Kolosebi 2:19 - Somi He Ɔ

¹⁹ kikɛmɛ a nɔmlɔ ɔ, e hɛɛ we Kristo nɛ ji yi ɔ mi, nɔ mi nɛ nɔmlɔ tso ɔ kulaa naa nihi nɛ hiaa lɛ, kɛ guu kpɔjihi kɛ panihi a nɔ kɛ waa bɔ nɛ Mawu to ɔ.

BAIBLO ALOO NGMAMI KLƆUKLƆU Ɔ

¹⁹ Nɛ mɛɛ lɛɛ a mɛtɛ we Kristo nɛ ji yi ɔ he. Nɔmlɔ tso ɔ tsuo ɔ, yi ɔ mi e naa níhi tsuo nɛ hia lɛ ɔ kɛ jeɔ. Niye ní nɛ ɔ guɔ kpɔ ɔmɛ, kɛ pani ɔmɛ a mi, nɛ e haa nɔmlɔ tso ɔ waa bɔ nɛ Mawu to ɔ.

Kolosebi 2:19 ပူးပေါင်းရင်းမြစ်များ

Luka 5:38

Wai he ɔ, lohwe he womi tɔ hehi a mi a kɛ woɔ.

Yohane 17:21

Konɛ mɛ tsuo a pee kake, kaa bɔ nɛ mo, Tsaatsɛ, o ngɛ ye mi nɛ imi hu i ngɛ o mi ɔ, konɛ mɛ hu a pee kake ngɛ wa mi, konɛ je ɔ nɛ he ye kaa mo lɛ o tsɔ mi.

Ni Tsumi 4:32

Nihi babauu nɛ he ye ɔ kulaa hɛɛ tsui kake kɛ mumi kake, nɛ a ti nɔ ko nɔ ko tsɛ we e nihi nɛ e ngɛ ɔ mi eko ke lɛ nitse e nɔ, se mohu a ngɔ kulaa ngɔ pee kake.

Romabi 11:17

Ke a po tso kɔni ɔmɛ ekomɛ, nɛ a ngɔ mo nɛ o ji nga mi nu tso ɔ ngɔ ta he, nɛ o na nu tso ɔ poku ɔ kɛ e mi nyu ɔ eko ɔ,

1 Korintobi 1:10

Se, mamimɛ, i kpa nyɛ pɛɛ ngɛ wa Nyɔmtsɛ Yesu Kristo biɛ mi, kaa nyɛ nya nɛ pee kake nɛ mi gbami ko ba nyɛ kpɛti, se mohu nyɛ kulaa nyɛ yi mi kɛ nyɛ juɛmi nɛ pee kake.

1 Korintobi 11:3

Se i suo kaa nyɛɛ le kaa nyumu tsuaa nyumu yi ji Kristo, nɛ yo tsuaa yo hu yi ji nyumu, nɛ Kristo yi ji Mawu.

1 Korintobi 3:6

Imi lɛɛ i ma; Apolo pue nɔ nyu; se Mawu ha e wa.

Efesobi 1:22

Mawu ngɔ nihi kulaa ngɔ to Kristo nane si, nɛ e ngɔ lɛ ngɔ to nihi kulaa yi ngɔ ha asafo ɔ.

Efesobi 1:23

Asafo ɔ ji Kristo nɔmlɔ tso kɛ nɔ nɛ woɔ nihi tsuo tɔtɔɔtɔ ngɛ nihi kulaa mi ɔ.

Efesobi 2:21

nɔ nɛ nɔ nɛ a gu kɛ tsɛ̃ tsu mluku ɔ tsuo ngɔ wo mi pee kake, nɛ e ngɛ klee ngɛ sɔlemi tsu klɔuklɔu pee ngɛ Nyɔmtsɛ ɔ mi,

Efesobi 4:3

nɛ nyɛɛ bɔ mɔde nɛ nyɛɛ to mumi kake peemi ɔ ngɛ he jɔmi kpa nɛ fi nyɛ ɔ mi,

Efesobi 5:29

Ejakaa nɔ ko nyɛ́ lɛ nitsɛ e he lo hyɛ, se mohu e lɛɛ lɛ, nɛ e hɛɛ lɛ dɔdɔɔdɔ, kaa bɔ nɛ Nyɔmtsɛ ɔ hɛɛ asafo ɔ;

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

Kolosebi 1:10

konɛ nyɛɛ nyɛɛ bɔ nɛ sa Nyɔmtsɛ ɔ nɛ e sa e hɛ mi saminya, nɛ nyɛɛ wo yiblii ngɛ ni tsumi kpakpa tsuaa ni tsumi kpakpa mi;

Kolosebi 1:18

Lɛ nɔuu ji nɔmlɔ tso ɔ nɛ ji asafo ɔ yi, nɔ nɛ ji sisije ɔ, ni gbogboehi a kpɛti tete ɔ, konɛ lɛ e pee kekleekle nɔ ngɛ nihi tsuo kulaa mi.

Kolosebi 2:2

konɛ a na tsui, nɛ a pee kake ngɛ suɔmi mi kɛ pɛtɛ sisi numi nɛ mi kuɔ nɛ a ngɛ he wami ngɛ nɔ ɔ kulaa mi, nɛ a le Mawu kɛ Kristo laami sane ɔ,

1 Tesalonikabi 3:12

Nyɔmtsɛ ɔ nɛ wo nyɛ tɔtɔɔtɔ, nɛ e ha nyɛɛ be nɔ kɛ suɔmi nɛ nyɛɛ kɛ suɔ nyɛ he kɛ nihi kulaa a, kaa bɔ nɛ wɔ hu wa suɔ nyɛ ɔ;

1 Tesalonikabi 4:10

ejakaa nyɛ peɔ ja hulɔ haa nyɛmimɛ nɛ ngɛ Makedonia tsuo kulaa a. Se wa kpa nyɛ pɛɛ, mamimɛ, kaa nyɛɛ ya nɔ pe kekle ɔ,

2 Tesalonikabi 1:3

E sa kaa wa naa Mawu si daa ngɛ nyɛ he bɔ nɛ sa, mamimɛ, ejakaa nyɛ hemi kɛ yemi ɔ ngɛ klee wawɛɛ nitsɛ, nɛ nyɛ tsuo nyɛ ti nɔ tsuaa nɔ suɔmi nɛ e kɛ suɔ e nyɛmimɛ ɔ ngɛ hiɛe kɛ ngɛ nɔ yae hulɔ,

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nyɛɛ na ha nyɛ sibi, nyɛɛ suɔ nyɛ he kaa nyɛmimɛ, nyɛ mi mi nɛ jɔ ha nyɛ sibi, nyɛɛ ba nyɛ he si.

2 Petro 3:18

Se nyɛ keke ngɛ wa Nyɔmtsɛ kɛ yi wami helɔ Yesu Kristo dloomi kɛ ni lemi ɔ mi. Lɛ nɔuu a ngɔ hɛ mi nyami ngɔ ha jehanɛ kɛ daa. Amen.