Kolosebi 3:15 - Somi He Ɔ

¹⁵ Nɛ nyɛ ha Mawu he jɔmi ɔ nɛ ye tsɛ ngɛ nyɛ tsui mi, nɔ́ nɛ he nɛ a tsɛ nyɛ kɛ ba ngɛ nɔmlɔ tso kake mi ɔ, nɛ nyɛɛ le si nami.

BAIBLO ALOO NGMAMI KLƆUKLƆU Ɔ

¹⁵ He jɔmi nɛ Kristo haa a, nyɛ ha nɛ a na kaa e ngɛ ní tsue ngɛ nyɛ tsui mi. Ejakaa nyɛ nɛ nyɛ ngɛ nɔmlɔ tso kake ɔ mi ɔ, ní tsumi nɛ Mawu kpee nyɛ ke nyɛ ba tsu ɔ ji nɛ ɔ nɛ. E sa nɛ nyɛɛ na Mawu si.

Kolosebi 3:15 ပူးပေါင်းရင်းမြစ်များ

Yohane 14:27

“Hejɔmi i ngɛ sie ha nyɛ; hejɔmi nɛ ji ye nɔ ɔ i kɛ ngɛ nyɛ hae, pi bɔ nɛ je ɔ haa a nɛ i kɛ ngɛ nyɛ hae nɛ ɔ. Nyɛ ko ye nyɛ tsui, nɛ jeha nɛ ɔ hu nyɛ ko ye gbeye.

Romabi 15:13

Jeha nɛ hɛ kɛ nɔ fɔmi Mawu ɔ nɛ ngɔ bua jɔmi kɛ he jɔmi tsuo ngɔ wo nyɛ tɔtɔɔtɔ ngɛ hemi kɛ yemi mi, konɛ nyɛ na hɛ kɛ nɔ fɔmi nɛ be nɔ ngɛ Mumi Klɔuklɔu he wami mi.

1 Tesalonikabi 5:18

nyɛɛ na si ngɛ nɔ fɛɛ nɔ mi; ejakaa lɔ ɔ ji Mawu suɔmi nya ni ngɛ Kristo Yesu mi ngɛ nyɛ blɔfami.

Romabi 5:1

Jeha nɛ ɔ akɛnɛ a gu hemi kɛ yemi nɔ wo wɔ nguɔ he je ɔ, waa kɛ Mawu kpɛti ngɛ he jɔmi ngɛ wa Nyɔmtsɛ Yesu Kristo he.

Kolosebi 3:17

Nɛ nɔ́ tsuaa nɔ́ nɛ nyɛ ngɛ pee ngɛ munyu tumi loo ni tsumi blɔfami ɔ, nyɛɛ pee kulaa ngɛ Yesu Kristo biɛ mi, nɛ nyɛɛ gu e nɔ kɛ na Mawu kɛ Tsɛ ɔ si.

Yohane 16:33

I de nyɛ ni nɛ ɔmɛ, konɛ nyɛɛ wo nyɛ bua ngɛ ye mi. Je nɛ ɔ mi ɔ he hiami nyɛ ma na, se kɛ ɔ, nyɛ tsui nɛ nɔ nyɛ mi. I ye je ɔ nɔ kunimi!”

Efesobi 5:20

Nyɛɛ na Mawu kɛ Tsɛ ɔ si daa ngɛ nihi kulaa he ngɛ wa Nyɔmtsɛ Yesu Kristo biɛ mi.

2 Korintobi 9:11

nɛ nyɛ plɛ niatsɛmɛ ngɛ nɔ tsuaa nɔ mi nɛ nyɛɛ pee muklii mi hili kɛ pi si, nɛ a gu wa nɔ nɛ a kɛ sina nɛ ha Mawu.

Efesobi 4:4

kaa nɔmlɔ tso kake kɛ mumi kake, kaa bɔ nɔuu nɛ a tsɛ nyɛ hulɔ ngɛ nyɛ tsɛmi hɛ kɛ nɔ fɔmi kake ɔ mi ɔ:

Romabi 14:17

Ejakaa Mawu matsɛ yemi ɔ, e pi ni yemi kɛ ni numi, se mohu e ji dami kɛ he jɔmi kɛ Mumi Klɔuklɔu mi bua jɔmi.

1 Timoteo 2:1

Kekleekle ɔ, nɔ nɛ i ngɛ he ga woe ji kaa a hɛɛ spɛɛ kpamihi, sɔlemihi, mi damihi, sinamihi a mi ha nimli kulaa,

Kolosebi 2:7

nɛ a ma nyɛ ngɛ e nɔ, nɛ nyɛɛ du si ngɛ hemi kɛ yemi ɔ mi, kaa bɔ nɔuu nɛ a tsɔɔ nyɛ ɔ, nɛ nyɛ tsui nɛ hyi tɔ kɛ sina.

Efesobi 5:1

Lɔ ɔ he ɔ, nyɛɛ pee Mawu kaseli kaa bimɛ nɛ e suɔ,

2 Korintobi 4:15

Ejakaa nyɛ he nɛ a ngɛ enɛ ɔ kulaa pee, konɛ dloomi nɛ hiɛ babauu nɛ gu nihi fuu a sina nɔ kɛ be nɔ kɛ ha Mawu hɛ mi nyami womi.

Kpojemi 7:12

ke: “Amen! Gbaami kɛ hɛ mi nyami kɛ ni lemi kɛ sina kɛ agboje kɛ he wami kɛ nyami ha wa Mawu ɔ kɛ je neneene kɛ ya neneene! Amen!”

Efesobi 4:16

lɛ e mi nɛ nɔmlɔ tso mluku ɔ tsuo nuu e he siɔ nɔ, nɛ kpɔ nya tsuaa kpɔ nya tsuɔ ni kaa bɔ nɛ a to ha lɛ ɔ, nɛ e haa nɔmlɔ tso ɔ waa nɛ e heɔ si ngɛ suɔmi mi.

Kolosebi 1:12

Nyɛɛ kɛ bua jɔmi nɛ na Tsɛ ɔ si, nɔ nɛ ha wa sa nihi nɛ yeɔ klɔuklɔu bimɛ a gbo si ni ɔ eko ngɛ la mi,

Hebribi 13:15

Lɛɛ nyɛ ha nɛ waa gu Yesu nɔ nɛ waa kɛ yi jemi bɔ ba ha Mawu daa; kɔlɔ ɔ ji waa jaje e biɛ ɔ yi jemi kɛ wa nya.

1 Korintobi 7:15

Se ke nɔ nɛ he we yi ɔ ngɛ e he si sae kɛ yaa a, e ya; a yi nyɛmi nyumu lo nyɛmi yo nyɔguɛ ngɛ kikɛmɛ a sane nɛ ɔmɛ a mi. He jɔmi mi Mawu tsɛ wɔ ngɛ.

Romabi 1:21

A le Mawu lɛɛ, se a wui e hɛ mi nyami kaa Mawu nɛ a nɛ lɛ si hulɔ, se a epe posoposo ngɛ a juɛmihi a mi, nɛ a tsui nɛ kɔ we sane se ɔ mi wo diblii.

1 Korintobi 10:17

Ejakaa abolo kake ʼi, nɛ wɔ fuu ɔ, nɔmlɔ tso kake ji wɔ, ejakaa wɔ kulaa wa yeɔ abolo kake ɔ eko.

1 Timoteo 6:12

Hwu hemi kɛ yemi ta kpakpa a, pɛtɛ neneene wami ɔ he, nɔ́ he hulɔ nɛ a tsɛ mo kɛ ba benɛ o jaje jajemi kpakpa ngɛ odasefohi fuu a hɛ mi, ɔ.