Kolosebi 2:13 - Somi He Ɔ

¹³ Nɛ nyɛ nɛ nyɛ ji ni gbogboehi ngɛ nyɛ nɔ tɔmi ɔmɛ kɛ nyɛ he lo mɔmlɔtɔ ɔ mi ɔ, e ha nyɛɛ kɛ lɛ tsuo wami, nɛ e kɛ nyɛ nɔ tɔmi ɔmɛ kulaa pa nyɛ;

BAIBLO ALOO NGMAMI KLƆUKLƆU Ɔ

¹³ Sa a, nyɛ ngɛ kaa ni komɛ nɛ gbo, ejakaa nyɛ peeɔ yayami, nɛ he lo nya a, a pui nyɛ. Se amlɔ nɛ ɔ, Mawu ha nɛ nyɛɛ kɛ Kristo tsuo ba wami mi ekohu; ee, Mawu ngɔ wɔ tsuo wa he yayami ɔmɛ ngɔ pa wɔ.

Kolosebi 2:13 ပူးပေါင်းရင်းမြစ်များ

Luka 15:24

ejaakaa ye bi nɛ ɔ gbo, nɛ e hɛ tsɛ ekohu; e laa nɛ a na lɛ.’ Nɛ a bɔni nyami.

Luka 15:32

se e sa kaa wa nya nɛ wa bua nɛ jɔ wa he, ejakaa o nyɛmi nɛ ɔ gbo, nɛ e hɛ tsɛ ekohu, e laa, nɛ a na lɛ.’ ”

Luka 9:60

Se Yesu de lɛ ke: “Ha nɛ ni gbogboehi nɛ pu a ni gbogboehi se mo lɛɛ yaa nɛ o ya fiɛ Mawu matsɛyemi ɔ!”

Yohane 5:21

Ejakaa bɔ nɛ Tsɛ ɔ tleɔ ni gbogboehi a si nɛ e haa mɛ wami ɔ, ja kɛ̃ Bi ɔ hu haa nihi nɛ e suɔ ɔ wami.

Yohane 6:63

Mumi ɔ ji nɔ́ nɛ haa wami ɔ nɛ; he lo ɔ he be se nami ko. Munyuhi nɛ i kɛ nyɛ tu ɔ, mumi ʼi, nɛ wami ʼi.

Romabi 4:17

kaa bɔ nɛ a ngma a ke: “I ngɔ mo ngɔ pee majeli fuu a tsɛ,” ngɛ Mawu nɔ nɛ e he yeɔ ɔ hɛ mi, nɔ nɛ tsɛɛ ni gbogboehi a hɛ, nɛ e tsɛɔ nihi nɛ be ɔ kaa nihi nɛ ngɛ momo ɔ.

Romabi 6:13

Nɛ jeha nɛ ɔ nyɛ ko ngɔ nyɛ he ni ɔmɛ ngɔ ha yayami kaa ni yayami ɔmɛ a tahwumi nihi, se mohu nyɛɛ ngɔ nyɛ he ngɔ ha Mawu kaa ninɛmɛ nɛ a hɛ tsɛ kɛ je gbeje, nɛ nyɛɛ kɛ nyɛ he ni ɔmɛ nɛ pee dami tahwumi nihi ngɔ ha Mawu.

Romabi 8:11

Se ke nɔ nɛ tle Yesu si kɛ je gbeje ɔ Mumi ɔ hii nyɛ mi ɔ, nɔ nɛ tle Kristo si kɛ je gbeje ɔ ma ha nyɛ nɔmlɔ tsohi nɛ ma gbo ɔ hu yi ma na wami ngɛ e Mumi nɛ hii nyɛ mi ɔ he.

1 Korintobi 15:36

Lohwe! Nɔ́ nɛ mo nitsɛ o du ɔ, ja e gbo lolo loko e yi ma na wa.

1 Korintobi 15:45

Jã a ngma hulɔ ke: “Adam nɛ ji kekle nɔmlɔ ɔ plɛ klaa nɛ hɛ ngɛ; nyagbe Adam ɔ plɛ mumi nɛ haa nɔ yi naa wa.”

2 Korintobi 3:6

lɛ nɔuu lɛ e ha wa sa, nɛ wa plɛ Somi He ɔ he sɔmɔli, pi ngmami okadi nɔ́ se mohu mumi nɔ́, ejakaa ngmami okadi ɔ gbee nɔ, se mumi ɔ haa nɔ yi naa wami.

2 Korintobi 5:19

lɔ ɔ ji kaa Mawu gu Kristo nɔ nɛ e kɛ je ɔ ngɛ huɛ pee, nɛ e bui a nɔ tɔmi ɔmɛ hi mɛ, nɛ e tu huɛ peemi munyu ɔ ngɔ wo wa dɛ.

Efesobi 2:1

Sa a, nyɛ ji ni gbogboehi ngɛ tue gbomi kɛ yayamihi a mi.

Efesobi 2:11

Lɔ ɔ he ɔ, nyɛ kai kaa nyɛ nɛ sa nɛ nyɛ ji wɔ jali ngɛ he lo blɔfami nɛ nihi nɛ a po mɛ ngɛ he lo mi ɔ tsɛɛ nyɛ mɔmlɔtɔtsɛmɛ ɔ,

Efesobi 5:14

Lɔ ɔ he nɛ a de ke: “O hɛ nɛ tsɛ, mo nɔ nɛ o ngɛ mahɛ hwɔe ɔ, Nɛ o te si kɛ je gbeje, Nɛ Kristo maa tso ha mo” ɔ, nɛ!

Kolosebi 2:12

ejakaa a pu nyɛ ngɔ piɛ e he ngɛ baptisimi ɔ mi, nɔ mi hu nɛ a tle nyɛ si ngɛ, ngɛ Mawu nɛ tle lɛ si kɛ je gbeje ɔ he wami ni tsumi ɔ nɔ hemi kɛ yemi nya a.

1 Timoteo 5:6

Se yo nɛ fiɛɛ nyumu fiɛmi ɔ, e hɛ ngɛ mohu se e gbo.

1 Timoteo 6:13

I ngɛ mo kita woe ngɛ Mawu nɛ haa nihi tsuo kulaa wami ɔ kɛ Kristo Yesu nɛ ye jajemi kpakpa a he odase ngɛ Pontio Pilato yi nɔ ɔ hɛ mi,

Hebribi 6:1

Lɔ ɔ he ɔ nyɛ ha wa si Kristo he sisije ni tsɔɔmi ɔmɛ, nɛ waa po mi kɛ ya tsɔɔmihi nɛ sa kɛ ha nikɔtɔmahi a he; nɛ wa ko kpale to nitsumihi nɛ gbo a he tsui tsakemi kɛ Mawu nɔ hemi kɛ yemi,

Hebribi 9:14

si nyɛmɛ nɔuu nɛ Kristo, nɛ gu neneene mumi ɔ nɔ ngɔ e he nɛ piami ko be he ngɔ ha Mawu ɔ muɔ be wa he ni lemi he fɔe kɛ je ni tsumi gbogboehi a mi, konɛ wa sɔmɔ Mawu hɛ kalɔ ɔ?

Yakobo 2:17

Ja nɔuu hemi kɛ yemi hu, ke ni tsumihi be he ɔ, e ji hemi kɛ yemi gbogboe.

Yakobo 2:20

Oo, kuasia, o ngɛ hlaɔ nɛ o le kaa hemi kɛ yemi nɛ ni tsumihi be he ɔ, hemi kɛ yemi gbogboe ʼi lo?

Yakobo 2:26

Ejakaa kaa bɔ nɛ nɔmlɔ tso nɛ mumi be mi ɔ ji gbogboe ɔ, ja nɔuu hemi kɛ yemi nɛ ni tsumihi be he ɔ ji hemi kɛ yemi gbogboe.

1 Yohane 2:12

I ngɛ nyɛ ngmae, bimɛ tsɔwi, ejakaa a ngɔ nyɛ he yayami ɔmɛ ngɔ pa nyɛ ngɛ Kristo biɛ ɔ he.