Kolosebi 1:28 - Somi He Ɔ

²⁸ Lɛ e he sane wa fiɛɔ, nɛ wa woɔ nɔmlɔ tsuaa nɔmlɔ ga, nɛ wa tsɔɔ nɔmlɔ ni ngɛ ni lemi tsuaa ni lemi mi, konɛ waa kɛ nɔmlɔ tsuaa nɔmlɔ nɛ da si kaa nɔ́ nɛ hi kɛ pi si ngɛ Kristo Yesu mi.

BAIBLO ALOO NGMAMI KLƆUKLƆU Ɔ

²⁸ Lɔ ɔ he ɔ, wa ngɛ Kristo he sane ɔ fiɛe kɛ ngɛ nɔ tsuaa nɔ tsɔɔe. Wa ngɛ nihi tsuo kɔkɔ bɔe, nɛ wa ngɛ mɛ ní tsɔɔe kɛ nile nɛ mi kuɔ. Wa ngɛ mɔde bɔe nɛ waa gbla nɔ tsuaa nɔ kɛ ba Mawu ngɔ kaa nihi nɛ le Kristo kɛ pi si.

Kolosebi 1:28 ပူးပေါင်းရင်းမြစ်များ

Mateo 28:20

nɛ nyɛɛ tsɔɔ mɛ nɛ a ye nihi tsuo kulaa nɛ i de nyɛ ɔ nɔ. Nɛ oʼɛ, i kɛ nyɛ ngɛ daa kɛ yaa su je mi nyagbe.”

Mateo 3:7

Se benɛ Yohane na Farisifo ɔmɛ kɛ Sakukifo ɔmɛ a ti nihi fuu nɛ ma e baptisimi ɔ he ɔ, e de mɛ ke: “Sinɔhi a nina, mɛnɔ tsɔɔ nyɛ ke nyɛɛ tu muklii mi la nɛ ma a nya fo?

Mateo 5:48

Lɔ ɔ he ɔ nyɛɛ hi kɛ pi si, kaa bɔ nɛ nyɛ tsɛ nɛ ngɛ hiɔwe ɔ hu hi kɛ pi si ɔ.”

Marko 6:34

Benɛ Yesu kple ɔ, e na asafo gidiglɛmɛ, nɛ e mi mi sa lɛ ngɛ a he, ejakaa a ngɛ kaa tohi nɛ be hyɛlɔ; nɛ e bɔni mɛ nihi fuu tsɔɔmi.

Luka 21:15

ejakaa ma ha nyɛ nya kɛ ni lemi nɛ nyɛ henyɛli ɔmɛ tsuo be nya nyɛe maa da, nɛ a be nya nyɛe maa ku hulɔ.

Ni Tsumi 10:36

Mawu tsɔ nɛ a kɛ munyu ɔ ya ha Israelbi, nɛ a gu Yesu Kristo nɔ kɛ jaje he jɔmi sane kpakpa a ngɔ tsɔɔ mɛ, lɛ ji nihi tsuo a Nyɔmtsɛ.

Ni Tsumi 11:20

Se a ti ni komɛ ɔ, Kiprobihi kɛ Kireenebihi ji mɛ, nɛ ni nɛ ɔmɛ ba Antiokia ba tu munyu tsɔɔ Helabi ɔmɛ hulɔ, nɛ a fiɛ Nyɔmtsɛ Yesu he sane kpakpa a ngɔ tsɔɔ mɛ.

Ni Tsumi 13:38

Lɔ ɔ he ɔ, tsaatsɛmɛ kɛ mamimɛ, nyɛ na nɛ nyɛɛ le kaa nɔ nɛ ɔ nɔuu nɔ a guu kɛ jajeɔ yayamipami ngɔ tsɔɔ nyɛ ɔ nɛ; ejakaa nihi kulaa nɛ a be nyɛ nguɔ nyɛe maa wo ngɛ he ngɛ Mose Mlaa a nya a,

Ni Tsumi 17:18

Se ni leli nɛ je Epikurotsɛmɛ kɛ Stoatsɛmɛ ɔmɛ a ti ni komɛ kɛ lɛ sa nya; nɛ ni komɛ ke: “Mɛni nyapuutsɛ nɛ ɔ ma de po?” Ni komɛ hu ke: “E ngɛ kaa nɔ ko nɛ jajeɔ ma se wɔhi a he sane tsɔɔ;” ejakaa e jaje Yesu kɛ e si temi he sane kpakpa a tsɔɔ mɛ.

Ni Tsumi 17:3

E blɛke munyu ɔ mi tsɔɔ mɛ faii kaa ja Kristo ɔ na amanehlu nɛ e te si kɛ je gbeje, nɛ kaa “kikɛmɛ a Yesu, nɛ i ngɛ e he sane jajee kɛ ngɛ nyɛ tsɔɔe nɛ ɔ, ji Kristo ɔ nɛ.”

Ni Tsumi 20:31

Lɔ ɔ he je ɔ nyɛɛ huɔ nɛ nyɛ kai kaa jeha etɛ sɔuu i kɛ vo nyu jɔɔ we nyɛ ti nɔ tsuaa nɔ kɔkɔ bɔmi nyɔ kɛ pia.

Ni Tsumi 3:20

benɛ pee nɛ he jɔmi be nɛ je Nyɔmtsɛ ɔ hɛ mi kɛ ba, konɛ e tsɔ Yesu Kristo nɔ nɛ e je ngɔ to nyɛ momo ɔ;

Ni Tsumi 5:42

Nɛ daa ligbi ɔ, a jɔɔ we ni tsɔɔmi kɛ Yesu Kristo fiɛmi ngɛ sɔlemi we ɔ kɛ wehi a mi.

Ni Tsumi 8:35

Filipo pa e nya mi nɛ e bɔni kɛ je kikɛmɛ a ngmami nɛ ɔ nɔ, nɛ e jaje Yesu he sane kpakpa a tsɔɔ lɛ.

Ni Tsumi 8:5

Nɛ Filipo ya Samaria ma ko nɔ, nɛ e ya fiɛ Kristo he sane ɔ ngɔ tsɔɔ mɛ.

Ni Tsumi 9:20

Nɛ amlɔ ɔ nɔuu, e fiɛ ngɛ kpe he ɔmɛ ke Yesu ji Mawu bi ɔ nɛ.

Romabi 16:25

Se nɔ nɛ ma nyɛ ma ha nɛ nyɛ fi si wawɛɛ ngɛ Sane Kpakpa a kɛ Yesu Kristo fiɛmi ɔ nya, ngɛ laami sane nɛ a ngɔ laa kɛ je neneene lokoo ɔ kpo jemi nya a,

1 Korintobi 1:23

se wɔɔ lɛɛ, Kristo nɛ a sɛu ɔ wa fiɛɔ, nɔ nɛ plɛ kpangmi ha Yudafohi kɛ kuasiahi a sane ha majemajeli ɔmɛ;

1 Korintobi 1:30

Se Mawu lɛ pee nɛ nyɛ ngɛ Kristo Yesu mi, nɔ nɛ plɛ ni lemi nɛ je Mawu ngɔ kɛ dami kɛ he tsukɔmi kɛ kpɔmi ha wɔ ɔ,

1 Korintobi 12:8

Mumi ɔ haa nɔ ko ni lemi munyu; nɛ nɔ ko hu jamɛ a Mumi ɔ nɔuu haa lɛ nihi a sisi nami he ni lemi.

1 Korintobi 15:12

Jehanɛ ke a fiɛ ngɛ Kristo he kaa a tle lɛ si kɛ je gbeje ɔ, mɛni he je nɛ nyɛ ti ni komɛ deɔ ke ni gbogboehi a si temi ko be ɔ?

1 Korintobi 2:15

Mumi mi nɔmlɔ ɔ kojoɔ nihi kulaa, se lɛɛ, nɔ ko nɔ ko kojo we lɛ.

1 Korintobi 2:6

Se kɛ ɔ, wa tuɔ nilemi munyu ngɛ ninɛmɛ nɛ a hi kɛ pi si ɔmɛ a kpɛti, se tsa pi je nɔ mi nilemi aloo je nɔ mi nikɔtɔmahi nɛ bee kɛ yaa amɛ a nɔ ʼi;

1 Korintobi 4:14

I ngmɛ́ nyɛ enɛ ɔmɛ nɛ ma kɛ gbe nyɛ zo, se mohu i ngɛ munyu tue kɛ ngɛ nyɛ tsɔɔe kaa ye bimɛ nɛ i suɔ.

2 Korintobi 10:14

Ejakaa wa kpã we wa mi tsɔ kaa nihi nɛ sui nyɛ ngɔ, ejakaa waa kɛ Kristo sane kpakpa a su nyɛ ngɔ hulɔ.

2 Korintobi 11:2

Ejakaa i jee nyɛ he hunga haa Mawu; ejakaa i bi nyɛ si ha Kristo, konɛ ma ngɔ zangmayo nɛ he tsɔ ya ha nyumu kake.

2 Korintobi 4:5

Ejakaa pi wɔ nitsɛmɛ wa he nɛ wa ngɛ fiee, se mohu Kristo Yesu, kaa lɛ ji Nyɔmtsɛ, se wɔɔ lɛɛ, nyɛ sɔmɔli ji wɔ ngɛ Yesu he.

Efesobi 3:8

Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

Efesobi 5:27

konɛ e ngɔ lɛ ngɔ da si ha lɛ nitsɛ e he kaa hɛ mi nyami asafo nɛ he be piami ko loo hɛ mi kuami ko loo jamɛ a nɔ́ ko, se mohu e pee klɔuklɔu nɛ piami ko ko hi e he.

Kolosebi 1:22

jehanɛ, e kɛ e he lo nɔmlɔ tso ɔ gu gbenɔ mi kɛ kpata ha nyɛ, konɛ e kɛ nyɛ nɛ da si kaa ni klɔuklɔuhi nɛ he be piami ko loo nya pomi ko ngɛ e hɛ mi.

Kolosebi 2:10

nɛ nyɛ hyi tɔtɔɔtɔ ngɛ e mi, lɛ nɔ nɛ ji nɔkɔtɔma yemi kɛ he blɔ tsuo yi ɔ,

Kolosebi 2:3

nɔ́ mi nɛ a ngɔ ga kɛ ni lemi juetli ɔ kulaa ngɔ laa ngɛ ɔ.

Kolosebi 3:16

Nyɛ ha Kristo munyu ɔ nɛ hi nyɛ mi babauu ngɛ ni lemi tsuaa ni lemi mi; nɛ nyɛɛ tsɔɔ nyɛ he ni nɛ nyɛɛ tu munyu ngɔ tsɔɔ nyɛ he ngɛ saku fiamihi kɛ yi jemi lahi kɛ mumi mi lahi a mi, nɛ nyɛɛ kɛ sina nɛ la ngɛ nyɛ tsui mi ha Mawu.

Kolosebi 4:12

Epafra nɛ je nyɛ kpɛti nɛ ji Kristo sɔmɔlɔ nɛ daa nɛ ɔ e kaii nyɛ ngɛ e sɔlemihi a mi, konɛ nyɛɛ da si nɛ nyɛɛ hi kɛ pi si nɛ nyɛ hyi tɔtɔɔtɔ ngɛ Mawu suɔmi nya nihi kulaa mi ɔ, ke e biɔ nyɛ.

1 Tesalonikabi 4:6

konɛ nɔ ko ko ye e nyɛmi amimi nɛ e sisi lɛ ngɛ sane ko mi ejakaa enɛ ɔmɛ tsuo a he tue gblalɔ ji Mawetsɛ ɔ, kaa bɔ nɛ wa de nyɛ ngɔ to nɛ wa ye he odase ɔ.

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

1 Timoteo 3:2

Se e sa kaa nɔ hyɛlɔ ɔ nɛ hi si bɔ nɛ a be e he sane ko nae, nɔ nɛ ngɛ yo kake, hɛ si kalɔ, nɔ nɛ juɛmi mi tsɔ, nɔ nɛ baa e je mi saminya, nibwɔ peelɔ, nɔ nɛ le ni tsɔɔmi;

Hebribi 10:14

Ejakaa bɔ kake nɛ e sa a, e kɛ ha nihi nɛ a tsukɔ a he ɔ hi kɛ pi si nyɔngloo.

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

2 Petro 3:15

Nyɛɛ bu wa Nyɔmtsɛ tsui si tomi ɔ kaa yi wami hemi, kaa bɔ nɛ wa suɔmi nyɛmi Paulo ɔ hu ngma nyɛ ngɛ ni lemi nɛ a kɛ ha lɛ ɔ nya a.