Kolosebi 2:18 - Somi He Ɔ

¹⁸ Nyɛ ko ha nɛ nɔ ko nɛ buu e he kaa e pe nihi kulaa ngɛ ni nami ko he ɔ nɛ bu nyɛ fɔ nɛ e fi nɔ ngɛ lɛ nitsɛ e hlami nya kaa a kɛ he si bami juɛmi nɛ ja hiɔwe bɔfohi; e he lo juɛmi ɔ hãa e woɔ e he nɔ yakatsuaa;

BAIBLO ALOO NGMAMI KLƆUKLƆU Ɔ

¹⁸ Nyɛ ko ha nɛ nihi nɛ buu a he kaa mɛɛ lɛɛ a hi pe nihi tsuo ɔ nɛ a bu nyɛ kaa nyɛɛ lɛɛ nyɛ be nɔ́ ko mi. A deɔ ke mɛɛ a naa nina pɔtɛɛ komɛ, nɛ a nyɛɔ nyɛ nɔ ke nyɛɛ kɛ he si bami nɛ ja bɔfohi. Kikɛmɛ a nimli nɛ ɔmɛ woɔ a he nɔ yaka gu.

Kolosebi 2:18 ပူးပေါင်းရင်းမြစ်များ

Mateo 24:24

Ejakaa lakpa kristohi kɛ lakpa gbali maa te si nɛ a maa pee okadi nguahi kɛ nyakpɛ nihi kɛ maa tsɔɔ, nɛ kaa e maa hi jinɛ a maa mlɔɔ nihi na a hla amɛ tete.

Romabi 1:25

A ngɔɔ Mawu anɔkuale ɔ kɛ tsakee lakpa, nɛ a jaa nɛ a sɔmɔɔ nɔ nɛ Mawu bɔ ɔ pe Bɔlɔ ɔ, nɔ nɛ a gbaa kɛ yaa neneene ɔ! Amen.

Romabi 16:18

Ejakaa nihi nɛ ngɛ kikɛ ɔ, pi wa Nyɔmtsɛ Yesu Kristo nɛ a sɔmɔɔ, se mohu mɛ nitsɛmɛ a muklii; nɛ a kɛ nya mi dɔkɔɔ kɛ sisimi munyuhi mlɔɔ nihi nɛ li yayami ɔmɛ a tsui.

1 Korintobi 13:4

Suɔmi toɔ e tsui si, e mi mi hi; suɔmi ji hunga; suɔmi fiɛ̃, e pee we pupuupu,

1 Korintobi 3:3

ejakaa he lo mi nimli ji nyɛ kɛ mwɔɔ. Se be abɔ nɛ hungajemi kɛ pɛ ngɛ nyɛ kpɛti kɛ mwɔɔ nɛ ɔ, anɛ pi he lo mi nimli ji nyɛ nɛ nimli a je mi nyɛ ngɛ bae ɔ lo?

1 Korintobi 4:18

Se akɛnɛ nyɛ ti ni komɛ susu kaa i be nyɛ ngɔ bae he je ɔ, a wo a he nɔ.

1 Korintobi 4:6

Mamimɛ, nyɛ he nɛ i kɛ kikɛmɛ a ni nɔmɛ ngɛ i kɛ Apolo he toeɔ nɛ, konɛ nyɛɛ kase wɔ nɛ nɔ ko ko susu pe nɔ nɛ a ngma a, konɛ nyɛ ti nɔ ko kɛ he nɔ womi ko bu nɔ ko pe nɔ ko.

1 Korintobi 8:1

Jehanɛ ngɛ wɔhi a nya bɔ sami niyeni ɔmɛ a he ɔ, wa le kaa “wɔ kulaa wa le ni.” Ni lemi haa nɔ woɔ e he nɔ, se suɔmi haa nɔ nane nuu si.

1 Korintobi 9:24

Anɛ nyɛ li kaa ninɛmɛ nɛ tuu fo ɔ, mɛ kulaa a tuu mohu se nɔ kake kɛkɛ nɛ naa ayekoo ni ɔ lo? Nyɛɛ tu fo ɔ ja konɛ nyɛ nine nɛ su nɔ.

2 Korintobi 11:3

Se i ngɛ gbeye yee kaa alinɔ, kaa bɔ nɛ sinɔ ɔ kɛ e kutupɔ ɔ mlɔɔ Hawa a, ja nɔuu a ma puɛ nyɛ hu nyɛ juɛmi kɛ je klɔu peemi nɛ nyɛ je tsɔɔ Kristo ɔ mi.

2 Korintobi 12:20

Ejakaa i ngɛ gbeye yee kaa alinɔ ke i ba a, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ; kaa eko ɔ pɛ, hunga jemi, mi mi la, huhui, sieku yemi, munyu huitihuiti tumi, he nɔ womi, basabasa peemi ngɛ nyɛ kpɛti.

Efesobi 4:17

Lɔ ɔ he ɔ, i ngɛ dee, nɛ i ngɛ nɔ mi mae ngɛ Nyɔmtsɛ ɔ mi, kaa nyɛ ko nyɛɛ kaa bɔ nɛ majeli a bimɛ kpa amɛ hu nyɛɛ ngɛ a yaka juɛmi ɔ mi ɔ hu;

Efesobi 5:6

Nyɛ ko ha nɛ nɔ ko kɛ munyu gu nɛ mlɔɔ nyɛ; ejakaa jamɛ a ni nɛ ɔmɛ a he nɛ Mawu muklii mi fumi baa tuegbenɔ bi ɔmɛ a nɔ ɔ nɛ.

Filipibi 3:14

nɛ i ngɛ fo tue kɛ yaa hɛ kpɛ kɛ maa su Mawu tsɛmi nɛ je hiɔwe ngɛ Kristo Yesu mi ɔ jlasi ɔ he.

Kolosebi 2:23

nɛ a ji nihi nɛ hɛɛ ni lemi munyu ngɛ mɛ nitsɛmɛ a suɔmi nya jami kɛ he si bami juɛmi kɛ nɔmlɔ tso yi mi wami mi mohu, se a pi nihi nɛ he ngɛ se nami nɛ kuɔ he lo ɔ he numi nihi a nya.

Kolosebi 2:4

I ngɛ enɛ ɔ dee konɛ nɔ ko kɛ nya mi ngɔngɔɛ munyu ko ko sisi nyɛ.

Kolosebi 2:8

Nyɛɛ hyɛ nɛ hi, konɛ nɔ ko kɛ je mi ni lemi kɛ yaka sisimi ko ngɔ nyɛ nyɔgue, ngɛ nimli a blema sanehi kɛ je nɛ ɔ mi mumihi nɛ ji Kristo mi ɔ nya.

1 Timoteo 1:7

A ngɛ hlae nɛ a pee a he mlaa tsɔɔli, pohu a nɛ nihi nɛ a ngɛ dee ɔ loo nihi nɛ a ngɛ nɔ mi mae tutuutu ɔmɛ a sisi.

1 Timoteo 4:1

Mumi ɔ deɔ paa ke, nyagbe ligbi ɔmɛ a mi ɔ, ni komɛ ma kua hemi kɛ yemi ɔ, nɛ a ma ya nyɛɛ sisimi mumihi kɛ mumi yayamihi a tsɔɔmihi a se,

2 Petro 2:14

A hyɛ we nɔ́ ko nɔ́ ko kaa ja yi ya holi, nɛ a hɛ jɔɛ kɛ yayami peemi; a mlɔɔ nihi nɛ nane pi si ɔmɛ; a ngɛ hɛ tsumi tsui; musu bimɛ ji mɛ.

1 Yohane 2:26

I ngɛ nyɛ enɛ ɔ ngmae ngɛ nihi nɛ hlaa kaa a puɛ nyɛ tue ɔ he.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Kpojemi 13:14

Nɛ e kɛ nyakpɛ nihi nɛ e na he blɔ kaa e pee ngɛ lohwe ɔ hɛ mi ɔ sisiɔ ninɛmɛ nɛ ngɛ zugba a nɔ ɔ, nɛ e deɔ nihi nɛ ngɛ zugba a nɔ ɔ ke, a pee amaga ngɔ ha lohwe ɔ nɛ a kɛ klaate plaa lɛ nɛ e hɛ ngɛ ɔ.

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke: “Koo pee! O nyɛmi sɔmɔlɔ kɛ o nyɛmimɛ nɛ hɛɛ Yesu odase mi ɔ a ti nɔ ko ji mi. Ja Mawu mohu!” Ejakaa Yesu odase ɔ ji gbami mumi ɔ nɛ.

Kpojemi 3:11

Oʼɛ, i ma oya; pɛtɛ nɔ nɛ o ngɛ ɔ he nɛ wa, konɛ nɔ ko ko kpɔ o jlasi ɔ!