Kolosebi 2:11 - Somi He Ɔ

¹¹ nɔ mi nɛ a po nyɛ hu ngɛ, kɛ nɔ pomi nɛ pi he lo mi pomi, se mohu Kristo pomi nɛ jeɔ wɔ kɛ jee he lo nɔmlɔ tso yayami mi ɔ;

BAIBLO ALOO NGMAMI KLƆUKLƆU Ɔ

¹¹ Nɛ nyɛɛ kɛ Kristo pee kake ɔ, e tsɔɔ kaa a po nyɛ; pi he lo mi nɔ pomi. Mohu Kristo ha he lo nɛ ɔ we akɔnɔ nɛ nya wa a be nyɛ nɔ he wami hu.

Kolosebi 2:11 ပူးပေါင်းရင်းမြစ်များ

Marko 14:58

“Wɔ nitsɛmɛ wa nu nɛ e de ke: ‘Imi lɛɛ ma ku sɔlemi tsu nɛ ɔ nɛ a kɛ nine pee ɔ, nɛ ligbi etɛ mi ɔ ma ma ekpã nɛ pi nine nɛ a kɛ pee.’ ”

Luka 2:21

Nɛ benɛ ligbi kpaanyɔ su nɛ a maa po jokuɛ ɔ, a wo lɛ Yesu, kaa bɔ nɛ bɔfo ɔ wo lɛ momo loko a ngɔ e hɔ ɔ.

Ni Tsumi 17:24

Mawu nɛ pee je ɔ kɛ e mi nihi kulaa, nɛ ji hiɔwe kɛ zugba nyɔmtsɛ ɔ, e hi sɔlemi tsuhi nɛ a kɛ nine pee mi,

Ni Tsumi 7:48

“Pohu Hiɔwe no ɔ, tsa hi tsuhi nɛ a kɛ ninehi pee ɔmɛ a mi, kaa bɔ nɛ gbalɔ ɔ hu de ɔ ke:

Romabi 2:29

se mohu nɔ nɛ ji Yudafo no ngɛ mi mi je ɔ lɛ ji Yuda no; nɛ tsui mi nɔ pomi nɛ ngɛ mumi mi, nɛ pi ngmami okadi mi ɔ, ji nɔ pomi nɛ e yi jemi ɔ ji nimli a ngɔ, se mohu Mawu ngɔ e jee.

Romabi 6:6

Wa le enɛ ɔ kaa a sɛu wa nɔmlɔ tso momo ɔ ngɔ piɛ e he konɛ yayami nɔmlɔ tso ɔ hɛ mi nɛ kpata nɛ wa ko sɔmɔ yayami hu.

Romabi 7:24

Nɔmlɔ nɛ ni ngɛ mɔbɔ ji mi; mɛnɔ lɛ ma je mi kɛ maa je kikɛmɛ a gbenɔ nɔmlɔ tso nɛ ɔ dɛ mi?

2 Korintobi 5:1

Ejakaa wa le kaa, ke a ku wa zugba nɛ ɔ nɔ bo tsu nɔ hu, wa ngɛ tsu ko nɛ je Mawu ngɔ, we ko nɛ pi nine nɛ a kɛ pee, nɛ hii si kɛ yaa neneene, ngɛ hiɔwe.

2 Korintobi 5:17

Lɔ ɔ he ɔ, ke nɔ ko ngɛ Kristo mi ɔ, bɔ nɔ́ he ji lɛ; blema ni ɔmɛ be kɛ ho; oʼɛ, nihi kulaa plɛ ehe.

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.

Galatabi 5:24

Se nihi nɛ ji Kristo Yesu nihi ɔ, a sɛu he lo ɔ kɛ e he numi nihi kɛ e kɔnɔ ɔmɛ kulaa.

Efesobi 4:22

nyɛ sake nyɛ sa je mi bami ɔ nya nɔmlɔ momo nɛ puɛ ngɛ sisimi se dimi ɔmɛ a nya a ngɔ fɔ he,

Filipibi 3:3

Ejakaa wɔ ninɛmɛ nɛ wa jaa Mawu ngɛ mumi nya, nɛ waa kɛ wa hɛ fɔɛ he lo nɔ, se Kristo Yesu nɔ mohu wa fiaa ngɔ fɔɔ ɔ, wɔ mohu ji ninɛmɛ nɛ a po mɛ ɔ nɛ.

Kolosebi 3:5

Lɔ ɔ he ɔ nyɛɛ gbe nyɛ he nihi nɛ ngɛ zugba a nɔ ɔ: ajuama bɔmi, mu ni tsumi, mi mi la, akɔnɔ yaya, kɛ hɛ tsumi nɛ ji wɔ jami ɔ,

Hebribi 9:11

Se Kristo nɛ ba ba ye ni kpakpahi nɛ maa ba amɛ a he osɔfo nɔkɔtɔma a, gu bo tsu nɛ kle nɛ hi kɛ pi si nɛ pi nine nɛ a kɛ pee, lɔ ɔ ji kaa pi je nɛ ɔ mi bɔ nihi a mi nɛ e je ɔ mi,

Hebribi 9:24

Ejakaa pi he klɔuklɔu nɛ a kɛ ninehi pee nɛ ji nɔ́ ɔ nitsɛ henɔ kɛkɛ mi nɛ Kristo ya sɛ ɔ, se mohu hiɔwe nitsɛ e ya sɛ, konɛ jehanɛ ya je e he kpo ngɛ Mawu hɛ mi ha wɔ.