Kolosebi 3:22 - Somi He Ɔ

²² Sɔmɔli, nyɛɛ bu nyɛ he lo blɔfami nyɔmtsɛmɛ ɔmɛ a tue ngɛ nihi kulaa mi, pi kɛ hɛ mi sɔmɔmi, kaa nihi nɛ hlaa nimli a hɛ mi nyami, se mohu ngɛ tsui kpakpa mi kaa nihi nɛ yee Mawu gbeye.

BAIBLO ALOO NGMAMI KLƆUKLƆU Ɔ

²² Nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ ngɛ nɔ́ tsuaa nɔ́ mi, pi kɛ hɛ mi sɔmɔmi nɛ ma ha nyɛ nyɔmtsɛmɛ ɔmɛ maa suɔ nyɛ sane. Mohu ɔ, nyɛɛ bu mɛ kɛ je nyɛ tsui mi kaa nihi nɛ yeɔ Mawu gbeye.

Kolosebi 3:22 ပူးပေါင်းရင်းမြစ်များ

Galatabi 1:10

Blɔɔ jehanɛ nimli a hɛ mi i ngɛ hlɛe nɛ ma sa loo Mawu? Aloo i ngɛ nimli a hɛ mi hlae ma sa? Ejakaa ke i ngɛ nɔ ngɛ nimli a hɛ mi sae kɛ mwɔɔ ɔ, lɛɛ pi Kristo tsɔlɔ ji mi.

1 Tesalonikabi 2:4

se mohu kaa bɔ nɛ Mawu bu wɔ nihi nɛ sa kaa a tu sane kpakpa a ngɔ wo wa dɛ mi ɔ, ja wa deɔ, pi bɔ nɛ sa nimli a hɛ mi, se mohu bɔ nɛ sa Mawu nɛ kaa tsuihi hyɛ ɔ hɛ mi.

Kolosebi 3:20

Bimɛ, nyɛɛ bu nyɛ fɔli a tue ngɛ nɔ tsuaa nɔ blɔfami, ejakaa kɔlɔ ɔ lɛ sa Nyɔmtsɛ ɔ hɛ mi saminya.

Luka 6:46

“Se mɛ he je nyɛ tsɛɛ mi: ‘Nyɔmtsɛ, Nyɔmtsɛ,’ nɛ nyɛ pee we nihi nɛ i deɔ ɔ?

Filemon 1:16

pi kaa sɔmɔlɔ hu, se mohu nɔ nɛ pe sɔmɔlɔ tete, nɔ nɛ ji suɔmi nyɛmi, nɛ i fiɛ we e he, nɛ mo mohu e ji o nɔ kulaa ngɛ he lo kɛ Nyɔmtsɛ ɔ blɔfami ɔ.

2 Korintobi 7:1

Jehanɛ, mamimɛ nɛ a suɔ, akɛnɛ wa na si womi nɛ ɔmɛ he je ɔ, nyɛ ha wa fɔ wa he kɛ je he lo kɛ mumi mi mu kulaa mi, nɛ waa hi kɛ pi si ngɛ he tsɔmi mi ngɛ Mawu gbeye yemi mi.

Ni Tsumi 2:46

Nɛ daa ligbi ɔ, a kɛ juɛmi kake yaa sɔlemi we ɔ, nɛ a kuɔ abolo ngɛ wehi a mi, nɛ a kɛ bua jɔmi kɛ tsui klɔuu yeɔ ni,

Luka 7:8

Ejakaa imi po nɛ i ji nɔmlɔ nɛ a yeɔ e nɔ ɔ, i ngɛ aslaafohi ngɛ ye sisi, nɛ ke i de nɔ nɛ ɔ ke: ‘Yaa’ a, e yaa; nɛ ke i de nɔ kpa hu ke: ‘Ba’ a, e baa; nɛ ke i de ye tsɔlɔ ke: ‘Pee enɛ ɔ’ ɔ, e peɔ.”

Mateo 8:9

Ejakaa imi po nɛ i ji nɔmlɔ nɛ a yeɔ e nɔ ɔ, i ngɛ aslaafohi ngɛ ye sisi, nɛ ke i de nɔ kake ke: ‘Yaa’ a, e yaa, nɛ ke i de nɔ kpa hu ke: ‘Ba’ a, e baa, nɛ ke i de ye tsɔlɔ ke: ‘Pee enɛ ɔ’ ɔ, e peɔ.”

Mateo 6:22

“Nɔmlɔ tso ɔ la ji hɛngmɛ. Lɔ ɔ he ɔ ke o hɛngme nɔ tsɔ ɔ, o nɔmlɔ tso mluku ɔ tsuo ma hyi kɛ la;