔ, kɛ nihi nɛ maa ba ngɛ ni nɛ ɔmɛ a se ɔ:

Kpojemi 1:2

nɔ nɛ ye Mawu munyu ɔ kɛ Yesu Kristo odase ɔ he odase ngɛ nihi tsuo nɛ e na a he ɔ.

Kpojemi 1:20

dodoehi kpaago nɛ o na ngɛ ye hiɛ ɔ nɔ ɔ laami sane ɔ, kɛ sika kane tsohi kpaago ɔ. Dodoehi kpaago ɔ ji asafohi kpaago ɔmɛ a bɔfohi, kɛ kane tsohi kpaago nɛ o na a ji asafohi kpaago ɔmɛ ɔ nɛ.”

Kpojemi 1:4

Yohane ngma ya ha asafohi kpaago nɛ ngɛ Asia a: Dloomi kɛ he jɔmi ha nyɛ, kɛ je nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba a dɛ mi, nɛ kɛ je mumihi kpaago nɛ ngɛ e matsɛ sɛ ɔ hɛ mi ɔ ngɔ,

Kpojemi 1:8

Nyɔmtsɛ Mawu ɔ nɛ ji nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba, nɛ ji ope ɔ, ke: “Ami ji Alfa a kɛ Omega a” (kekleekle nɔ kɛ nyagbe nɔ).

Kpojemi 10:4

Benɛ hiɔwe simi kpaago ɔ wo a gbi mi ɔ, jinɛ i miɔ nɛ ma ngma; nɛ i nu gbi ko nɛ je hiɔwe de mi ke: “Sɔuu nihi nɛ hiɔwe simi kpaago ɔ de ɔ nya, nɛ o ko ngma.”

Kpojemi 14:13

Nɛ i nu gbi kɛ je hiɔwe ngɛ dee ke: “Ngmaa: A gbaa ni gbogboehi nɛ gboɔ ngɛ Nyɔmtsɛ ɔ mi ɔ, kɛ je mwɔnɛ kɛ yaa nɛ ɔ. Ee, Mumi ɔ ke, konɛ a jɔɔ a he kɛ je a haomi ɔmɛ a mi; se a ni tsumi ɔmɛ nyɛɛ a se.”

Kpojemi 19:9

Kɛkɛ nɛ hiɔwe bɔfo ɔ de mi ke: “Ngmaa: A gbaa nihi nɛ a tsɛ mɛ kɛ ba Tobi ɔ yo kpeemi okplɔɔɔ ɔ he ɔ.” Nɛ e de mi ke: “Mawu anɔkuale munyuhi ji nɛ ɔmɛ ɔ nɛ.”

Kpojemi 2:1

“Ngmaa ya ha Efeso asafo ɔ bɔfo ɔ, ke: “Nihi nɛ nɔ nɛ hɛɛ dodoehi kpaago ɔ ngɛ e hiɛ ɔ nine mi nɛ e nyɛɛ sika kane tso kpaago ɔmɛ a kpɛti ɔ de ji nɛ ɔ nɛ:

Kpojemi 2:12

“Nɛ Pergamo asafo ɔ bɔfo ɔ, ngmaa yaha lɛ ke: “Nihi nɛ snɔ nɛ hɛɛ hiɔ kɛ e nya mi enyɔ nɛ nya ba a de ji nɛ ɔ nɛ:

Kpojemi 2:18

“Nɛ Tiatira asafo ɔ bɔfo ɔ, ngmaa ya ha lɛ ke: “Nihi nɛ Mawu Bi ɔ nɛ e hɛngmɛ ngɛ kaa la lilɛ nɛ e nanehi ngɛ kaa ayawa nɛ kpɛɔ nylamnylam ɔ de ji nɛ ɔ nɛ.

Kpojemi 2:24

“Se i ngɛ nyɛ dee, nyɛ nihi nɛ piɛ ngɛ Tiatira a, nihi abɔ nɛ hɛɛ we tsɔɔmi nɛ ɔ mi, nɛ li ‘Satan muɔhi nɛ a mi kuɔ ɔ’ (kaa bɔ nɛ a deɔ ɔ) I kɛ tlomi kpã ko be nyɛ nɔ fɔe.

Kpojemi 2:8

“Nɛ Smirna asafo ɔ bɔfo ɔ, ngmaa ya ha lɛ ke: “Nihi nɛ kekleekleno ɔ kɛ nyagbeno ɔ, nɔ nɛ gbo nɛ e hɛ ngɛ ekohu ɔ de ji nɛ ɔ nɛ:

Kpojemi 21:5

Kɛkɛ nɛ nɔ nɛ hii si ngɛ matsɛ sɛ ɔ nɔ ɔ de ke: “Oʼɛ, i ngɛ nihi kulaa ehe pee.” Nɛ e de mi ke: “Ngmaa, ejakaa kikɛmɛ a munyuhi nɛ ɔmɛ ji munyuhi nitsɛ nɛ maa si kpɛii.

Kpojemi 22:10

Nɛ e de mi ke: “Koo sɔu kikɛmɛ a womi nɛ mi gbami munyu ɔmɛ a nya, ejakaa be ɔ su.

Kpojemi 22:16

“Imi Yesu, i tsɔ ye bɔfo ɔ konɛ e ba ye ni nɛ ɔmɛ a he odase ngɔ tsɔɔ ngɛ asafo ɔmɛ a mi. Ami ji David sipoku ɔ kɛ e nina a, nɔkɔ nɛ ngɛ kpee ɔ.”

Kpojemi 3:1

“Nɛ Sarde asafo ɔ bɔfo ɔ, ngmaa ya ha lɛ ke: “Nihi nɛ nɔ nɛ ngɛ Mawu mumihi kpaago ɔ kɛ dodoehi kpaago ɔ de ji nɛ ɔ nɛ: I le o ni tsumi ɔmɛ kaa o hɛɛ biɛ kaa o hɛ ngɛ, se o gbo.

Kpojemi 3:14

“Nɛ Laodikea asafo ɔ bɔfo ɔ, ngmaa ya ha lɛ ke: “Nihi nɛ Amen ɔ nɛ ji odase yelɔ anɔkualetsɛ ɔ kɛ anɔkua leyelɔ ɔ kɛ Mawu adebɔ ɔ sisije ɔ de ji nɛɔ nɛ:

Kpojemi 3:4

Se kɛ ɔ, o ngɛ nihi bɔɔ ko ngɛ Sarde, nihi nɛ wui a tade ɔmɛ mu; a kɛ mi maa nyɛɛ ngɛ tade hiɔhi a mi, ejakaa a sa ja.

Kpojemi 3:7

“Nɛ Filadelfia asafo ɔ bɔfo ɔ, ngmaa ya ha lɛ ke: “Nihi nɛ nɔ klɔuklɔu ɔ kɛ anɔkualetsɛ ɔ, nɔ nɛ hɛɛ David safe ɔ, nɔ nɛ bliɔ nɛ nɔ ko nga we, nɛ e ngaa hulɔ nɛ nɔ ko bli we ɔ de ji nɛ ɔ nɛ: