Kolosebi 2:15 - Somi He Ɔ

¹⁵ E kplɔ nɔkɔtɔma yemihi kɛ he blɔ ɔmɛ a he nihi, nɛ e bɔ mɛ ahlua pãa, nɛ e sã mɛ kɛ nyɛɛ e se ngɛ e kunimi yemi ɔ mi.

BAIBLO ALOO NGMAMI KLƆUKLƆU Ɔ

¹⁵ Kristo kpɔ he wami ngɛ mumi mi nɔ yeli, kɛ he wami ɔmɛ a dɛ. E bɔ mɛ ahlua paa, nɛ e kɛ tsɔɔ je ɔ kaa niinɛ e ye kunimi.

Kolosebi 2:15 ပူးပေါင်းရင်းမြစ်များ

Hebribi 2:14

Lɔ ɔ he ɔ akɛnɛ bimɛ ɔmɛ hɛɛ he lo kɛ muɔ he je ɔ, lɛ hu e ngɔ kɔlɔ ɔ nɔuu eko kaa mɛ, konɛ e gu gbenɔ nɔ kɛ kpata nɔ nɛ ngɛ gbenɔ nɔ he wami nɛ ji abosiami ɔ hɛ mi,

Efesobi 4:8

Lɔ ɔ he ɔ Ngmami ɔ ke: “E kuɔ kɛ ho hiɔwe ya Nɛ e ngɔ nyɔguɛhi fuu ngɔ piɛ e he, Nɛ e kɛ nike nihi ha nimli.”

Mateo 12:29

“Kɛ maa pee kɛɛ nɛ nɔ ko ma nyɛ he walɔ we mi nɛ e sɛ nɛ e ya ha e nihi, kaa ja e fi he walɔ ɔ lolo loko e ma nyɛ e we ɔ mi ni ha.

Efesobi 6:12

Ejakaa tsa pi he lo kɛ muɔ nɛ waa kɛ ngɛ ta hwue ɔ, se mohu waa kɛ nɔkɔtɔma yemihi kɛ he blɔhi kɛ je nɛ ɔ mi nɔ yemihi nɛ ngɛ mwɔnɔmwɔnɔ diblii ɔ mi ɔ, kɛ mumi yayami asafo nɛ ngɛ hiɔwe nihi a mi ɔ.

Yohane 16:11

kojomi he, ejakaa a kojo je ɔ mi matsɛ ɔ.

Luka 10:18

Se e de mɛ ke: “I na Satan kaa oslaba nɛ tsɔ kɛ je hiɔwe ba nɔ si.

Kpojemi 20:10

Nɛ Abosiami ɔ nɛ sisi mɛ ɔ, a ngɔ lɛ ngɔ wo la gligliigli taku ɔ mi, he nɛ lohwe ɔ kɛ lakpa gbalɔ ɔ hu ngɛ ɔ, nɛ a ma pii mɛ nyɔ kɛ pia kɛ maa ya neneene kɛ neneene.

Kolosebi 1:16

ejakaa e mi a bɔ nihi tsuo kulaa ngɛ, nihi nɛ ngɛ hiɔwe kɛ nihi nɛ ngɛ zugba a nɔ, nihi nɛ a naa kɛ nihi nɛ a nɛ́, matsɛ sɛhi jio, nɔ yemihi jio, nɔkɔtɔma yemihi jio, he blɔhi jio, ni ɔmɛ kulaa a, e nɔ a gu nɛ a bɔ, nɛ lɛ nɔuu a bɔ ha.

Luka 11:22

se ke nɔ nɛ he wa pe lɛ ba tua lɛ nɛ e ye e nɔ kunimi ɔ, e kpɔɔ e ta hwumi nihi nɛ e ngɔɔ e hɛ fɔɔ nɔ ɔ tsuo ngɛ e dɛ, nɛ e dlaa e ta yibu ni ɔmɛ a mi.

2 Korintobi 4:4

nihi a mi nɛ je nɛ ɔ mi mawu ɔ yu nihi nɛ he we yi ɔmɛ a hɛngmɛ ngɛ, konɛ Kristo, nɛ ji Mawu subai ɔ, hɛ mi nyami ɔ sane kpakpa a la nɛ ngɛ tsoe ɔ nɛ ko kpɛ ha mɛ.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Yohane 19:30

Jeha nɛ ɔ benɛ Yesu he da nɛ kuã a, e ke: “A gbe nya!” Kɛkɛ nɛ e ma e yi si, nɛ e ngɔ e nya.

1 Korintobi 15:24

Lɔ ɔ se loko nyagbe ɔ maa ba, benɛ e maa ngɔ matsɛ yemi ɔ ngɔ ha Mawu nɛ ji Tsɛ ɔ; nɛ e maa po nɔ yemi kulaa kɛ he blɔ kulaa kɛ he wami kulaa se ɔ.

2 Korintobi 2:14

Se sina ha Mawu, ejakaa ngɛ waa kɛ Kristo kake peemi mi ɔ, e haa wa yeɔ kunimi daa, nɛ e haa e he nilemi he via a guu wa nɔ jee kpo ngɛ he tsuaa he.

Efesobi 3:10

konɛ jehanɛ a gu asafo ɔ nɔ nɛ a ha nikɔtɔmahi kɛ nihi nɛ ngɛ he blɔ ngɛ hiɔwe nihi a mi ɔ nɛ a le Mawu ni lemi nɛ hiɛ babauu ɔ,

Kolosebi 2:10

nɛ nyɛ hyi tɔtɔɔtɔ ngɛ e mi, lɛ nɔ nɛ ji nɔkɔtɔma yemi kɛ he blɔ tsuo yi ɔ,