Kolosebi 4:12 - Somi He Ɔ

¹² Epafra nɛ je nyɛ kpɛti nɛ ji Kristo sɔmɔlɔ nɛ daa nɛ ɔ e kaii nyɛ ngɛ e sɔlemihi a mi, konɛ nyɛɛ da si nɛ nyɛɛ hi kɛ pi si nɛ nyɛ hyi tɔtɔɔtɔ ngɛ Mawu suɔmi nya nihi kulaa mi ɔ, ke e biɔ nyɛ.

BAIBLO ALOO NGMAMI KLƆUKLƆU Ɔ

¹² Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

Kolosebi 4:12 ပူးပေါင်းရင်းမြစ်များ

Mateo 5:48

Lɔ ɔ he ɔ nyɛɛ hi kɛ pi si, kaa bɔ nɛ nyɛ tsɛ nɛ ngɛ hiɔwe ɔ hu hi kɛ pi si ɔ.”

Luka 1:1

Akɛnɛ nihi fuu kɔ fɔ a nɔ kaa a maa ngma sanehi nɛ ba mi ngɛ wa kpɛti ɔ,

Luka 22:44

Nɛ benɛ e he ngɛ lɛ hiae ɔ, e ha e sɔlemi ɔ mi wa. Nɛ e he latsa plɛ kaa muɔloku nɛ ngɛ tslee kɛ ngɛ si puee.]

Yohane 12:26

Ke nɔ ko ngɛ mi sɔmɔe ɔ, e nyɛɛ ye se, nɛ he nɛ i ngɛ ɔ, lejɛ ɔ ye sɔmɔlɔ ɔ hu maa hi. Ke nɔ ko ngɛ mi sɔmɔe ɔ, Tsaatsɛ maa wo lɛ.”

Romabi 15:14

Se mamimɛ, imi nitsɛ hu i ngɛ he wami ngɛ nɔ ngɛ nyɛ he kaa nyɛ nitsɛmɛ tete nyɛ hyi tɔtɔɔtɔ kɛ mi mi himi, nɛ ni lemi kulaa hyi nyɛ tɔ, nɛ nyɛ nyɛɔ tuɔ munyu tsɔɔ nyɛ he hulɔ.

Romabi 15:30

Se i kpa nyɛ pɛɛ, mamimɛ, ngɛ wa Nyɔmtsɛ Yesu Kristo he kɛ Mumi ɔ suɔmi he, kaa nyɛɛ piɛ ye he kɛ plee ngɛ nyɛ sɔlemihi nɛ nyɛ sɔlee ngɔ haa mi ngɛ Mawu hɛ ni ɔ mi,

1 Korintobi 14:20

Mamimɛ, nyɛ ko pee nyɛ he jokuɛwi ngɛ juɛmi blɔfami, se yayami blɔfami ɔ, nyɛɛ pee nyɛ he bimwɔwi, se juɛmi blɔfami ɔ, nyɛɛ pee nyɛ he nihi nɛ a wa.

1 Korintobi 2:6

Se kɛ ɔ, wa tuɔ nilemi munyu ngɛ ninɛmɛ nɛ a hi kɛ pi si ɔmɛ a kpɛti, se tsa pi je nɔ mi nilemi aloo je nɔ mi nikɔtɔmahi nɛ bee kɛ yaa amɛ a nɔ ʼi;

2 Korintobi 13:11

Nyagbe ɔ, mamimɛ, nyɛ bua nɛ jɔ, nyɛɛ hi kɛ pi si, nyɛɛ wo nyɛ sibi ga, nyɛ juɛmi nɛ pee kake, nyɛɛ hi si ngɛ he jɔmi mi, nɛ suɔmi kɛ he jɔmi Mawu ɔ kɛ nyɛ maa hi si.

Galatabi 1:10

Blɔɔ jehanɛ nimli a hɛ mi i ngɛ hlɛe nɛ ma sa loo Mawu? Aloo i ngɛ nimli a hɛ mi hlae ma sa? Ejakaa ke i ngɛ nɔ ngɛ nimli a hɛ mi sae kɛ mwɔɔ ɔ, lɛɛ pi Kristo tsɔlɔ ji mi.

Galatabi 4:19

Ye bimɛ kpakpahi, i nu kɔɔmi ngɛ nyɛ fɔmi he ekohu kɛ maa su be nɛ a maa bɔ Kristo subai ɔ ngɛ nyɛ mi.

Kolosebi 1:22

jehanɛ, e kɛ e he lo nɔmlɔ tso ɔ gu gbenɔ mi kɛ kpata ha nyɛ, konɛ e kɛ nyɛ nɛ da si kaa ni klɔuklɔuhi nɛ he be piami ko loo nya pomi ko ngɛ e hɛ mi.

Kolosebi 1:28

Lɛ e he sane wa fiɛɔ, nɛ wa woɔ nɔmlɔ tsuaa nɔmlɔ ga, nɛ wa tsɔɔ nɔmlɔ ni ngɛ ni lemi tsuaa ni lemi mi, konɛ waa kɛ nɔmlɔ tsuaa nɔmlɔ nɛ da si kaa nɔ́ nɛ hi kɛ pi si ngɛ Kristo Yesu mi.

Kolosebi 1:29

Kɔlɔ ɔ he dengme i ngɛ gboe nɛ i ngɛ plee ngɛ ni tsumi nɛ a kɛ he wami tsuɔ ngɛ ye mi ɔ nya.

Kolosebi 1:7

kaa bɔ nɛ nyɛ kase hulɔ ngɛ Epafra, nɔ nɛ ji wa huɛ sɔmɔlɔ nɛ wa suɔ, nɛ ji Kristo anɔkuale sɔmɔlɔ ha nyɛ ɔ nya a,

Kolosebi 1:9

Enɛ ɔ he je ɔ wɔ hu, kɛ je ligbi nɛ wa nu ɔ, wa jɔɔ we sɔlemi kɛ pɛɛ kpami kɛ nyɛ hami, konɛ nyɛ hyi tɔtɔɔtɔ kɛ e suɔmi nya nihi a lemi ngɛ mumi mi ni lemi kɛ sisinami tsuo mi;

Kolosebi 4:9

nɛ i ngɔ Onesimo nɛ ji anɔkualetsɛ kɛ nyɛmi nɛ a suɔ nɛ je nyɛ kpɛti ɔ ngɔ piɛ e he; a ma ba bɔ nyɛ hiɛ ɔ sanehi kulaa.

1 Tesalonikabi 5:23

He jɔmi Mawu ɔ nitsɛ nɛ tsukɔ nyɛ he kulaa kɛ pi si, nɛ e hyɛ nyɛ mumi kɛ nyɛ klaa kɛ nyɛ nɔmlɔ tso ɔ kulaa nɔ nɛ piami ko ko hi he ngɛ wa Nyɔmtsɛ Yesu Kristo bami be ɔ mi.

Filemon 1:23

Epafra, nɛ ji ye huɛ pa mi no ngɛ Kristo Yesu mi ɔ ke e biɔ mo,

Hebribi 5:14

Se ninɛmɛ nɛ wa a, a nɔ ji niyeni nitsɛ, nihi nɛ tsɔse a he numi ni ɔmɛ le slɔɔto nɛ ngɛ kpakpa kɛ yayami kpɛti.

Hebribi 5:7

Ngɛ Yesu he lo be ɔmɛ a mi ɔ, e ngɔ sɔlemi kɛ pɛɛ kpami nɛ ngmlaa kpami nɛ nya wa kɛ vo nyu piɛ he sa bɔ ha nɔ nɛ ngɛ he wami nɛ e kɛ ma he lɛ kɛ je gbenɔ mi ɔ, nɛ a bu lɛ tue hulɔ, ejakaa e buu Mawu.

Yakobo 1:1

Yakobo, nɛ ji Mawu kɛ Mawetsɛ Yesu Kristo sɔmɔlɔ ɔ, ngma ya ha wɛtso nyɔngma kɛ enyɔ nɛ gbɛ fia a: Nyɛ he manye!

Yakobo 1:4

Nyɛ ha tsui si tomi ɔ nɛ gbe e nitsumi nya kɛ pi si, konɛ nyɛɛ hi kɛ pi si, nɛ nyɛɛ su, nɛ e ko piɛ nyɛ nɔ́ ko nɔ́ ko.

Yakobo 5:16

Nyɛɛ jaje nyɛ he yayami ɔmɛ ngɔ tsɔɔ nyɛ he, nɛ nyɛɛ sɔle ngɔ ha nyɛ he, konɛ a tsa nyɛ. Dalɔ sɔlemi nɛ mi wa a nyɛɔ nihi babauu tsuɔ.

2 Petro 1:1

Simon Petro nɛ ji Yesu Kristo sɔmɔlɔ kɛ bɔfo ɔ, ngma ya ha nihi nɛ nine su hemi kɛ yemi nɛ he jua wa kaa wa nɔ ɔ nɔuu nɔ, ngɛ wa Mawu kɛ wa yi wami helɔ Yesu Kristo dami ɔ mi ɔ.

Yuda 1:24

Lɛ, nɔ nɛ e ngɛ he wami nɛ e kɛ maa bu nyɛhe nɛ nyɛ ko tɛ si, nɛ e kɛ nyɛ ya da e nyami ɔ hɛ mi nɛ piami ko ko hi nyɛ he ngɛ bua jɔmi mi ɔ,