Kolosebi 2:4 - Somi He Ɔ

⁴ I ngɛ enɛ ɔ dee konɛ nɔ ko kɛ nya mi ngɔngɔɛ munyu ko ko sisi nyɛ.

BAIBLO ALOO NGMAMI KLƆUKLƆU Ɔ

⁴ I ngɛ nyɛ enɛ ɔ dee, konɛ nɔ ko kɛ nyami ngɔngɔɛ munyu ko kó ba sisi nyɛ.

Kolosebi 2:4 ပူးပေါင်းရင်းမြစ်များ

Mateo 24:24

Ejakaa lakpa kristohi kɛ lakpa gbali maa te si nɛ a maa pee okadi nguahi kɛ nyakpɛ nihi kɛ maa tsɔɔ, nɛ kaa e maa hi jinɛ a maa mlɔɔ nihi na a hla amɛ tete.

Mateo 24:4

Nɛ Yesu he nɔ nɛ e de mɛ ke: “Nyɛɛ hyɛ nɛ hi konɛ nɔ ko ko ba mlɔɔ nyɛ.

Marko 13:22

Ejakaa lakpa kristohi kɛ lakpa gbali maa te si nɛ a maa pee okadihi kɛ nyakpɛ nihi, konɛ, ke e maa hi ɔ, a mlɔɔ ninɛmɛ nɛ a hla a tete.

Ni Tsumi 20:30

Nɛ nyɛ nitsɛmɛ nyɛ kpɛti hu ɔ, nyumuhi nɛ tuɔ nihi nɛ dɛ maa te si, nɛ a ma kpaka kaseli ɔmɛ ngɔ pue a se.

1 Korintobi 2:4

nɛ ye munyu kɛ ye sanefiɛmi ɔ hu ji nimli a nilemi munyuhi nɛ plɛɛ nɔ yi mi mi, se mohu e je mumi kɛ hewami tsɔɔmi mi,

2 Korintobi 11:3

Se i ngɛ gbeye yee kaa alinɔ, kaa bɔ nɛ sinɔ ɔ kɛ e kutupɔ ɔ mlɔɔ Hawa a, ja nɔuu a ma puɛ nyɛ hu nyɛ juɛmi kɛ je klɔu peemi nɛ nyɛ je tsɔɔ Kristo ɔ mi.

Galatabi 2:4

ejakaa lakpa nyɛmimɛ komɛ ju si sɛ asafo ɔ mi kulɔɔ, konɛ a ba huɔ wa he nɛ wa ye ngɛ Kristo Yesu mi ɔ, konɛ a ye wɔ nyɔguɛ;

Efesobi 4:14

konɛ wa ko ya nɔ nɛ waa pee bimwɔwi nɛ tsɔɔmi kɔɔhiɔ tsuaa tsɔɔmi kɔɔhiɔ mimiɛɛ mɛ, nɛ a kpakaa mɛ kɛ yaa kɛ baa ngɛ nimli a ga yaya tomi mi, ngɛ sisimi ga kɛ kutupɔ nya.

Efesobi 4:17

Lɔ ɔ he ɔ, i ngɛ dee, nɛ i ngɛ nɔ mi mae ngɛ Nyɔmtsɛ ɔ mi, kaa nyɛ ko nyɛɛ kaa bɔ nɛ majeli a bimɛ kpa amɛ hu nyɛɛ ngɛ a yaka juɛmi ɔ mi ɔ hu;

Efesobi 5:6

Nyɛ ko ha nɛ nɔ ko kɛ munyu gu nɛ mlɔɔ nyɛ; ejakaa jamɛ a ni nɛ ɔmɛ a he nɛ Mawu muklii mi fumi baa tuegbenɔ bi ɔmɛ a nɔ ɔ nɛ.

Kolosebi 2:18

Nyɛ ko ha nɛ nɔ ko nɛ buu e he kaa e pe nihi kulaa ngɛ ni nami ko he ɔ nɛ bu nyɛ fɔ nɛ e fi nɔ ngɛ lɛ nitsɛ e hlami nya kaa a kɛ he si bami juɛmi nɛ ja hiɔwe bɔfohi; e he lo juɛmi ɔ hãa e woɔ e he nɔ yakatsuaa;

Kolosebi 2:8

Nyɛɛ hyɛ nɛ hi, konɛ nɔ ko kɛ je mi ni lemi kɛ yaka sisimi ko ngɔ nyɛ nyɔgue, ngɛ nimli a blema sanehi kɛ je nɛ ɔ mi mumihi nɛ ji Kristo mi ɔ nya.

2 Timoteo 2:16

Se yakayaka ni sɛɛmi nɛ bleɔ nɔ ɔ, sã o he kɛ je he; ejakaa e fieɔ nihi kɛ jee Mawu he kɛ yaa lokoo,

2 Timoteo 3:13

Se nimli yayamihi kɛ sisili maa ya hɛ mi ngɛ yayami peemi mi; a sisiɔ nihi, nɛ mɛ hu a sisiɔ mɛ.

1 Yohane 2:18

Ye bimɛ, nyagbe ngmlɛfia a ji nɛ ɔ nɛ; nɛ bɔ nɛ nyɛ nu kaa lakpa kristo ɔ ma, nɛ jehanɛ lakpa kristohi fuu ba, he je ɔ, wa le kaa nyagbe ngmlɛfia a ji nɛ ɔ nɛ.

1 Yohane 2:26

I ngɛ nyɛ enɛ ɔ ngmae ngɛ nihi nɛ hlaa kaa a puɛ nyɛ tue ɔ he.

1 Yohane 4:1

Suɔli, nyɛ ko he mumi tsuaa mumi ngɔ ye, se mohu nyɛɛ ka mumi ɔmɛ nɛ nyɛɛ hyɛ kaa Mawu mi a je lo; ejakaa lakpa gbali fuu je kpo kɛ ba je ɔ mi.

2 Yohane 1:7

Ejakaa sisili tuu ba je ɔ mi, nihi nɛ jaje we kaa Yesu Kristo ba ngɛ he lo mi; nɔ nɛ ɔmɛ ji sisilɔ kɛ lakpa kristo ɔ nɛ.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

Kpojemi 20:3

nɛ e ngɔ lɛ ngɔ wo muɔ voo ɔ mi, nɛ e nga e yi nɛ e sɔu nya, konɛ e ko sisi je mi ma amɛ hu kɛ yaa su be nɛ a maa gbe jeha akpe ɔ nya. Lɔ ɔ se ɔ ja a pɛne lɛ be bɔɔ ko.

Kpojemi 20:8

nɛ e maa je kpo konɛ e ya sisi je mahi nɛ ngɛ zugba kɔ nya eywiɛ ɔmɛ a mi ɔ, Gog kɛ Magog, konɛ e bua a nya kɛ kpe nɛ a ya ta, nihi a hiemi nɛ ngɛ kaa wo nya zia a.