Kolosebi 3:10 - Somi He Ɔ

¹⁰ nyɛɛ wo nɔmlɔ he nɛ plɛɔ ehe ekohu kɛ yaa ni lemi mi ngɛ nɔ nɛ bɔ lɛ ɔ subai ɔ nya;

BAIBLO ALOO NGMAMI KLƆUKLƆU Ɔ

¹⁰ Nyɛɛ wo nɔmlɔ su he. Nɔmlɔ su he nɛ ɔ ji nɔ́ nɛ Mawu, e bɔlɔ ɔ ngɛ mɔde bɔe daa nɛ kaa e maa hi kaa bɔ nɛ lɛ Mawu ɔ ngɛ ɔ, kɛkɛ nyɛ maa le lɛ fitsofitso.

Kolosebi 3:10 ပူးပေါင်းရင်းမြစ်များ

Yohane 17:3

Se enɛ ɔ ji neneene wami ɔ nɛ, kaa a le mo, anɔkuale Mawu kake ɔ, kɛ Yesu Kristo nɔ nɛ o tsɔ ɔ.

Romabi 12:2

Nɛ nyɛ je mi bami ko pee kaa je mi bihi a je mi bami, se mohu nyɛ ha Mawu nɛ tsake nyɛ juɛmi, konɛ nyɛ yɔse nihi nɛ ji Mawu suɔmi nya ni kpakpahi nɛ sa e hɛ mi saminya nɛ hi kɛ pi si ɔ.

Romabi 13:12

Nyɔ ɔ be ta, na je nami na wɔ. Lɔ ɔ he ɔ nyɛ ha nɛ waa ngmɛɛ diblii mi ni tsumi ɔmɛ a he, nɛ waa wo la ta hwumi ni ɔmɛ.

Romabi 13:14

se mohu nyɛɛ wo Nyɔmtsɛ Yesu Kristo, nɛ nyɛ ko ha he lo ɔ he susumi ɔ ba plɛ he lo ɔ se dimi.

Romabi 6:4

Lɔ ɔ he ɔ, a kɛ baptisimi nɛ a baptisi wɔ ngɔ wo e gbenɔ ɔ mi ɔ pu waa kɛ lɛ tsuo, konɛ kaa bɔ nɛ a tle Yesu si kɛ je gbeje ngɛ Tsɛ ɔ hɛ mi nyɛmi nya a, ja nɔuu kɛ wɔ hu waa nyɛɛ ngɛ wami nɛ plɛ ehe mi.

Romabi 8:29

Ejakaa nihi nɛ e le mɛ momo ɔ, mɛ e je ngɔ to konɛ a subai nɛ hi kaa e bi ɔ nɔ ɔ, konɛ Bi ɔ e pee nyɛmimɛ fuu a kpɛti bi nɔkɔtɔma.

2 Korintobi 3:18

Se wɔ kulaa nɛ waa kɛ hɛ mi kpetekplee hyɛɛ Nyɔmtsɛ ɔ hɛ mi nyami ɔ, kaa a hyɛɛ ahuhuɛ mi ɔ, wa ngɛ tsakee kɛ ngɛ jamɛ a subai ɔ nɔuu plɛe kɛ ngɛ hɛ mi nyami mi jee kɛ yaa hɛ mi nyami mi, ejakaa enɛ ɔ je Nyɔmtsɛ nɛ ji Mumi ɔ ngɔ.

2 Korintobi 4:16

Lɔ ɔ he nɛ wa tsui pui ɔ nɛ, se ke wa kpo nɔ blɔ nɔmlɔ ɔ puɛɔ kulaa tete po ɔ, kɛ̃ ɔ, wa mi nɔmlɔ ɔ plɛɔ ehe daa ligbi.

2 Korintobi 4:6

Ejakaa Mawu nɛ de ke: “La nɛ je diblii mi nɛ e kpɛ” ɔ, lɛ nɔuu lɛ e kpɛ ngɛ wa tsui mi hulɔ, konɛ Mawu hɛ mi nyami he ni lemi ɔ nɛ kpɛ ngɛ Yesu Kristo hɛ mi.

2 Korintobi 5:17

Lɔ ɔ he ɔ, ke nɔ ko ngɛ Kristo mi ɔ, bɔ nɔ́ he ji lɛ; blema ni ɔmɛ be kɛ ho; oʼɛ, nihi kulaa plɛ ehe.

Galatabi 3:27

ejakaa nyɛ nihi abɔ nɛ a baptisi nyɛ ngɔ wo Kristo mi ɔ, nyɛ wo Kristo.

Galatabi 6:15

Ejakaa Kristo mi ɔ, nɔ pomi pi nɔ́ ko, nɛ mɔmlɔtɔ hu pi nɔ́ ko, se mohu bɔmi he kɛkɛ ji nɔ́ ko.

Efesobi 2:10

Mawu nine nya ni tsumi nihi ji wɔ, a bɔ wɔ ngɛ Kristo Yesu mi kɛ ha ni tsumi kpakpahi nɛ Mawu dla ngɔ to konɛ waa nyɛɛ ngɛ mi ɔ.

Efesobi 2:15

nɛ e kɛ lɛ nitsɛ e he lo gu Mlaa a nɛ ngɛ kita amɛ a mi ɔ, konɛ e kɛ ni enyɔ ɔmɛ kulaa nɛ bɔ nɔmlɔ he kake ngɛ lɛ nitsɛ e mi nɛ e ha he jɔmi nɛ ba,

Kolosebi 3:12

Lɔ ɔ he ɔ, akɛnɛ bimɛ nɛ Mawu hia, ni klɔuklɔuhi kɛ suɔli ji nyɛ he je ɔ, nyɛɛ wo mi mi jɔmi, mɔbɔ nami, he si bami, kpoo peemi, tsui si tomi kaa tade,

Kolosebi 3:14

Se enɛ ɔmɛ tsuo se ɔ, nyɛɛ wo suɔmi nɛ ji kpa nɛ fiɔ nihi kulaa peɔ kake ɔ kaa tade.

Filemon 1:6

nɛ i kpaa pɛɛ kaa kikɛmɛ a huɛ bɔmi nɛ je hemi kɛ yemi mi ɔ nɛ ha mo sisi numi ngɛ ni tsumi kpakpa tsuaa ni tsumi kpakpa nɛ wa nyɛɔ tsuɔ ha Kristo Yesu ɔ mi.

Hebribi 6:6

nɛ lɔ ɔ se nɛ a gbee si ɔ, a be nyɛe ma tsake mɛ ngɔ pee ni hehi ekohu ha tsui tsakemi, akɛnɛ a ngɛ Mawu bi ɔ sɛue ekohu kɛ ngɛ a he hae nɛ a ngɛ lɛ ahlua bɔe he ɔ.

1 Yohane 2:3

Nɛ enɛ ɔ waa kɛ maa nɔ mi kaa wa le lɛ, ke wa yeɔ e kita amɛ a nɔ ɔ.

1 Yohane 2:5

Se nɔ tsuaa nɔ nɛ yeɔ e munyu ɔ nɔ ɔ, niinɛ, lɛ e mi Mawu suɔmi ɔ pi si ngɛ. Enɛ ɔ waa kɛ leɔ kaa wa ngɛ e mi.

Kpojemi 21:5

Kɛkɛ nɛ nɔ nɛ hii si ngɛ matsɛ sɛ ɔ nɔ ɔ de ke: “Oʼɛ, i ngɛ nihi kulaa ehe pee.” Nɛ e de mi ke: “Ngmaa, ejakaa kikɛmɛ a munyuhi nɛ ɔmɛ ji munyuhi nitsɛ nɛ maa si kpɛii.