Kolosebi 2:7 - Somi He Ɔ

⁷ nɛ a ma nyɛ ngɛ e nɔ, nɛ nyɛɛ du si ngɛ hemi kɛ yemi ɔ mi, kaa bɔ nɔuu nɛ a tsɔɔ nyɛ ɔ, nɛ nyɛ tsui nɛ hyi tɔ kɛ sina.

BAIBLO ALOO NGMAMI KLƆUKLƆU Ɔ

⁷ Nyɛɛ ngɔ nyɛ he ngɔ mɛtɛ lɛ, nɛ nyɛɛ ngɔ nyɛ he kɛ ha lɛ kulaa. Nyɛ ha nɛ nyɛ hemi kɛ yemi ɔ mi nɛ wa kaa bɔ nɛ a tsɔɔ nyɛ ɔ, nɛ nyɛɛ na Mawu si daa.

Kolosebi 2:7 ပူးပေါင်းရင်းမြစ်များ

Efesobi 3:17

nɛ a gu hemi kɛ yemi nɔ nɛ Kristo nɛ hi si ngɛ nyɛ tsui mi nɛ nyɛ sipoku nɛ pi si nɛ nyɛɛ ma si gbugbuugbu ngɛ suɔmi mi,

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

2 Tesalonikabi 2:17

lɛ nɔuu e maa wo nyɛ bua, nɛ e maa wo nyɛ he wami ngɛ munyu kpakpa kɛ ni tsumi kpakpa tsuo mi.

1 Petro 5:10

Se dloomi tsuo kulaa Mawu nɛ tsɛ nyɛ kɛ ba e neneene hɛ mi nyami ɔ mi ngɛ Kristo Yesu mi ɔ, ke nyɛ na amanehlu bɔɔ nɔ tã a, lɛ nitsɛ e ma dla nyɛ pɛ, nɛ e maa waje nyɛ, nɛ e maa wo nyɛ he wami, nɛ e ma ha nyɛ maa pi si.

Efesobi 5:20

Nyɛɛ na Mawu kɛ Tsɛ ɔ si daa ngɛ nihi kulaa he ngɛ wa Nyɔmtsɛ Yesu Kristo biɛ mi.

Romabi 16:25

Se nɔ nɛ ma nyɛ ma ha nɛ nyɛ fi si wawɛɛ ngɛ Sane Kpakpa a kɛ Yesu Kristo fiɛmi ɔ nya, ngɛ laami sane nɛ a ngɔ laa kɛ je neneene lokoo ɔ kpo jemi nya a,

Yuda 1:24

Lɛ, nɔ nɛ e ngɛ he wami nɛ e kɛ maa bu nyɛhe nɛ nyɛ ko tɛ si, nɛ e kɛ nyɛ ya da e nyami ɔ hɛ mi nɛ piami ko ko hi nyɛ he ngɛ bua jɔmi mi ɔ,

1 Korintobi 15:58

Lɔ ɔ he ɔ, mamimɛ nɛ i suɔ, nyɛ fi si nɛ nyɛ ko gbɔle, nɛ nyɛɛ ya nɔ ngɛ Nyɔmtsɛ ɔ ni tsumi ɔ mi daa nɛ ɔ, ejakaa nyɛ le kaa nyɛ dengme gbomi ɔ be yaka pee ngɛ Nyɔmtsɛ ɔ mi.

Hebribi 13:15

Lɛɛ nyɛ ha nɛ waa gu Yesu nɔ nɛ waa kɛ yi jemi bɔ ba ha Mawu daa; kɔlɔ ɔ ji waa jaje e biɛ ɔ yi jemi kɛ wa nya.

Kolosebi 3:17

Nɛ nɔ́ tsuaa nɔ́ nɛ nyɛ ngɛ pee ngɛ munyu tumi loo ni tsumi blɔfami ɔ, nyɛɛ pee kulaa ngɛ Yesu Kristo biɛ mi, nɛ nyɛɛ gu e nɔ kɛ na Mawu kɛ Tsɛ ɔ si.

1 Tesalonikabi 5:18

nyɛɛ na si ngɛ nɔ fɛɛ nɔ mi; ejakaa lɔ ɔ ji Mawu suɔmi nya ni ngɛ Kristo Yesu mi ngɛ nyɛ blɔfami.

Luka 6:48

E ngɛ kaa nyumu ko nɛ benɛ e maa ma tsu ɔ, e tsua si voo nɛ e to sisi ngɛ tɛ sa nɔ; nɛ benɛ pa hia a, e si tsu ɔ, se e nyɛ we lɛ nɛ e hule, mɛni he je ɔ, a to sisi ngɛ tɛ sa nɔ.

Efesobi 4:21

ke e ngɛ mi kaa nyɛ nu e he, nɛ a tsɔɔ nyɛ ngɛ e mi hulɔ, bɔ nɛ ji anɔkuale ngɛ Yesu mi ɔ,

Yuda 1:20

Se, mamimɛ, nyɛɛ lɛɛ, nyɛ ha nyɛ nane nɛ pi si ngɛ hemi kɛ yemi nɛ ngɛ klɔuklɔu pe kulaa a mi, nɛ nyɛɛ sɔle ngɛ Mumi Klɔuklɔu ɔ mi,

2 Korintobi 1:21

Se Mawu ji nɔ nɛ haa waa kɛ nyɛ tsuo nane pii si ngɛ Kristo mi, nɛ e pɔ wɔ nu,

Yuda 1:12

Ni nɛ ɔmɛ ji nihi nɛ woɔ nyɛ suɔmi niye ni ɔ he mu, ejakaa a kɛ nyɛ yeɔ ni nɛ zo pee we mɛ; a lɛɛ mɛ nitsɛmɛ a he. A ngɛ kaa bɔku nɛ nyu be mi nɛ kɔɔhiɔ kpakaa kɛ bɔleɔ si, tsohi nɛ a yi ba amɛ wɔle nɛ a wui yiblii; a gbo si enyɔ nɛ a hia mɛ kɛ a sipokuhi.

1 Korintobi 1:8

lɛ nɔuu e ma wlua nyɛ kɛ maa ya nyagbe konɛ piami ko ko hi nyɛ he ngɛ wa Nyɔmtsɛ Yesu Kristo ligbi ɔ nɔ.

Hebribi 13:9

Nyɛ ko ha nɛ Tsɔɔmi slɔɔtohi kɛ tsɔɔmi kpahi kɛ nyɛ nɛ lilaa si; ejakaa e hi kaa a kɛ Mawu dloomi nɛ wo wa tsui he wami, se pi niye ni nɛ ha we nɛ nihi nɛ tsuɔ he ni ɔmɛ a na se ko ɔ.