Kolosebi 1:5 - Somi He Ɔ

⁵ ngɛ hɛ kɛ nɔ fɔmi nɛ a ngɔ to ha nyɛ ngɛ hiɔwe ɔ he. Nyɛ nu momo ngɛ sane kpakpa a anɔkuale munyu ɔ mi,

BAIBLO ALOO NGMAMI KLƆUKLƆU Ɔ

⁵ Nyɛ nu momo kaa hɛ kɛ nɔ fɔmi ko ngɛ ha nyɛ, benɛ anɔkuale sɛ gbi nɛ ji sane kpakpa a ba su nyɛ ɔ. Lɔ ɔ he ɔ, nyɛ hemi kɛ yemi, kɛ nyɛ suɔmi nɛ ɔ daa si ngɛ nɔ́ nɛ nyɛ ngɔ nyɛ hɛ ngɔ fɔ nɔ kaa a kɛ to ha nyɛ ngɛ hiɔwe ɔ nɔ.

Kolosebi 1:5 ပူးပေါင်းရင်းမြစ်များ

Efesobi 1:13

Kristo ɔ nɔuu nɔ nyɛ hu nyɛ ngɔ nyɛ hɛ ngɔ fɔ, benɛ nyɛ nu anɔkuale munyu ɔ nɛ ji nyɛ yi wami hemi ɔ he sane kpakpa a; lɛ nɔuu e mi a kɛ Mumi Klɔuklɔu ɔ nɛ a wo he si ɔ sɔu nyɛ nya ngɛ benɛ nyɛ he ye ɔ,

2 Timoteo 4:8

nɔ nɛ piɛ nɛ fɔɔ si ha mi ji dami jlasi ɔ, nɛ Nyɔmtsɛ nɛ ji dami kojolɔ ɔ ma ha mi ngɛ jamɛ a Ligbi ɔ nɔ ɔ, nɛ pi ye nɔ kake nɛ e ma ha, se mohu nihi kulaa nɛ suɔ e bami ɔ hulɔ ɔ.

Tito 1:2

nɛ maa si ngɛ neneene wami ɔ he hɛ kɛ nɔ fɔmi ɔ mi. Mawu nɛ yi lakpa a wo wɔ kikɛmɛ a wami nɛ ɔ he si loko a bɔ je mi be ɔmɛ,

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

1 Petro 2:2

Nyɛɛ pee kaa bimwɔwi nɛ a fɔ he nɛ ngɛ mumi mi nyɔ nyu klɔuu hlae nɛ a nu, konɛ nyɛɛ wa kɛ na yi wami hemi.

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

1 Korintobi 15:19

Ke wami nɛ ɔ mi kɛkɛ wa hɛ ngɛ Kristo nɔ ngɛ ɔ, wa ni ngɛ mɔbɔ pe nimli kulaa.

Hebribi 7:19

ejakaa Mlaa ha we nɔ́ ko nɔ́ ko nɛ hi kɛ pi si, se jehanɛ a kɛ hɛ kɛ nɔ fɔmi nɛ hi pe lɔ ɔ nɛ waa kɛ suu Mawu he ɔ ba je mi.

1 Tesalonikabi 2:13

Enɛ ɔ he je nɛ wɔ hu wa naa Mawu si nɛ wa jɔɔ we ɔ nɛ, ejakaa benɛ nyɛ nine su Mawu munyu nɛ nyɛ nu ngɛ wa nya a nɔ ɔ, nyɛ pɛtɛ he kaa Mawu munyu, kaa bɔ nɛ e ngɛ hu niinɛ ɔ, se pi kaa nimli a munyu ko ʼi; se mohu e ji Mawu munyu nɛ tsuɔ he wami nihi ngɛ nyɛ nɛ nyɛ heɔ yeɔ ɔmɛ a kpɛti.

1 Yohane 3:3

Nɔ tsuaa nɔ nɛ ngɛ kikɛmɛ a hɛ kɛ nɔ fɔmi ngɛ Kristo mi ɔ peɔ e he klɔuklɔu kaa bɔ nɛ lɛ hu e ngɛ klɔuklɔu ɔ.

Galatabi 5:5

Ejakaa wɔɔ lɛɛ, Mumi ɔ nɔ wa guu waa kɛ hemi kɛ yemi mlɛɛ dami hɛ kɛ nɔ fɔmi ɔ.

2 Korintobi 5:19

lɔ ɔ ji kaa Mawu gu Kristo nɔ nɛ e kɛ je ɔ ngɛ huɛ pee, nɛ e bui a nɔ tɔmi ɔmɛ hi mɛ, nɛ e tu huɛ peemi munyu ɔ ngɔ wo wa dɛ.

Ni Tsumi 23:6

Se benɛ Paulo kpa si kaa fã kake ɔ Sadukifohi ji mɛ, nɛ fã kpa a Farisifohi ʼi ɔ, e nga ngɛ gua ngua a kpɛti ke: “Tsaatsɛmɛ kɛ mamimɛ, imi lɛɛ Farisifo no ji mi kɛ Farisifo no bi hulɔ. Hɛ nɔ kami kɛ ni gbogboehi a si temi ɔ he a ngɛ mi kojoe nɛ ɔ nɛ.”

1 Petro 3:15

se Nyɔmtsɛ Kristo ɔ, nyɛɛ bu lɛ klɔuklɔu ngɛ nyɛ tsui mi. Nyɛ dla nyɛ he ngɔ to daa nɛ, konɛ ke nɔ ko bi nyɛ hɛ kɛ nɔ fɔmi nɛ ngɛ nyɛ mi ɔ sisi ɔ, nɛ nyɛ nyɛ lɛ heto nɛ nyɛ ha; se nyɛɛ pee kɛ mi mi jɔmi kɛ bu.

1 Korintobi 13:13

Se jehanɛ hemi kɛ yemi, hɛ kɛ nɔ tɔmi, suɔmi, kikɛmɛ a nihi etɛ nɛ ɔmɛ hii si; se suɔmi ji a kpɛti nɔ nɛ pe kulaa.

Ni Tsumi 24:15

I ngɛ Mawu nɔ hɛ kɛ nɔ fɔmi kaa ni gbogboehi a si temi maa ba, nɛ dali kɛ nihi nɛ dɛ́ kulaa maa te si, kɔlɔ ɔ nɔuu blɔ ni nɛ ɔmɛ hu ngɛ hyɛe.

1 Timoteo 1:15

E ji anɔkuale munyu nɛ sa kaa a pɛtɛ he kulaa, kaa Kristo Yesu ba je nɛ ɔ mi, nɛ e ba he yayami peeli a yi wami, nihi a kpɛti nɛ imi ji titima a;

2 Tesalonikabi 2:16

Se lɛ wa Mawetsɛ Yesu Kristo ɔ nitsɛ, kɛ wa Tsɛ Mawu nɛ suɔ wɔ nɛ e kɛ neneene bua womi kɛ hɛ kɛ nɔ fɔmi kpakpa ha wɔ ngɛ dloomi nya a,

Kolosebi 3:16

Nyɛ ha Kristo munyu ɔ nɛ hi nyɛ mi babauu ngɛ ni lemi tsuaa ni lemi mi; nɛ nyɛɛ tsɔɔ nyɛ he ni nɛ nyɛɛ tu munyu ngɔ tsɔɔ nyɛ he ngɛ saku fiamihi kɛ yi jemi lahi kɛ mumi mi lahi a mi, nɛ nyɛɛ kɛ sina nɛ la ngɛ nyɛ tsui mi ha Mawu.

Romabi 10:8

Se mohu kɛ e deɔ kɛɛ? Mawu munyu ɔ na mo ngɛ o nya mi kɛ o tsui mi tsuo; (kɔlɔ ɔ nɔuu ji hemi kɛ yemi munyu nɛ wa fiɛɛ ɔ nɛ).

Ni Tsumi 10:36

Mawu tsɔ nɛ a kɛ munyu ɔ ya ha Israelbi, nɛ a gu Yesu Kristo nɔ kɛ jaje he jɔmi sane kpakpa a ngɔ tsɔɔ mɛ, lɛ ji nihi tsuo a Nyɔmtsɛ.

Luka 12:33

Nyɛɛ jua nihi nɛ nyɛ ngɛ ɔ nɛ nyɛ kɛ pee kpakpa. Nyɛ hla sika kpɛɛhi nɛ be momo pee; nyɛɛ to juetli nɛ be tae ngɛ hiɔwe, he nɛ juɔ ko be he sue nɛ wɔyewɔye kpe we ni ngɛ ɔ.

Ni Tsumi 13:26

“Tsaatsɛmɛ kɛ mamimɛ, Abraham nina kɛ nyɛ kpɛti nihi nɛ yee Mawu gbeye, nyɛ a kɛ kikɛmɛ a yi wami hemi muyu nɛ ɔ ba ha.

2 Korintobi 6:7

ngɛ anɔkuale munyu tumi mi, ngɛ Mawu he wami mi, kɛ gu dami ta hwumi nihi kɛ ha hiɛ ɔ kɛ muɔ,

Galatabi 2:5

se mɛɛ lɛɛ wa kplɛɛ we nɛ waa bu mɛ tue ngmlɛfia kake tete, konɛ sane kpakpa a anɔkuale ɔ nɛ e hi si sɔkee ha nyɛ.

Galatabi 2:14

Se benɛ i na kaa a nyɛɛ we tutuutu ngɛ sane kpakpa a mi anɔkuale ɔ nya a, i de Kefa ngɛ mɛ kulaa a hɛ mi ke: “Ke mo nɛ o ji Yuda no ɔ, o peɔ o nihi kaa maje no se pi kaa Yuda no ɔ, mɛni he je o nyɛɛ majeli ɔmɛ a nɔ kaa a pee a nihi kaa Yudafohi ɔ?”

Efesobi 4:21

ke e ngɛ mi kaa nyɛ nu e he, nɛ a tsɔɔ nyɛ ngɛ e mi hulɔ, bɔ nɛ ji anɔkuale ngɛ Yesu mi ɔ,

2 Petro 1:12

Lɔ ɔ he ɔ, ma kai nyɛ daa nɛ ngɛ kikɛmɛ a ni nɛ ɔmɛ a he, pohu nyɛ le momo nɛ nyɛ nane pi si ngɛ anɔkuale nɛ ngɛ ɔ mi.