Kolosebi 1:29 - Somi He Ɔ

²⁹ Kɔlɔ ɔ he dengme i ngɛ gboe nɛ i ngɛ plee ngɛ ni tsumi nɛ a kɛ he wami tsuɔ ngɛ ye mi ɔ nya.

BAIBLO ALOO NGMAMI KLƆUKLƆU Ɔ

²⁹ Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.

Kolosebi 1:29 ပူးပေါင်းရင်းမြစ်များ

Luka 13:24

“Nyɛɛ plee agbo tokofii ɔ mi sɛmi he, ejakaa i ngɛ nyɛ dee ke, nihi fuu ma hla nɛ a sɛ mi, se a be nyɛe.

Romabi 15:20

Nɔ́ nɛ i kɛ ma ye hɛ mi ji kaa, he nɛ a wui Kristo biɛ ta ngɛ ɔ, lejɛ ɔ ma jaje Sane Kpakpa a ngɛ, benɛ pee nɛ ma ko ya fia ngɔ to nɔ kpa sisitomi nɔ.

Romabi 15:30

Se i kpa nyɛ pɛɛ, mamimɛ, ngɛ wa Nyɔmtsɛ Yesu Kristo he kɛ Mumi ɔ suɔmi he, kaa nyɛɛ piɛ ye he kɛ plee ngɛ nyɛ sɔlemihi nɛ nyɛ sɔlee ngɔ haa mi ngɛ Mawu hɛ ni ɔ mi,

1 Korintobi 12:11

Se kikɛmɛ a ni nɛ ɔmɛ kulaa a, Mumi kake ɔ nɔuu lɛ tsuo, nɛ e dlaa ngɔ haa nɔ tsuaa nɔ kakaaka, bɔ nɛ e suɔ.

1 Korintobi 12:6

nɛ ni tsumihi slɔɔtohi hu ngɛ, se Mawu kake ɔ nɔuu ji nɔ nɛ tsuo kulaa ngɛ nihi kulaa mi.

1 Korintobi 15:10

Se Mawu dloomi nya i kɛ ji nɔ nɛ i ji nɛ ɔ nɛ, nɛ e dloomi nɛ e kɛ dloomi ɔ pee we yaka; se mohu, i tsu ni wawɛɛ pe mɛ tsuo pɛpɛɛpɛ, se pi imi tete, se mohu Mawu dloomi nɛ kɛ mi ngɛ ɔ.

2 Korintobi 11:23

Kristo sɔmɔli ji mɛ lo? — i ngɛ munyu tue kaa nɔ nɛ yi mi puɛ — i pe mɛ; ngɛ pɔtɔ ni tsumihi nɛ be nɔ mi, ngɛ ni fiamihi nɛ hiɛ tsɔ mi, ngɛ tsu mi womi babauu mi, ngɛ gbenɔ muɔ nya kpitikpiti.

2 Korintobi 13:3

akɛnɛ nyɛ ngɛ okadi ko hlae nɛ nyɛ kɛ na kaa Kristo lɛ ngɛ munyu tue ngɛ ye mi, nɔ nɛ gbɔle we ngɛ nyɛ mi, se mohu e he waa ngɛ nyɛ mi ɔ;

2 Korintobi 5:9

Lɔ ɔ he ɔ oti nɛ wa ngɔ ma wa hɛ mi ji kaa, we wa ngɛ jio, pe wa doma jio, nɛ waa sa e hɛ mi.

2 Korintobi 6:5

ngɛ ni fiamihi a mi, ngɛ pamitsɛmɛ a tsuhi a mi, ngɛ hoo peemihi a mi, ngɛ dengme gbomihi a mi, ngɛ nyɔ fɔmihi a mi, ngɛ hwɔ hamihi a mi,

Efesobi 1:19

kɛ nɔ́ nɛ ji e he wami ɔ klemi nɛ be nɔ babauu ha wɔ ninɛmɛ nɛ wa heɔ yeɔ ngɛ e nyɛmi ɔ he wami ni tsumi ɔ nya,

Efesobi 3:20

Se nɔ nɛ nyɛɔ peɔ kɛ bee nɔ babauu pe nihi kulaa nɛ wa kpaa he pɛɛ loo wa susuu, ngɛ e he wami nɛ tsuɔ ni ngɛ wa mi ɔ nya a,

Efesobi 3:7

Sane kpakpa nɛ ɔ he sɔmɔlɔ ji mi ngɛ Mawu dloomi nike nihi nɛ a gu e he wami ni tsumi nɔ ngɔ ha mi ɔ nya.

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

Filipibi 1:30

nɛ jamɛ a pleemi kake ɔ nɔuu nɛ nyɛ na ngɛ ye he nɛ jehanɛ hu nyɛ nuɔ ngɛ ye he ɔ mi i ngɛ nɛ ɔ nɛ.

Filipibi 2:13

ejakaa suɔmi nɛ a maa suɔ jio, peemi nɛ a maa pee jio, Mawu ji nɔ nɛ tsuɔ lɛ tsuo ngɛ nyɛ mi ngɛ e suɔmi nya.

Filipibi 2:16

nɛ nyɛɛ hɛɛ wami munyu ɔ mi, konɛ e plɛ fiami nɔ ha mi ngɛ Kristo ligbi ɔ nɔ, kaa ye fotumi ɔ pee we yaka, nɛ ye dengme gbomi ɔ hu pee we gu.

Kolosebi 2:1

I suɔ kaa ma ha nyɛɛ le nyɛ he dengme babauu nɛ i ngɛ gboe ngɛ nyɛɛ kɛ ninɛmɛ nɛ ngɛ Laodikea kɛ nihi abɔ nɛ nɛ́ ye hɛ mi ngɛ he lo mi ɔmɛ a he,

Kolosebi 2:12

ejakaa a pu nyɛ ngɔ piɛ e he ngɛ baptisimi ɔ mi, nɔ mi hu nɛ a tle nyɛ si ngɛ, ngɛ Mawu nɛ tle lɛ si kɛ je gbeje ɔ he wami ni tsumi ɔ nɔ hemi kɛ yemi nya a.

Kolosebi 4:12

Epafra nɛ je nyɛ kpɛti nɛ ji Kristo sɔmɔlɔ nɛ daa nɛ ɔ e kaii nyɛ ngɛ e sɔlemihi a mi, konɛ nyɛɛ da si nɛ nyɛɛ hi kɛ pi si nɛ nyɛ hyi tɔtɔɔtɔ ngɛ Mawu suɔmi nya nihi kulaa mi ɔ, ke e biɔ nyɛ.

1 Tesalonikabi 2:9

Mamimɛ, nyɛ hɛ ngɛ wa pɔtɔ kɛ wa dengme gbomi ɔ nɔ, kaa benɛ pee nɛ wa ko pee tlomi ngɔ ha nyɛ ti nɔ ko he je ɔ, nyɔ kɛ pia tsuo wa ngɛ ni tsue, nɛ wa pa ngɛ Mawu sane kpakpa a jajee kɛ ngɛ nyɛ tsɔɔe.

2 Tesalonikabi 3:8

nɛ jehanɛ hu wa yi nɔ ko ku yaka, se mohu waa kɛ mɔde bɔmi kɛ pɔtɔ tsuɔ ni nyɔ kɛ pia, benɛ pee nɛ wa ko pee tlomi ngɔ ha nyɛ ti nɔ ko.

2 Timoteo 2:10

Enɛ ɔ he je ɔ i miaa ye hɛ mi ngɛ sanehi kulaa mi ngɛ nihi nɛ ahla mɛ ɔ a he, konɛ mɛ hu a nine nɛ su yi wami hemi nɛ ngɛ Kristo Yesu mi ɔ kɛ neneene hɛ mi nyami ɔ nɔ.

Hebribi 12:4

Ngɛ nyɛɛ kɛ yayami ta nɛ ɔ mi ɔ, nyɛ sui he nɛ a ma pue nyɛ muɔ si ngɛ ɔ lolo.

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

Kpojemi 2:3

Nɛ o hɛɛ mi, nɛ o toɔ o tsui si, nɛ ye biɛ ɔ he ɔ, o bɔɔ mɔde, nɛ pɔ tɔɛ mo.