Kolosebi 1:6 - Somi He Ɔ

⁶ nɔ́ nɛ su nyɛ ngɔ kaa bɔ nɛ e ngɛ ngɛ je mluku ɔ kulaa mi, nɛ e woɔ yiblii nɛ e kekee kaa bɔ nɛ e peɔ ngɛ nyɛ hu nyɛ kpɛti kɛ je ligbi nɛ nyɛ nu nɛ nyɛ na le Mawu dloomi ɔ ngɛ anɔkuale mi ɔ:

BAIBLO ALOO NGMAMI KLƆUKLƆU Ɔ

⁶ Sane kpakpa a ngɛ nɔ yae, nɛ e ngɛ yiblii woe ngɛ je ɔ mi tsuo. Kikɛ nɛ ɔ nɔuu e ngɛ ní tsue ngɛ nyɛ hu nyɛ mi kɛ je ligbi ɔ nɛ nyɛ nu Mawu dloomi ɔ he nɛ nyɛ nu sisi kaa bɔ nɛ e ngɛ anɔkuale mi ɔ.

Kolosebi 1:6 ပူးပေါင်းရင်းမြစ်များ

Mateo 24:14

Nɛ a maa fiɛ matsɛ yemi ɔ Sane Kpakpa nɔ ngɔ tsɔɔ je ɔ tsuo, nɛ a kɛ ye majemaje ɔ tsuo odase; nɛ kɔlɔ ɔ loko nyagbe ɔ maa ba.”

Mateo 28:19

Lɔ ɔ he ɔ rnyɛɛ ya nɛ nyɛ ya pee majemaje tsuo ye kaseli, nyɛɛ baptisi mɛ ngɔ wo Tsɛ ɔ kɛ Bi ɔ kɛ Mumi Klɔuklɔu ɔ biɛ mi,

Marko 16:15

Nɛ e de mɛ ke: “Nyɛɛ ya je ɔ tsuo kulaa mi nɛ nyɛ ya fiɛ Sane Kpakpa a ngɔ tsɔɔ nɔ tsuaa nɔ nɛ a bɔ ɔ.

Marko 4:8

Se wu ɔmɛ ekomɛ ya pue zugba kpakpa nɔ, nɛ a puɛ, nɛ a wa, nɛ a wo yiblii: eko nyingmi etɛ, eko nyingmi ekpa, kɛ eko lafa.”

Yohane 15:16

Tsa pi nyɛ nɛ nyɛ hla mi, se imi mohu lɛ i hla nyɛ, nɛ i to nyɛ konɛ nyɛ hu nyɛɛ ya nɛ nyɛ ya wo yiblii, nɛ nyɛ yiblii ɔ nɛ hi si; konɛ nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ngɔ ha nyɛ.

Yohane 17:19

Nɛ a he nɛ imi nitsɛ i peɔ ye he klɔuklɔu ɔ nɛ, konɛ mɛ hu a pee mɛ klɔuklɔu ngɛ anɔkuale mi.

Yohane 4:23

Se ngmlɛfia a ma nɛ e su momo benɛ anɔkuale jali ɔmɛ ma ja Tsɛ ɔ ngɛ mumi kɛ anɔkuale mi, ejakaa nihi nɛ jaa lɛ kikɛ ɔ Tsɛ ɔ hu ngɛ hlae.

Ni Tsumi 11:18

Se benɛ a nu munyu nɛ ɔmɛ ɔ, a ma a nya, nɛ a wo Mawu hɛ mi nyami de ke: ‘Lɛɛ majeli ɔmɛ hu Mawu ha mɛ tsui tsakemi nɛ a kɛ he a yi wami!’

Ni Tsumi 12:24

Se Mawu munyu ɔ keke nɛ e gbɛ fia.

Ni Tsumi 16:14

Nɛ yo ko nɛ a tsɛɛ lɛ Lidia nɛ ji kɔjai jualɔ ko nɛ je Tiatira ma a mi nɛ yee Mawu gbeye ɔ hu nu. Nɛ Nyɔmtsɛ ɔ bli e tsui nya, kaa e bu nihi nɛ Paulo ngɛ dee ɔ tue.

Ni Tsumi 26:18

nɛ o ya bli a hɛngmɛ komɛ a kpale kɛ je diblii mi kɛ ba la he, kɛ je abosiami he wami mi kɛ ba Mawu ngɔ, nɛ a na a he yayami pami kɛ gbo si ni ngɛ nihi nɛ a kɛ ye nɔ hemi kɛ yemi pee mɛ klɔuklɔu ɔmɛ a kpɛti.’ ”

Romabi 1:13

Se mamimɛ, i suɔ kaa nyɛɛ le kaa i pɔɔ ye yi mi tomi kaa ma ba nyɛ ngɔ kone ma ba na yiblii komɛ ngɛ nyɛ hu nyɛ kpɛti, kaa bɔ nɛ i na ke je majeli kpa amɛ a kpɛti ɔ, se a tsi ye nya kɛ ba ta piɔ.

Romabi 15:19

ngɛ okadihi kɛ nyakpɛ nihi a he wami mi, ngɛ Mawu Mumi he wami mi; enɛ ɔ he nɛ i je Yerusalem kɛ bɔle si hluu kɛ ya su Ilirikum, nɛ i fiɛ Kristo Sane Kpakpa a kɛ gbe nya a nɛ.

Romabi 15:28

Lɔ ɔ he ɔ ke i gbe enɛ ɔ nya nɛ i ngɔ nike ni nɛ ɔ kɛ ya ha mɛ ɔ, ma ba gu nyɛ ngɔ kɛ ya Spania.

Romabi 16:26

nɔ́ nɛ jeha nɛ je ngɔ tsɔɔ paa ngɛ neneene Mawu ɔ kita nya a, nɛ a gu gbali ɔmɛ a ngmami ɔmɛ a nɔ wo nɔ ta tsɔɔ majeli ɔmɛ kulaa konɛ a bu hemi kɛ yemi ɔ tue —

2 Korintobi 10:14

Ejakaa wa kpã we wa mi tsɔ kaa nihi nɛ sui nyɛ ngɔ, ejakaa waa kɛ Kristo sane kpakpa a su nyɛ ngɔ hulɔ.

2 Korintobi 6:1

Akɛnɛ wa ji Mawu hepiɛli ngɛ e ni tsumi ɔ mi he je ɔ, wa tuɔ munyu tsɔɔ nyɛ konɛ nyɛ ko he Mawu dloomi ɔ yaka;

Efesobi 3:2

eko ɔ nyɛ maa nu Mawu dloomi nɛ a ngɔ ha mi ngɛ nyɛ he ɔ blɔ nya tomi ɔ he,

Efesobi 4:21

ke e ngɛ mi kaa nyɛ nu e he, nɛ a tsɔɔ nyɛ ngɛ e mi hulɔ, bɔ nɛ ji anɔkuale ngɛ Yesu mi ɔ,

Efesobi 4:23

nɛ nyɛ plɛ nimli hehi ngɛ nyɛ juɛmi kɛ mumi mi,

Efesobi 5:9

Ejakaa la a yiblii ji mi mi himi kɛ dami kɛ anɔkuale tsuo.

Filipibi 1:11

nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.

Filipibi 4:17

Pi kaa nike ni i ngɛ hlae, se mohu i ngɛ se nami nɛ ma ha nyɛ kɔtaa a maa su kɛ be nɔ ha nyɛ ɔ hlae.

Kolosebi 1:10

konɛ nyɛɛ nyɛɛ bɔ nɛ sa Nyɔmtsɛ ɔ nɛ e sa e hɛ mi saminya, nɛ nyɛɛ wo yiblii ngɛ ni tsumi kpakpa tsuaa ni tsumi kpakpa mi;

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

1 Tesalonikabi 1:5

kaa wa sane kpakpa a bɛ́ nyɛ ngɔ ngɛ munyu tumi mi kɛkɛ, se mohu ngɛ Mumi Klɔuklɔu ɔ he wami kɛ nɔ mi mami babauu mi, kaa bɔ nɛ nyɛ le, bɔ nɛ wa plɛ ba wa je mi ngɛ nyɛ kpɛti ngɛ nyɛ he ɔ.

1 Tesalonikabi 2:13

Enɛ ɔ he je nɛ wɔ hu wa naa Mawu si nɛ wa jɔɔ we ɔ nɛ, ejakaa benɛ nyɛ nine su Mawu munyu nɛ nyɛ nu ngɛ wa nya a nɔ ɔ, nyɛ pɛtɛ he kaa Mawu munyu, kaa bɔ nɛ e ngɛ hu niinɛ ɔ, se pi kaa nimli a munyu ko ʼi; se mohu e ji Mawu munyu nɛ tsuɔ he wami nihi ngɛ nyɛ nɛ nyɛ heɔ yeɔ ɔmɛ a kpɛti.

2 Tesalonikabi 2:13

Se wɔɔ lɛɛ, e sa kaa wa naa Mawu si daa ngɛ nyɛ he, mamimɛ nɛ Nyɔmtsɛ ɔ suɔ, ejakaa Mawu hla nyɛ kɛ je sisije ngɔ ha yi wami hemi ngɛ mumi ɔ klɔuklɔu peemi kɛ anɔkuale ɔ hemi kɛ yemi mi,

1 Petro 5:12

I gu wa nyɛmi Silvano nɛ ji anɔkualetsɛ kaa bɔ nɛ i buu lɛ ɔ nɔ ngma nyɛ bɔɔ nɛ ɔ i kɛ ngɛ munyu tue kɛ ngɛ nyɛ tsɔɔe, nɛ i ngɛ odase yee kɛ ngɛ se fiee kaa enɛ ɔ ji Mawu anɔkuale dloomi ɔ nɛ; nyɛɛ da si ngɛ mi.