Kolosebi 3:3 - Somi He Ɔ

³ Ejakaa nyɛ gbo nɛ a ngɔ nyɛ wami ɔ kɛ Kristo tsuo ngɔ laa ngɛ Mawu mi.

BAIBLO ALOO NGMAMI KLƆUKLƆU Ɔ

³ Ejakaa nyɛ ngɛ kaa nihi nɛ gbo, nɛ a ngɔ nyɛ wami ɔ kɛ Kristo tsuo ngɔ laa ngɛ Mawu mi.

Kolosebi 3:3 ပူးပေါင်းရင်းမြစ်များ

Mateo 11:25

Jamɛ a be ɔ mi ɔ, Yesu he nɔ nɛ e de ke: “I ngɛ o yi jee, Tsaatsɛ, hiɔwe kɛ zugba nyɔmtsɛ, kaa o ngɔ ni nɛ ɔmɛ ngɔ laa ga leli kɛ ni leli, nɛ o je tsɔɔ bimwɔwi;

Yohane 14:19

E piɛ bɔɔ kɛkɛ nɛ je ɔ be mi nae hu; se nyɛ lɛɛ nyɛɛ ngɛ mi nae, ejakaa ye hɛ ngɛ, nɛ nyɛ hu nyɛ hɛ maa hi ngmengmle.

Yohane 3:16

Ejakaa Mawu suɔ je ɔ saminya, nɛ e ngɔ e bi kake ɔ ngɔ ha, konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Yohane 4:14

se nɔ nɛ nuu nyu nɛ imi ma ha lɛ ɔ, kuma be lɛ yee gblee kɛ maa ya neneene; se mohu nyu nɛ ma ha lɛ ɔ ma plɛ nyu hɛngmɛ nɛ baa kɛ yaa neneene wami mi ngɛ e mi.”

Yohane 5:21

Ejakaa bɔ nɛ Tsɛ ɔ tleɔ ni gbogboehi a si nɛ e haa mɛ wami ɔ, ja kɛ̃ Bi ɔ hu haa nihi nɛ e suɔ ɔ wami.

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Yohane 5:40

Se nyɛ sume kaa nyɛ baa ye ngɔ nɛ nyɛ na wami.

Romabi 5:10

Ejakaa ke be mi nɛ wa ji henyɛli ɔ nɛ a kɛ Mawu bi ɔ gbenɔ ba kpata waa kɛ Mawu kpɛti ɔ, jeha nɛ nɛ a kpata nɛ ɔ, a ma he wa yi wami hluu ngɛ e wami ɔ mi.

Romabi 5:21

konɛ bɔ nɛ yayami ɔ ye tsɛ ngɛ gbenɔ mi ɔ, ja nɔuu dloomi ɔ maa gu dami nɔ kɛ ye tsɛ hulɔ kɛ maa ya neneene wami mi ngɛ Yesu Kristo wa Nyɔmtsɛ ɔ he.

Romabi 6:11

Ja nyɛ hu nyɛɛ bu nyɛ he kaa nihi nɛ a gbo ha yayami nɛ a hɛ ngɛ kɛ ha Mawu ngɛ Yesu Kristo wa Nyɔmtsɛ ɔ mi.

Romabi 6:2

Dɛbi! Wɔ nɛ wa gbo ngɔ ha yayami ɔ, kɛ maa pee kɛɛ nɛ wa hɛ maa tsa nɔ hi ngmengmle ngɛ e mi?

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

1 Korintobi 15:45

Jã a ngma hulɔ ke: “Adam nɛ ji kekle nɔmlɔ ɔ plɛ klaa nɛ hɛ ngɛ; nyagbe Adam ɔ plɛ mumi nɛ haa nɔ yi naa wa.”

1 Korintobi 2:14

Se nɔmlɔ su nɛ a kɛ fɔ lɛ ɔ he we Mawu Mumi ɔ ni ɔmɛ; ejakaa e peɔ lɛ kaa kuasiahi a sane ʼi, nɛ e nɛ́ nya, ejaka mumi a kɛ hlaa nya.

2 Korintobi 5:14

Ejakaa Kristo suɔmi ɔ nyɛɛ wa nɔ nɛ wa ngɔɔ lɛ kaa ke nɔ kake gbo nihi kulaa a yi gbenɔ ɔ, lɛɛ ni ɔmɛ kulaa gbo.

2 Korintobi 5:7

(ejakaa hemi kɛ yemi nya wa nyɛɛ ngɛ, se pi ni nami nya);

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.

Efesobi 3:9

nɛ ma ha nihi kulaa a hɛ mi nɛ tsɔ mɛ nɛ a le nɔ́ nɛ ji laami sane nɛ a ngɔ laa ngɛ Mawu nɔ nɛ bɔ nihi kulaa a blɔ nya tomi ɔ mi,

Filipibi 4:7

nɛ Mawu he jɔmi nɛ pe juɛmi kulaa a maa bu nyɛ tsuihi kɛ nyɛ juɛmi ɔmɛ a he ngɛ Kristo Yesu mi!

Kolosebi 1:5

ngɛ hɛ kɛ nɔ fɔmi nɛ a ngɔ to ha nyɛ ngɛ hiɔwe ɔ he. Nyɛ nu momo ngɛ sane kpakpa a anɔkuale munyu ɔ mi,

Kolosebi 2:20

Lɔ ɔ he ɔ ke nyɛɛ kɛ Kristo gbo kɛ ha je nɛ ɔ mi sisije ni ɔmɛ ɔ, mɛni he je mɔ nɛ nyɛ ngɛ kaa nihi nɛ a hɛ ngɛ ngɛ je ɔ mi, nɛ nyɛ haa a woɔ nyɛ mlaa kɛ mwɔɔ ke:

Kolosebi 2:3

nɔ́ mi nɛ a ngɔ ga kɛ ni lemi juetli ɔ kulaa ngɔ laa ngɛ ɔ.

Kolosebi 3:4

Benɛ Kristo, nɔ nɛ ji wa wami ɔ ma pue ɔ, lɔ ɔ lɛɛ nyɛ hu nyɛɛ kɛ lɛ ma pue ngɛ anuminyami mi.

Hebribi 7:25

Lɔ ɔ he hu ɔ e nyɛɔ nihi nɛ guu e nɔ kɛ baa Mawu ngɔ ɔmɛ a yi wami heɔ, ejakaa e ngɛ daa konɛ e da mi ha mɛ.

1 Petro 3:4

se mohu nyɛ he fɛu ɔ, a na ngɛ nyɛ tsui mi, ngɛ mumi nɛ he jɔ nɛ ngɛ kpoo nɛ puɛ we ɔ mi, kɔlɔ ɔ ji nɔ nɛ he jua wa ngɛ Mawu hɛ mi.

1 Petro 4:2

konɛ be nɛ piɛ ha lɛ ngɛ he lo mi si himi nɛ ɔ mi ɔ, e ko hi si ngɛ nimli a kɔnɔhi a nya, se mohu ngɛ Mawu suɔmi nya nihi a nya.

1 Yohane 3:2

Mamimɛ, jehanɛ ɔ, Mawu bimɛ ji wɔ, nɛ a na we nɛ a je bɔ nɛ wa maa hi ha a si; se wa le kaa benɛ Kristo ma pue ɔ, wa maa hi kaa lɛ, ejakaa wa maa na lɛ bɔ nɛ e ngɛ ɔ.

Kpojemi 2:17

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ mana nɛ a kɛ laa a eko nɛ e ye, nɛ ma ha lɛ tɛ hiɔ, nɛ tɛ ɔ nɔ ɔ, a ngma biɛ he nɛ nɔ ko li ja nɔ nɛ naa a.”