Kolosebi 1:9 - Somi He Ɔ

⁹ Enɛ ɔ he je ɔ wɔ hu, kɛ je ligbi nɛ wa nu ɔ, wa jɔɔ we sɔlemi kɛ pɛɛ kpami kɛ nyɛ hami, konɛ nyɛ hyi tɔtɔɔtɔ kɛ e suɔmi nya nihi a lemi ngɛ mumi mi ni lemi kɛ sisinami tsuo mi;

BAIBLO ALOO NGMAMI KLƆUKLƆU Ɔ

⁹ Enɛ ɔ he ɔ, kɛ je ligbi ɔ nɛ wa nu nyɛ he ɔ kɛ ba si amlɔ nɛ ɔ, wa jɔɔ we Mawu pɛɛ kpami ha nyɛ. Wa biɔ ke Mawu nɛ ha nɛ nyɛɛ le e suɔmi nya ní, nɛ nyɛ ná nile, kɛ nɔ́ sisi numi nɛ mumi ɔ haa nɔ ɔ.

Kolosebi 1:9 ပူးပေါင်းရင်းမြစ်များ

Yohane 7:17

Ke nɔ ko suɔ kaa e pee e suɔmi nya ni ɔ, lɛ ji nɔ nɛ ma yo ngɛ tsɔɔmi ɔ he kaa Mawu dɛ mi e je aloo imi nitsɛ ye yi mi i toɔ nɛ i tuɔ munyu.

Ni Tsumi 12:5

Lɔ ɔ he ɔ a tsi Petro nya ngɛ tsu ɔ mi mohu, se asafo ɔ hɛɛ sɔlemi mi kɛ ha lɛ wawɛɛ ngɛ Mawu hɛ mi.

Romabi 12:2

Nɛ nyɛ je mi bami ko pee kaa je mi bihi a je mi bami, se mohu nyɛ ha Mawu nɛ tsake nyɛ juɛmi, konɛ nyɛ yɔse nihi nɛ ji Mawu suɔmi nya ni kpakpahi nɛ sa e hɛ mi saminya nɛ hi kɛ pi si ɔ.

1 Korintobi 1:5

kaa nihi kulaa mi ɔ, a ha nyɛ plɔke ngɛ e mi, ngɛ munyu tsuaa munyu kɛ ni lemi tsuaa ni lemi blɔfami.

Efesobi 1:8

nɔ́ nɛ e ha kɛ be nɔ ha wɔ ngɛ ni lemi kɛ nɔ sisi numi kulaa mi.

Efesobi 5:10

Nyɛɛ ka nɔ́ tsuaa nɔ́ hyɛ kaa e sa Nyɔmtsɛ ɔ hɛ mi lo.

Efesobi 5:17

Lɔ ɔ he ɔ, nyɛ ko pee nyɛ he nihi nɛ be yi mi, se mohu nyɛ yo nihi nɛ ji Nyɔmtsɛ ɔ suɔmi nya ni ɔmɛ.

Efesobi 6:6

pi kɛ hɛ mi hɛ mi sɔmɔmi kaa nihi nɛ hlaa nimli a hɛ mi nyami, se mohu kaa Kristo tsɔli nɛ jee a tsui mi peɔ Mawu suɔmi nya ni,

Filipibi 1:4

ngɛ ye daa pɛɛ kpamihi tsuo nɛ i kpaa ngɔ haa nyɛ kulaa a mi, nɛ i kɛ bua jɔmi kpaa pɛɛ

Kolosebi 1:6

nɔ́ nɛ su nyɛ ngɔ kaa bɔ nɛ e ngɛ ngɛ je mluku ɔ kulaa mi, nɛ e woɔ yiblii nɛ e kekee kaa bɔ nɛ e peɔ ngɛ nyɛ hu nyɛ kpɛti kɛ je ligbi nɛ nyɛ nu nɛ nyɛ na le Mawu dloomi ɔ ngɛ anɔkuale mi ɔ:

Kolosebi 3:16

Nyɛ ha Kristo munyu ɔ nɛ hi nyɛ mi babauu ngɛ ni lemi tsuaa ni lemi mi; nɛ nyɛɛ tsɔɔ nyɛ he ni nɛ nyɛɛ tu munyu ngɔ tsɔɔ nyɛ he ngɛ saku fiamihi kɛ yi jemi lahi kɛ mumi mi lahi a mi, nɛ nyɛɛ kɛ sina nɛ la ngɛ nyɛ tsui mi ha Mawu.

Kolosebi 4:12

Epafra nɛ je nyɛ kpɛti nɛ ji Kristo sɔmɔlɔ nɛ daa nɛ ɔ e kaii nyɛ ngɛ e sɔlemihi a mi, konɛ nyɛɛ da si nɛ nyɛɛ hi kɛ pi si nɛ nyɛ hyi tɔtɔɔtɔ ngɛ Mawu suɔmi nya nihi kulaa mi ɔ, ke e biɔ nyɛ.

Kolosebi 4:5

Nyɛɛ nyɛɛ ngɛ ni lemi nya, ngɛ nihi nɛ ngɛ se ɔmɛ a hɛ mi, nɛ nyɛ tsu nyɛ deka a he ni.

1 Tesalonikabi 1:3

Wa kaii nyɛ hemi kɛ yemi ni tsumi ɔmɛ kɛ nyɛ suɔmi mɔde bɔmi ɔ kɛ wa Nyɔmtsɛ Yesu Kristo he hɛ kɛ nɔ fɔmi mi tsui si tomi ɔ ngɛ Mawu kɛ wa Tsɛ ɔ hɛ mi.

1 Tesalonikabi 5:17

nyɛɛ sɔle be tsuaa be;

2 Tesalonikabi 1:11

Enɛ ɔ he je hu nɛ wa kpaa pɛɛ daa haa nyɛ ɔ nɛ, konɛ wa Mawu ɔ nɛ ha nyɛɛ sa tsɛmi ɔ, nɛ ngɛ e he wami nya a, e ha nyɛɛ hi kɛ pi si ngɛ nɔ́ kpakpa tsuaa nɔ́ kpakpa kɛ hemi kɛ yemi mi,

Filemon 1:4

I naa ye Mawu ɔ si daa, nɛ i woɔ o ta ngɛ ye pɛɛ kpamihi a mi,

Filemon 1:6

nɛ i kpaa pɛɛ kaa kikɛmɛ a huɛ bɔmi nɛ je hemi kɛ yemi mi ɔ nɛ ha mo sisi numi ngɛ ni tsumi kpakpa tsuaa ni tsumi kpakpa nɛ wa nyɛɔ tsuɔ ha Kristo Yesu ɔ mi.

Hebribi 10:36

Tsui si tomi he hia nyɛ, konɛ nyɛɛ pee Mawu suɔmi nya ni, nɛ nyɛ nine nɛ e su siwomi ɔ nɔ.

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

Yakobo 1:5

Se ke e hia nyɛ ti nɔ ko ni lemi ɔ, e kpa Mawu nɛ haa nihi kulaa faa kɛ bua jɔmi nɛ e ka we nɔ hɛ mi ɔ pɛɛ, nɛ e ma ngɔ ha lɛ.

Yakobo 3:17

Se ni lemi nɛ je hiɔwe ɔ, kekleekle ɔ, e he tsɔ, lɔ ɔ se ɔ, e he jɔ, e hɛ ka si, e buɔ tue, e hyi tɔtɔɔtɔ kɛ mɔbɔ nami kɛ yiblii kpakpahi, e ji nɔ́, e pee we osato.

1 Petro 2:15

Ejakaa ja ji Mawu suɔmi nya ni, kaa nyɛɛ kɛ kpakpa peemi nɛ tsi nihi nɛ be yi mi ɔmɛ a kuasia peemi ɔ nya.

1 Petro 4:2

konɛ be nɛ piɛ ha lɛ ngɛ he lo mi si himi nɛ ɔ mi ɔ, e ko hi si ngɛ nimli a kɔnɔhi a nya, se mohu ngɛ Mawu suɔmi nya nihi a nya.

1 Yohane 2:17

Je ɔ bee kɛ yaa kɛ e mi se dimi ni ɔmɛ, se nɔ nɛ peɔ Mawu suɔmi nya ni ɔmɛ ɔ, e hii si kɛ yaa neneene.

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.