Kolosebi 3:13 - Somi He Ɔ

¹³ nɛ ke nɔ ko kɛ nɔ ko na sane ko ɔ, nyɛɛ na ha nyɛ sibi nɛ nyɛ kɛ pa nyɛ he, kaa bɔ nɛ Kristo hu kɛ pa nyɛ ɔ, ja nyɛ hu nyɛɛ pee.

BAIBLO ALOO NGMAMI KLƆUKLƆU Ɔ

¹³ Ke nɔ ko kɛ e nyɛmi ngɛ sane ko ɔ, nyɛɛ na ha nyɛ sibi, nɛ nyɛ kɛ pa nyɛ he kaa bɔ nɛ Nyɔmtsɛ ɔ hu ngɔ nyɛ he yayami ngɔ pa nyɛ ɔ.

Kolosebi 3:13 ပူးပေါင်းရင်းမြစ်များ

Efesobi 4:32

Nyɛ mi mi nɛ jɔ ha nyɛ sibi, nyɛ muklii mi nɛ sa nyɛ ha nyɛ sibi, nyɛ ngɔ pa nyɛ sibi, kaa bɔ nɛ Mawu ngɔ pa nyɛ ngɛ Kristo mi ɔ.

Marko 11:25

Nɛ be saa be nɛ nyɛ daa si ngɛ sɔlee ɔ, ke nyɛ ngɛ nɔ ko he sane ko ɔ, nyɛ kɛ ke lɛ, konɛ nyɛ hiɔwe tsɛ ɔ hu kɛ nyɛ tɔmi ɔmɛ nɛ ke nyɛ. [

Yakobo 2:13

Ejakaa kojomi mi ɔ, nɔ nɛ nɛ́ mɔbɔ ɔ, a be lɛ mɔbɔ nae; mɔbɔ nalɔ yi kojomi gbeye.

Efesobi 4:2

ngɛ he si bami kɛ humi peemi tsuo mi, nɛ nyɛɛ kɛ tsui si tomi nɛ suɔ nyɛ he,

Mateo 6:12

Nɛ o kɛ wa hiɔ ɔmɛ nɛ ke wɔ Kaa bɔ nɛ wɔ hu waa kɛ kee ninɛmɛ nɛ hɛɛ wɔ hiɔ ɔ.

2 Korintobi 6:6

ngɛ he tsɔmi mi, ngɛ ni lemi mi, ngɛ juɛmi nɛ se kɛɛ mi, ngɛ mi mi himi mi, ngɛ Mumi Klɔuklɔu mi, ngɛ suɔmi klɔuu mi,

Galatabi 6:2

Nyɛ tlomi ɔmɛ ɔ, nyɛɛ kpee nyɛ he kɛ tloo, nɛ lɔ ɔ loko nyɛ maa ye Kristo mlaa a nɔ.

2 Korintobi 2:10

Nɔ nɛ nyɛɛ kɛ nɔ́ ko paa lɛ ɔ, imi hu i kɛ paa lɛ, ejakaa imi hu, ke i kɛ nɔ́ ko pa a, nɔ́ nɛ i kɛ pa a, i kɛ pa ngɛ nyɛ he ngɛ Kristo hɛ mi,

Luka 23:34

Nɛ Yesu de ke: “Tsaatsɛ kɛ pa mɛ, se a li nɔ́ nɛ a ngɛ pee ɔ.” Nɛ a fɔ̃ sɔ kɛ dla e tade ɔmɛ.

Luka 11:4

Nɛ o kɛ wa he yayami ɔmɛ nɛ pa wɔ, Ejakaa wɔ hu waa kɛ paa nɔ tsuaa nɔ nɛ tɔ́ɔ wa nɔ ɔ. Nɛ o kɛ wɔ ko ya ka mi.’ ”

Mateo 5:44

Se imi lɛɛ, i ngɛ nyɛ dee ke: Nyɛɛ suɔ nyɛ henyɛli, nyɛɛ sɔle ha nihi nɛ waa nyɛ yi mi ɔ,

1 Petro 2:21

Enɛ nɔuu he nɛ a tsɛ nyɛ, ejakaa Kristo hu na amanehlu ha nyɛ nɛ e kɛ to okadi kɛ fɔ̃ si ha nyɛ, konɛ nyɛɛ nyɛɛ e nane ma he ɔmɛ a se,

Romabi 15:7

Lɔ ɔ he ɔ, nyɛ he nyɛ he kaa nyɛmimɛ, kaa bɔ nɛ Kristo he nyɛ kɛ ba Mawu hɛ mi nyami ɔ mi ɔ.

Kolosebi 3:12

Lɔ ɔ he ɔ, akɛnɛ bimɛ nɛ Mawu hia, ni klɔuklɔuhi kɛ suɔli ji nyɛ he je ɔ, nyɛɛ wo mi mi jɔmi, mɔbɔ nami, he si bami, kpoo peemi, tsui si tomi kaa tade,

Efesobi 5:2

nɛ nyɛɛ nyɛɛ ngɛ suɔmi mi kaa bɔ nɛ Kristo hu suɔ wɔ nɛ e ngɔ lɛ nitsɛ e he ngɔ ha ngɛ wa he kaa nɔ́ke nɔ́ kɛ bɔ nɛ he via nɛ a kɛ ha Mawu.