Kolosebi 3:16 - Somi He Ɔ

¹⁶ Nyɛ ha Kristo munyu ɔ nɛ hi nyɛ mi babauu ngɛ ni lemi tsuaa ni lemi mi; nɛ nyɛɛ tsɔɔ nyɛ he ni nɛ nyɛɛ tu munyu ngɔ tsɔɔ nyɛ he ngɛ saku fiamihi kɛ yi jemi lahi kɛ mumi mi lahi a mi, nɛ nyɛɛ kɛ sina nɛ la ngɛ nyɛ tsui mi ha Mawu.

BAIBLO ALOO NGMAMI KLƆUKLƆU Ɔ

¹⁶ Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

Kolosebi 3:16 ပူးပေါင်းရင်းမြစ်များ

Mateo 26:30

Nɛ benɛ a la yi jemi la ko ɔ, a je kpo kɛ ho Nuyoku ɔ nɔ ya.

Luka 2:51

Nɛ e kɛ mɛ pue nɔ kɛ ho Nazaret ya, nɛ e ba e he si ha mɛ. Nɛ e nyɛ ngɔ kikɛmɛ a munyu nɛ ɔmɛ tsuo ngɔ to e tsui mi.

Yohane 15:7

Ke nyɛ hi ye mi nɛ ye munyu ɔ hi nyɛ mi ɔ, nɔ́ tsuaa nɔ́ nɛ nyɛ ma kpa he pɛɛ ɔ, a maa pee ha nyɛ.

Romabi 10:17

Lɔ ɔ he ɔ hemi kɛ yemi ɔ, sane tue bumi mi e jee, nɛ sane tue bumi hu guu Mawu munyu ɔ nɔ kɛ baa.

Romabi 15:14

Se mamimɛ, imi nitsɛ hu i ngɛ he wami ngɛ nɔ ngɛ nyɛ he kaa nyɛ nitsɛmɛ tete nyɛ hyi tɔtɔɔtɔ kɛ mi mi himi, nɛ ni lemi kulaa hyi nyɛ tɔ, nɛ nyɛ nyɛɔ tuɔ munyu tsɔɔ nyɛ he hulɔ.

1 Korintobi 14:15

Jeha nɛ kɛ ma pee kɛɛ? I kɛ mumi maa sɔle, nɛ i kɛ juɛmi hu maa sɔle. Ma fia kɛ mumi, nɛ ma la kɛ juɛmi hulɔ.

1 Korintobi 14:26

Lɛɛ mɛni mɔ, mamimɛ? Ke nyɛ nya ba bua, nɛ nyɛ ti nɔ ko ngɛ la ko, nɔ ko hu ngɛ tsɔɔmi ko, nɔ ko ngɛ gbi slɔɔto ko, nɔ ko ngɛ kpo jemi ko, nɔ ko ngɛ sisi tsɔɔmi ko ɔ, a pee kulaa bɔ nɛ e maa ye bua nihi.

Efesobi 1:17

I kpaa pɛɛ konɛ wa Nyɔmtsɛ Yesu Kristo Mawu nɛ ji hɛ mi nyami Tsɛ ɔ nɛ ha nyɛ ni lemi kɛ nɔ kpo jemi mumi ngɛ lemi nɛ nyɛ maa le lɛ saminya a mi,

Efesobi 5:17

Lɔ ɔ he ɔ, nyɛ ko pee nyɛ he nihi nɛ be yi mi, se mohu nyɛ yo nihi nɛ ji Nyɔmtsɛ ɔ suɔmi nya ni ɔmɛ.

Efesobi 5:19

Nyɛɛ kɛ nyɛ he nɛ tu munyu ngɛ saku fiami kɛ yi jemi lahi kɛ mumi mi lahi a mi; nyɛ la nɛ nyɛɛ fia saku ngɛ nyɛ tsui mi ha Nyɔmtsɛ ɔ.

Efesobi 5:26

konɛ e kɛ nyu he dumi ɔ nɛ tsukɔ e he ngɛ munyu mi nɛ e ha e pee klɔuklɔu,

Kolosebi 1:28

Lɛ e he sane wa fiɛɔ, nɛ wa woɔ nɔmlɔ tsuaa nɔmlɔ ga, nɛ wa tsɔɔ nɔmlɔ ni ngɛ ni lemi tsuaa ni lemi mi, konɛ waa kɛ nɔmlɔ tsuaa nɔmlɔ nɛ da si kaa nɔ́ nɛ hi kɛ pi si ngɛ Kristo Yesu mi.

Kolosebi 1:9

Enɛ ɔ he je ɔ wɔ hu, kɛ je ligbi nɛ wa nu ɔ, wa jɔɔ we sɔlemi kɛ pɛɛ kpami kɛ nyɛ hami, konɛ nyɛ hyi tɔtɔɔtɔ kɛ e suɔmi nya nihi a lemi ngɛ mumi mi ni lemi kɛ sisinami tsuo mi;

Kolosebi 4:6

Nyɛ ha nyɛ munyu he nɛ tsɔ daa, nɛ ngo nɛ hi mi, nɛ nyɛɛ le bɔ nɛ sa kaa nyɛ ha nɔ tsuaa nɔ heto.

1 Tesalonikabi 1:8

Ejakaa nyɛ ngɔ Nyɔmtsɛ munyu ɔ je nɛ e gbɛ fia, pi ngɛ Makedonia kɛ Akaia kɛkɛ, se mohu nyɛ hemi nɛ nyɛ heɔ Mawu nɔ yeɔ ɔ jije kɛ ho he tsuaa he ya, nɛ e hia we wɔ nɔ́ ko demi tete.

1 Tesalonikabi 4:18

Lɔ ɔ he ɔ nyɛɛ kɛ kikɛmɛ a munyu nɛ ɔmɛ nɛ wo nyɛ bua.

2 Tesalonikabi 3:15

Nyɛ ko bu lɛ kaa henyɛlɔ, se mohu nyɛɛ tu munyu ngɔ tsɔɔ lɛ kaa nyɛmi.

1 Timoteo 6:17

Niatsɛmɛ nɛ ngɛ je nɛ ɔ mi ɔ, wo mɛ kita konɛ a ko susu ni nguahi, nɛ a ko ngɔ a hɛ ngɔ fɔ ni nami nɛ be sɔkee ɔ nɔ, se mohu Mawu hɛ kalɔ ɔ nɔ, nɔ nɛ ngɔɔ nihi kulaa ngɔ haa wɔ babauu ke waa ye mi ngɔmi ɔ.

2 Timoteo 3:15

nɛ o jokuɛwi a si o je nɛ o le ngmami klɔuklɔu ɔ, nɛ ma nyɛ ma ha o le nihi nɛ maa gu Kristo Yesu nɔ hemi kɛ yemi nɔ kɛ ya yi wami hemi mi ɔ.

Tito 3:6

nɔ nɛ gu Yesu Kristo wa yi wami helɔ ɔ nɔ plɛ pue wa nɔ babauu ɔ,

Yakobo 1:5

Se ke e hia nyɛ ti nɔ ko ni lemi ɔ, e kpa Mawu nɛ haa nihi kulaa faa kɛ bua jɔmi nɛ e ka we nɔ hɛ mi ɔ pɛɛ, nɛ e ma ngɔ ha lɛ.

Yakobo 3:17

Se ni lemi nɛ je hiɔwe ɔ, kekleekle ɔ, e he tsɔ, lɔ ɔ se ɔ, e he jɔ, e hɛ ka si, e buɔ tue, e hyi tɔtɔɔtɔ kɛ mɔbɔ nami kɛ yiblii kpakpahi, e ji nɔ́, e pee we osato.

Yakobo 5:13

Ke nyɛ ti nɔ ko ngɛ amanehlu mi ɔ, e sɔle; kɛ nɔ ko bua jɔ ɔ, e la yi jemi la.

1 Yohane 2:14

I ngɛ nyɛ ngmae, tsaatsɛmɛ, ejakaa nyɛ le nɔ nɛ ngɛ kɛ je sisije ɔ. I ngɛ nyɛ ngmae, nihewi, ejakaa nyɛ he wa, nɛ Mawu munyu ɔ hii nyɛ mi, nɛ nyɛ ye nɔ yayami ɔ nɔ kunimi.

1 Yohane 2:24

Lɔ ɔ he ɔ, nyɛɛ lɛɛ, nɔ́ nɛ nyɛ nu kɛ je sisije ɔ, nyɛ ha kɔlɔ ɔ nɛ hi nyɛ mi. Ke nɔ́ nɛ nyɛ nu kɛ je sisije ɔ ngɛ nyɛ mi ɔ, lɔ ɔ lɛɛ nyɛ hu nyɛ maa hi Bi ɔ kɛ Tsɛ ɔ mi.

1 Yohane 2:27

Se nyɛɛ lɛɛ nu pɔmi nɛ nyɛ na kɛ je e ngɔ ɔ hii nyɛ mi, nɛ e hia we nyɛ nɔ ko nɛ tsɔɔ nyɛ ni, se mohu bɔ nɛ e nu pɔmi ɔ tsɔɔ nyɛ nihi kulaa, nɛ e ji anɔkuale se pi lakpa a, he je ɔ, bɔ nɛ e tsɔɔ nyɛ ɔ, nyɛɛ hi e mi.

2 Yohane 1:2

ngɛ anɔkuale nɛ hii wa mi nɛ e kɛ wɔ maa hi si kɛ maa ya neneene ɔ he.

Kpojemi 14:3

Nɛ a ngɛ Ta he ko lae ngɛ matsɛ sɛ ɔ hɛ mi kɛ hɛ kali eywiɛ kɛ nikɔtɔma amɛ a hɛ mi; nɛ nɔ ko nyɛ we la a nɛ e kase, ja nimli akpe lafa nyingmi eywiɛ kɛ eywiɛ ɔ nɛ a kpɔ kɛ je zugba a nɔ ɔ kɛkɛ.

Kpojemi 15:3

Nɛ a la Mawu tsɔlɔ Mose la a kɛ Tobi ɔ la a ke: “Nyɔmtsɛ Mawu Ope, O ni tsumi ɔmɛ kle, nɛ a ngɛ nyakpɛ! Mo je ma amɛ a nɔ matsɛ, O blɔ ɔmɛ da, nɛ anɔkuale ji mɛ.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke: “Koo pee! O nyɛmi sɔmɔlɔ kɛ o nyɛmimɛ nɛ hɛɛ Yesu odase mi ɔ a ti nɔ ko ji mi. Ja Mawu mohu!” Ejakaa Yesu odase ɔ ji gbami mumi ɔ nɛ.

Kpojemi 5:9

Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.