Kolosebi 1:4 - Somi He Ɔ

⁴ ejakaa wa nu nyɛ Kristo Yesu nɔ hemi kɛyemi kɛ nyɛ suɔmi nɛ nyɛɛ kɛ suɔ he tsɔli ɔmɛ kulaa a he,

BAIBLO ALOO NGMAMI KLƆUKLƆU Ɔ

⁴ Ejakaa hemi kɛ yemi nɛ nyɛ ngɛ ngɛ Kristo Yesu mi, kɛ suɔmi nɛ nyɛɛ kɛ suɔ ni klɔuklɔu ɔmɛ tsuo ɔ, wa nu he.

Kolosebi 1:4 ပူးပေါင်းရင်းမြစ်များ

2 Korintobi 7:7

Se pi e bami ɔ kɛkɛ, se mohu bua womi nɛ e na kɛ je nyɛ ngɔ ɔ hulɔ, ejakaa e ba bɔ wɔ bɔ nɛ nyɛ ngɛ hlae nɛ nyɛ maa na mi, kɛ nyɛ kɔmɔ yemi ɔ, kɛ ye he mɔde nɛ nyɛ ngɛ bɔe ɔ, enɛ ɔ he ɔ i na bua jɔmi babauu pe keklee ɔ.

Galatabi 3:26

Ejakaa nyɛ tsuo ɔ Mawu bimɛ ji nyɛ ngɛ Kristo Yesu mi kɛ gu hemi kɛ yemi ɔ nɔ;

Galatabi 3:28

Yudano be ɔ, Helano hu bé hu; nyɔguɛ bé ɔ, odehe hu bé hu; nyumu be ɔ, yo hu be hu; ejakaa nyɛ tuso ɔ, nɔ kake ji nyɛ ngɛ Kristo Yesu mi.

Galatabi 5:6

Ejakaa Kristo Yesu mi ɔ, pi nɔ pomi nɛ nyɛɔ nɔ́ ko peɔ, nɛ pi mɔmlɔtɔ hulɔ, se mohu hemi kɛ yemi nɛ guu suɔmi nɔ tsuɔ ni ɔ ʼi.

Efesobi 1:15

Enɛ ɔ he je ɔ, imi hu, benɛ i nu nyɛ hemi kɛ yemi nɛ nyɛ ngɛ ngɛ Nyɔmtsɛ Yesu Kristo mi, kɛ nyɛ suɔmi nɛ nyɛɛ kɛ suɔ ni klɔuklɔu ɔmɛ kulaa he ɔ,

Efesobi 6:18

nɛ nyɛɛ kɛ sɔlemi kɛ pɛɛ kpami tsuo sɔle daa ha klɔuklɔubi ɔmɛ kulaa

Kolosebi 1:9

Enɛ ɔ he je ɔ wɔ hu, kɛ je ligbi nɛ wa nu ɔ, wa jɔɔ we sɔlemi kɛ pɛɛ kpami kɛ nyɛ hami, konɛ nyɛ hyi tɔtɔɔtɔ kɛ e suɔmi nya nihi a lemi ngɛ mumi mi ni lemi kɛ sisinami tsuo mi;

1 Tesalonikabi 1:3

Wa kaii nyɛ hemi kɛ yemi ni tsumi ɔmɛ kɛ nyɛ suɔmi mɔde bɔmi ɔ kɛ wa Nyɔmtsɛ Yesu Kristo he hɛ kɛ nɔ fɔmi mi tsui si tomi ɔ ngɛ Mawu kɛ wa Tsɛ ɔ hɛ mi.

1 Tesalonikabi 3:6

Se jehanɛ nɛ Timoteo je nyɛ ngɔ ba wa ngɔ nɛ e ba bɔ wɔ nyɛ hemi kɛ yemi ɔ kɛ nyɛ suɔmi kɛ kaimi kpakpa nɛ nyɛɛ kɛ kaii wɔ daa a, kɛ nyɛ hɛ̃ nɛ ngɛ jae kaa nyɛ ma na wɔ kaa bɔ nɛ wɔ hu wa hɛ̃ jaa ngɛ nyɛ he ɔ,

2 Tesalonikabi 1:3

E sa kaa wa naa Mawu si daa ngɛ nyɛ he bɔ nɛ sa, mamimɛ, ejakaa nyɛ hemi kɛ yemi ɔ ngɛ klee wawɛɛ nitsɛ, nɛ nyɛ tsuo nyɛ ti nɔ tsuaa nɔ suɔmi nɛ e kɛ suɔ e nyɛmimɛ ɔ ngɛ hiɛe kɛ ngɛ nɔ yae hulɔ,

Filemon 1:5

akɛnɛ i nuɔ o suɔmi kɛ hemi kɛ yemi nɛ o hɛɛ ngɛ Mawetsɛ Yesu kɛ ni klɔuklɔu ɔmɛ tsuo a he ɔ;

Hebribi 6:10

Ejakaa Mawu pi nɔ nɛ yeɔ sane nɛ dɛ́ nɛ e hɛ maa je nyɛ ni tsumi ɔ nɔ kɛ suɔmi he dengme nɛ nyɛ gbo ngɛ e biɛ ɔ he, nɛ nyɛɛ kɛ sɔmɔ ni klɔuklɔu ɔmɛ, nɛ nyɛ pa kɛ ngɛ mɛ sɔmɔe kɛ mwɔ ɔ.

1 Yohane 3:14

Wa le kaa wa po mi kɛ je gbenɔ mi kɛ ho wami mi ya, ejakaa wa suɔ wa nyɛmimɛ. Nɔ nɛ sume e nyɛmi ɔ, e hii gbenɔ mi.

1 Yohane 3:23

Nɛ enɛ ji e kitaa a nɛ, kaa wa he e Bi Yesu Kristo biɛ ɔ nɔ ngɔ ye, nɛ waa suɔ wa sibi, kaa bɔ nɛ e wo wɔ kita a.

1 Yohane 4:16

Nɛ wɔɔ lɛɛ wa le, nɛ wa he Mawu suɔmi nɛ e kɛ suɔ wɔ ɔ ye. Mawu ɔ suɔmi ji lɛ, nɛ nɔ nɛ hii suɔmi mi ɔ, e hii Mawu mi, nɛ Mawu hu hii e mi.