Kolosebi 2:6 - Somi He Ɔ

⁶ Akɛnɛ nyɛ he Kristo Yesu, Nyɔmtsɛ ɔ, atuu nɛ ɔ, nyɛɛ nyɛɛ ngɛ e mi, nɛ nyɛ sipoku nɛ pi si,

BAIBLO ALOO NGMAMI KLƆUKLƆU Ɔ

⁶ Akɛnɛ nyɛ he Kristo Yesu kaa nyɛ Nyɔmtsɛ ɔ, nyɛɛ ya nɔ nyɛɛ kɛ lɛ nɛ pee kake.

Kolosebi 2:6 ပူးပေါင်းရင်းမြစ်များ

Kolosebi 1:10

konɛ nyɛɛ nyɛɛ bɔ nɛ sa Nyɔmtsɛ ɔ nɛ e sa e hɛ mi saminya, nɛ nyɛɛ wo yiblii ngɛ ni tsumi kpakpa tsuaa ni tsumi kpakpa mi;

1 Yohane 2:6

Nɔ nɛ deɔ ke e ngɛ Mawu mi ɔ, bɔ nɛ Yesu Kristo nyɛɛ ɔ, lɛ hu e nyɛɛ ja nɔuu.

1 Tesalonikabi 4:1

Nyagbe ɔ, mamimɛ, wa kpa nyɛ pɛɛ, nɛ wa ngɛ nyɛ ga woe ngɛ Mawetsɛ Yesu mi, kaa bɔ nɛ nyɛ kase kɛ je wa ngɔ ɔ, bɔ nɛ sa kaa nyɛɛ ba nyɛ je mi ha ngɛ Mawu hɛ mi kaa bɔ nɛ nyɛ ngɛ pee hulɔ ɔ, nyɛɛ ya nɔ ja.

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.

2 Korintobi 5:7

(ejakaa hemi kɛ yemi nya wa nyɛɛ ngɛ, se pi ni nami nya);

Kolosebi 3:17

Nɛ nɔ́ tsuaa nɔ́ nɛ nyɛ ngɛ pee ngɛ munyu tumi loo ni tsumi blɔfami ɔ, nyɛɛ pee kulaa ngɛ Yesu Kristo biɛ mi, nɛ nyɛɛ gu e nɔ kɛ na Mawu kɛ Tsɛ ɔ si.

Yuda 1:3

Mamimɛ, akɛnɛ i ngɛ mɔde bɔe nitsɛ nɛ ma ngma nyɛ wɔ tsuo wa yi wami hemi ɔ he sane ɔ he je ɔ, i na kaa e sa nɛ ma ngma nɛ ma kɛ wo nyɛ he wami konɛ nyɛɛ plee hemi kɛ yemi nɛ a tu ngɔ wo klɔuklɔu bi ɔmɛ a dɛ mi si kake nyɔngloo ɔ he.

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

Hebribi 3:14

Ejakaa Kristo he piɛli ji wɔ ke wa hɛɛ wa he nɛ waa kɛ fɔɔ e nɔ kɛ je sisije ɔ mi kpɛii kɛ ya su nyagbe ɔ.

Efesobi 4:1

Imi nɛ i ji pa mi no ngɛ Nyɔmtsɛ ɔ mi ɔ, i ngɛ nyɛ pɛɛ kpae kaa nyɛɛ nyɛɛ bɔ nɛ sa tsɛmi nɛ a kɛ tsɛ nyɛ ɔ,

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Yohane 13:20

I ngɛ nyɛ dee anɔkuale mi ke: Nɔ nɛ heɔ nɔ nɛ i tsɔ ɔ, imi nɔuu e heɔ ɔ nɛ. Nɛ nɔ nɛ heɔ mi ɔ, e heɔ nɔ nɛ tsɔ mi ɔ hulɔ.”

Mateo 10:40

“Nɔ nɛ heɔ nyɛ ɔ, e heɔ mi; nɛ nɔ nɛ heɔ mi ɔ, e heɔ nɔ nɛ tsɔ mi ɔ.

1 Korintobi 1:30

Se Mawu lɛ pee nɛ nyɛ ngɛ Kristo Yesu mi, nɔ nɛ plɛ ni lemi nɛ je Mawu ngɔ kɛ dami kɛ he tsukɔmi kɛ kpɔmi ha wɔ ɔ,

Galatabi 3:26

Ejakaa nyɛ tsuo ɔ Mawu bimɛ ji nyɛ ngɛ Kristo Yesu mi kɛ gu hemi kɛ yemi ɔ nɔ;