Kolosebi 3:5 - Somi He Ɔ

⁵ Lɔ ɔ he ɔ nyɛɛ gbe nyɛ he nihi nɛ ngɛ zugba a nɔ ɔ: ajuama bɔmi, mu ni tsumi, mi mi la, akɔnɔ yaya, kɛ hɛ tsumi nɛ ji wɔ jami ɔ,

BAIBLO ALOO NGMAMI KLƆUKLƆU Ɔ

⁵ Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

Kolosebi 3:5 ပူးပေါင်းရင်းမြစ်များ

Romabi 8:13

Ejakaa ke he lo nya nyɛ hii si ngɛ ɔ, nyɛ ma gbo. Se ke nyɛɛ kɛ Mumi ɔ gbee he lo ɔ ni tsumi ɔmɛ ɔ, nyɛ yi ma na wa.

Galatabi 5:24

Se nihi nɛ ji Kristo Yesu nihi ɔ, a sɛu he lo ɔ kɛ e he numi nihi kɛ e kɔnɔ ɔmɛ kulaa.

Romabi 6:13

Nɛ jeha nɛ ɔ nyɛ ko ngɔ nyɛ he ni ɔmɛ ngɔ ha yayami kaa ni yayami ɔmɛ a tahwumi nihi, se mohu nyɛɛ ngɔ nyɛ he ngɔ ha Mawu kaa ninɛmɛ nɛ a hɛ tsɛ kɛ je gbeje, nɛ nyɛɛ kɛ nyɛ he ni ɔmɛ nɛ pee dami tahwumi nihi ngɔ ha Mawu.

1 Petro 2:11

Mamimɛ, i ngɛ munyu tue kɛ ngɛ nyɛ tsɔɔe kaa nibwɔhi kɛ blɔ hiali kaa nyɛɛ nyɛ he lo se dimi nihi nɛ kɛ klaa hwuɔ ta,

1 Korintobi 6:18

Nyɛɛ tu ajuama bɔmi nya fo! Yayami tsuaa yayami nɛ nɔmlɔ peɔ ɔ, pi e nɔmlɔ tso ɔ mi nɛ e ngɛ; se nɔ nɛ bɔɔ ajuama a, e peɔ yayami siɔ lɛ nitsɛ e nɔmlɔ tso ɔ.

Efesobi 4:19

Nɔ́ ko nɔ́ ko pee we mɛ zo hu he je ɔ, a ngɔ a he ngɔ ha ya homi, nɛ a kɛ hɛ tsumi tsuɔ tai nihi tsuo kulaa.

2 Korintobi 12:21

I ngɛ gbeye yee kaa ke i ba a, ye Mawu ɔ maa ba mi si ekohu ngɛ nyɛ he, nɛ ma ye kɔmɔ ha nihi nɛ pee yayami sa nɛ a tsakee we a tsui ɔmɛ a ti nihi fuu, ngɛ a mu nihi kɛ ajuama bɔmi kɛ ya homi ɔ he.

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”

Romabi 7:23

Se i naa mlaa muno ko ngɛ ye nɔmlɔ tso he ni ɔmɛ a mi nɛ kɛ ye juɛmi mlaa a hwuɔ ta, nɛ e ngɔɔ mi nyɔguɛ ngɔ haa yayami mlaa a nɛ ngɛ ye nɔmlɔ tso he ni ɔmɛ a mi ɔ.

Mateo 15:19

Ejakaa tsui mi nɛ susumi yayahi, nɔmlɔ gbemi, gba puɛmihi, ajuama bɔmihi, jumihi, lakpa odase yemihi kɛ musu bɔmihi jee.

Kpojemi 22:15

Se ma a se ɔ, gbe ɔmɛ kɛ nyuali ɔmɛ kɛ ya holi ɔmɛ kɛ awi yeli ɔmɛ kɛ amaga jali ɔmɛ kɛ nɔ tsuaa nɔ nɛ suɔ lakpa nɛ ngɔɔ nya a ngɛ lejɛ ɔ.

Yakobo 4:1

Jije tahi kɛ kunɔhi nɛ ngɛ nyɛ kpɛti ɔ je? Anɛ pi nyɛ kɔnɔhi nɛ hwuɔ ta ngɛ nyɛ he ni ɔmɛ a mi ɔ mi nɛ a je lo?

1 Korintobi 6:13

Ngma ngɛ ha muklii, nɛ muklii hu ngɛ ha ngma, se Mawu ma ha enyɔ ɔ kulaa se maa po. Nɔmlɔ tso ɔ, pi ajuama bɔmi he nɛ e ngɛ ngɛ, se mohu Nyɔmtsɛ ɔ he e ngɛ ngɛ, nɛ Nyɔmtsɛ ɔ hu ngɛ ha nɔmlc tso ɔ.

Romabi 6:6

Wa le enɛ ɔ kaa a sɛu wa nɔmlɔ tso momo ɔ ngɔ piɛ e he konɛ yayami nɔmlɔ tso ɔ hɛ mi nɛ kpata nɛ wa ko sɔmɔ yayami hu.

Hebribi 13:4

A wo gba hɛ mi nyami ngɛ nyɛ kulaa nyɛ kpɛti, nɛ a ko ble gba sa a hulɔ; se ajuama bɔli kɛ gba puɛli ɔmɛ ɔ, Mawu maa kojo mɛ.

Hebribi 12:16

konɛ nɔ ko ko pee e he ajuama bɔlɔ, loo yaka nɔmlɔ kaa Esau nɛ jua e bi tete blɔ nya a kɛ he si kake niye ni ɔ.

1 Tesalonikabi 4:3

Enɛ ɔ ji Mawu suɔmi nya ni kaa nyɛ he nɛ tsɔ, lɔ ɔ ji kaa nyɛɛ tsi nyɛ he nya kɛ je ajuama bɔmi he,

1 Korintobi 5:1

Angɛ de ngɛ nyɛ he niinɛ kaa ajuama bɔmi ngɛ nyɛ kpɛti, ajuama bɔmi nɛ be majemajeli ɔmɛ a mi tete, kaa nɔ ko maa ngɔ e tsɛ yo.

Romabi 7:5

Ejakaa bene wa ngɛ he lo mi ɔ, yayamihi a he hɛdɔ ɔmɛ guu mlaa a nɔ tsuɔ ni ngɛ wa he ni ɔmɛ a mi, nɛ waa kɛ wo yiblii ha gbenɔ.

Romabi 1:29

A hyi tɔ kɛ ni yayamihi, yiwitso, hɛ tsumi, yayami; a hyi tɔ kɛ nyɛmi, awi yemi, pɛ, sisimi, nihi a he munyu tumi;

Romabi 1:26

Enɛ ɔ he je nɛ Mawu ngmɛɛ a he ngɔ ha zo nihi a he hɛdɔmi ɔ nɛ; ejakaa nɔ nɛ a to nɛ a peɔ ɔ, a yi ɔmɛ tsake hɛ mi ngɔ ha nɔ nɛ a pee we.

1 Tesalonikabi 4:5

pi ngɛ akɔnɔ hɛ dɔmi mi, kaa bɔ nɛ maje li a bimɛ nɛ li Mawu ɔ peɔ ɔ;

1 Korintobi 6:11

Sa a, nyɛ ti ni komɛ ngɛ kikɛ; se jahanɛ a du nyɛ he, nɛ a kpale tsukɔ nyɛ he, nɛ a wo nyɛ nguɔ hulɔ ngɛ Nyɔmtsɛ Yesu Kristo biɛ kɛ wa Mawu ɔ Mumi ɔ mi.

Kolosebi 2:11

nɔ mi nɛ a po nyɛ hu ngɛ, kɛ nɔ pomi nɛ pi he lo mi pomi, se mohu Kristo pomi nɛ jeɔ wɔ kɛ jee he lo nɔmlɔ tso yayami mi ɔ;

1 Timoteo 6:10

Ejakaa ni yayahi kulaa sipoku ji sika suɔmi nɛ ni komɛ di se nɛ a tla blɔ kɛ je hemi kɛ yemi ɔ mi, nɛ a kɛ piimi babauu gbɔ a tsui mi ɔ.

Hebribi 13:5

Sika suɔmi nɛ ko sɛ nyɛ si himi mi, nɛ nyɛ bua nɛ jɔ nihi nɛ nyɛ ngɛ ɔ he, ejakaa Mawu ke: “I be mo sie, nɛ jehanɛ hu i be mo kuae ligbi ko ligbi ko.”