Kolosebi 3:17 - Somi He Ɔ

¹⁷ Nɛ nɔ́ tsuaa nɔ́ nɛ nyɛ ngɛ pee ngɛ munyu tumi loo ni tsumi blɔfami ɔ, nyɛɛ pee kulaa ngɛ Yesu Kristo biɛ mi, nɛ nyɛɛ gu e nɔ kɛ na Mawu kɛ Tsɛ ɔ si.

BAIBLO ALOO NGMAMI KLƆUKLƆU Ɔ

¹⁷ Lɔ ɔ he ɔ, nɔ́ tsuaa nɔ́ kɛ mumi lahi kɛ je nyɛ tsui mi, nɛ nyɛ ngɛ pee; munyu lɛ nyɛ ngɛ tue jio, ní nyɛ ngɛ tsue jio, nyɛɛ pee ngɛ Nyɔmtsɛ Yesu biɛ mi. Nɛ nyɛɛ gu e nɔ kɛ na Tsɛ Mawu ɔ si.

Kolosebi 3:17 ပူးပေါင်းရင်းမြစ်များ

1 Korintobi 10:31

Lɔ ɔ he ɔ, ke ni nyɛ ngɛ yee jio, ni nyɛ ngɛ nue jio, aloo nɔ kpa ko nɛ nyɛ ngɛ pee jio, nyɛɛ pee kulaa kɛ wo Mawu hɛ mi nyami.

Kolosebi 3:23

Nɛ nɔ́ tsuaa nɔ́ nɛ nyɛ ngɛ pee ɔ, nyɛɛ je nyɛ tsui mi kɛ pee, kaa Nyɔmtsɛ ɔ nyɛ ngɛ pee kɛ ngɛ hae se pi nimli,

Efesobi 5:20

Nyɛɛ na Mawu kɛ Tsɛ ɔ si daa ngɛ nihi kulaa he ngɛ wa Nyɔmtsɛ Yesu Kristo biɛ mi.

1 Petro 4:11

Ke munyu nɔ ko ngɛ tue ɔ, e tu lɛ kaa Mawu munyu; ke sɔmɔmi nɔ ko ngɛ sɔmɔe ɔ, e je he wami nɛ Mawu dloo lɛ ɔ mi; konɛ a gu Yesu Kristo nɔ nɛ a wo Mawu hɛ mi nyami ngɛ nihi kulaa mi, nɔ nɛ nɔ́ nɛ ji nyami ɔ, kɛ he wami ɔ, kɛ yaa neneene kɛ neneene ɔ! Amen.

1 Tesalonikabi 5:18

nyɛɛ na si ngɛ nɔ fɛɛ nɔ mi; ejakaa lɔ ɔ ji Mawu suɔmi nya ni ngɛ Kristo Yesu mi ngɛ nyɛ blɔfami.

1 Petro 2:5

nɛ nyɛ hu, nyɛ ha a ngɔ nyɛ kaa tɛ nɛ hɛ ngɛ nɛ a kɛ fia mumi mi sɔlemi tsu nɛ nyɛɛ pee osɔfohi a weku konɛ nyɛɛ sã mumi mi bɔ nɛ sa Mawu hɛ mi kɛ gu Yesu Kristo nɔ.

Hebribi 13:15

Lɛɛ nyɛ ha nɛ waa gu Yesu nɔ nɛ waa kɛ yi jemi bɔ ba ha Mawu daa; kɔlɔ ɔ ji waa jaje e biɛ ɔ yi jemi kɛ wa nya.

1 Yohane 3:18

Bimɛ tsɔwi, nyɛ ko ha waa suɔ nimli ngɛ munyu tutui mi loo ngɛ lilɛ nɔ kɛkɛ, se mohu ngɛ ni tsumi kɛ anɔkuale mi.

1 Petro 2:9

Se nyɛɛ lɛɛ, weku nɛ a hla ji nyɛ, matsɛmɛ nɛ yeɔ osɔlohi, je ma klɔuklɔu, ma nɛ e ngɔ pee e nɔ, konɛ nyɛɛ jaje nɔ nɛ tsɛ nyɛ kɛ je diblii ɔ mi kɛ ba lɛ nitsɛ e nyakpɛ la a he ɔ agbo jemi ɔ.

Filipibi 2:11

nɛ lilɛ tsuaa lilɛ nɛ jaje paa ke Yesu Kristo ji Nyɔmtsɛ kɛ wo Tsɛ Mawu ɔ hɛ mi nyami.

Ni Tsumi 4:30

nɛ o kpã o nine mi nɛ o ha a tsa nihi, nɛ a gu o tsɔlɔ klɔuklɔu Yesu ɔ biɛ mi kɛ pee okadihi kɛ nyakpɛ nihi.”

2 Tesalonikabi 2:17

lɛ nɔuu e maa wo nyɛ bua, nɛ e maa wo nyɛ he wami ngɛ munyu kpakpa kɛ ni tsumi kpakpa tsuo mi.

Filipibi 1:11

nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.

Ni Tsumi 19:17

Nɛ benɛ Yudafohi kɛ Helabihi tsuo nɛ ngɛ Efeso ɔ nu enɛ ɔ ɔ, gbeye nu mɛ, nɛ a wo Nyɔmtsɛ Yesu biɛ ɔ hɛ mi nyami nitsɛnitsɛ.

Kolosebi 1:12

Nyɛɛ kɛ bua jɔmi nɛ na Tsɛ ɔ si, nɔ nɛ ha wa sa nihi nɛ yeɔ klɔuklɔu bimɛ a gbo si ni ɔ eko ngɛ la mi,

Efesobi 1:17

I kpaa pɛɛ konɛ wa Nyɔmtsɛ Yesu Kristo Mawu nɛ ji hɛ mi nyami Tsɛ ɔ nɛ ha nyɛ ni lemi kɛ nɔ kpo jemi mumi ngɛ lemi nɛ nyɛ maa le lɛ saminya a mi,

Kolosebi 2:7

nɛ a ma nyɛ ngɛ e nɔ, nɛ nyɛɛ du si ngɛ hemi kɛ yemi ɔ mi, kaa bɔ nɔuu nɛ a tsɔɔ nyɛ ɔ, nɛ nyɛ tsui nɛ hyi tɔ kɛ sina.

Mateo 28:19

Lɔ ɔ he ɔ rnyɛɛ ya nɛ nyɛ ya pee majemaje tsuo ye kaseli, nyɛɛ baptisi mɛ ngɔ wo Tsɛ ɔ kɛ Bi ɔ kɛ Mumi Klɔuklɔu ɔ biɛ mi,

1 Yohane 2:23

Nɔ tsuaa nɔ nɛ kuaa Bi ɔ, e kuaa Tsɛ ɔ hulɔ. Se nɔ nɛ heɔ Bi ɔ, e ngɛ Tsɛ ɔ hulɔ.

Romabi 1:8

Kekleekle ɔ, i ngɛ Yesu Kristo nɔ gue kɛ ngɛ ye Mawu ɔ si nae ngɛ nyɛ kulaa nyɛ he, ejakaa a gbaa nyɛ hemi kɛ yemi ɔ he sane ngɛ je ɔ mi tsuo.

Hebribi 1:5

Ejakaa te bɔfo nɛ Mawu de lɛ hyɛ ke: “Ye bi ji mo, Mwɔnɛ i fɔ mo?” Loo, “Ma pee e tsɛ, Nɛ lɛ hu e maa pe ye bi?” ɔ nɛɛ?

1 Tesalonikabi 1:1

Paulo kɛ Silvano kɛ Timoteo ngma ya ha Tesalonika asafo nɛ ngɛ Mawu, Tsɛ ɔ, kɛ Nyɔmtsɛ Yesu Kristo mi ɔ: Dloomi kɛ he jɔmi nɛ je wa Tsɛ Mawu ɔ kɛ Mawetsɛ Yesu Kristo dɛ mi ɔ ha nyɛ!

Kolosebi 3:15

Nɛ nyɛ ha Mawu he jɔmi ɔ nɛ ye tsɛ ngɛ nyɛ tsui mi, nɔ́ nɛ he nɛ a tsɛ nyɛ kɛ ba ngɛ nɔmlɔ tso kake mi ɔ, nɛ nyɛɛ le si nami.