Kolosebi 1:23 - Somi He Ɔ

²³ Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

BAIBLO ALOO NGMAMI KLƆUKLƆU Ɔ

²³ Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Kolosebi 1:23 ပူးပေါင်းရင်းမြစ်များ

Marko 16:15

Nɛ e de mɛ ke: “Nyɛɛ ya je ɔ tsuo kulaa mi nɛ nyɛ ya fiɛ Sane Kpakpa a ngɔ tsɔɔ nɔ tsuaa nɔ nɛ a bɔ ɔ.

Luka 22:32

se imi lɛɛ i kpa pɛɛ ha mo, konɛ o hemi kɛ yemi ko ta; nɛ mo hu, ke o kpale ɔ, wo o nyɛmimɛ ɔmɛ he wami.”

Luka 6:48

E ngɛ kaa nyumu ko nɛ benɛ e maa ma tsu ɔ, e tsua si voo nɛ e to sisi ngɛ tɛ sa nɔ; nɛ benɛ pa hia a, e si tsu ɔ, se e nyɛ we lɛ nɛ e hule, mɛni he je ɔ, a to sisi ngɛ tɛ sa nɔ.

Yohane 15:6

Ke nɔ ko hi ye mi ɔ, a sakee lɛ fɔɔ he kaa tso kɔni, nɛ e gbliɔ, nɛ a buaa nya ngɔ woɔ la mi, nɛ a sãa.

Ni Tsumi 1:17

Ejakaa a bu lɛ ngɔ si wa nɔ, nɛ e ngɛ e blɔ nya ngɛ kikɛmɛ a sɔmɔmi nɛ ɔ mi.

Ni Tsumi 1:25

kone e ngɔ kikɛmɛ a sɔmɔmi kɛ bɔfo ni tsumi nɛ Yuda je mi ngɔ lɛ nitse e blɔ ɔ.”

Ni Tsumi 1:8

se ke Mumi Klɔuklɔu ɔ na ba nyɛ nɔ ɔ, nyɛ ma na he wami nɛ nyɛ ma plɛ ye he odaseyeli ngɛ Yerusalem kɛ Yudea kɛ Samaria tsuo kɛ yaa su zugba a nyagbe he.”

Ni Tsumi 11:23

Nɛ benɛ e su lejɛ ɔ nɛ e ba na Mawu dloomi ɔ, e bua jɔ e he, nɛ e tu munyu tsɔɔ mɛ tsuo ke a kɛ tsui nɛ fi si nɛ pɛtɛ Nyɔmtsɛ ɔ he.

Ni Tsumi 14:22

A kpale wo kaseli ɔmɛ a mumi mi wami ɔ he wami, nɛ a tu munyu tsɔɔ mɛ ke a hɛɛ hemi kɛ yemi ɔ mi, nɛ jeha nɛ ɔ hu e sa kaa wa guu dengme fuu mi kɛ sɛɛ Mawu matsɛ yemi ɔ mi.

Ni Tsumi 2:5

Se Yudafohi Mawu gbeye yeli kome ngɛ Yerusalem, nɛ je majemaje kulaa nɛ ngɛ zugba a nɔ ɔ nɔ.

Ni Tsumi 20:24

Se kɛ̃ ɔ, i bui enɛ ɔmɛ a mi kake ngmelu, nɛ ye wami hu i bui kaa e he jua wa ngɛ ye hɛ mi, benɛ pee nɛ i kɛ bua jɔmi nɛ gbe ye blɔ nyɛɛmi ɔ kɛ sɔmɔmi nɛ i na kɛ je Nyɔmtsɛ Yesu dɛ mi, kaa ma ye Mawu dloomi sane kpakpa a he odase faii, ɔ nya.

Ni Tsumi 26:16

Tee si nɛ o da o nane nɔ; enɛ ɔ he nɛ i je ye he kpo tsɔɔ mo nɛ ɔ nɛ, konɛ ma pee mo sɔmɔlɔ kɛ odase yelɔ ngɛ nihi nɛ o na kɛ nihi nɛ ma je ye he kpo ngɔ tsɔɔ mo ngɛ he ɔmɛ a he.

Ni Tsumi 4:12

Ejakaa yi wami hemi be nɔ ko nɔ ko mi; nɛ jeha nɛ ɔ hu, biɛ kpã ko be hiɔwe sisi nɛ a ngɔ ha nimli nɛ sa kaa a gu nɔ kɛ he wa yi wami.”

Romabi 10:18

Se i ngɛ bie ke: “Anɛ numi nɛ a nui lo?” Niinɛ kaa a gbi jije kɛ ho zugba mluku ɔ tsuo nɔ ya, nɛ a munyu ɔ su je mi nyagbe he ɔmɛ.

Romabi 15:16

konɛ ma plɛ Yesu Kristo sɔmɔlɔ ha majeli ɔmɛ, nɛ ma tsu Mawu Sane Kpakpa a he osɔfo ni tsumi ɔ, konɛ majeli ɔmɛ nɛ plɛ bɔ nɛ sa Mawu hɛ mi saminya nɛ a tsukɔ he ngɛ Mumi Klɔuklɔu mi.

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

Romabi 5:5

Hɛ kɛ nɔ fɔmi ɔ gbi nɔ zo, ejakaa a gu Mumi Klɔuklɔu nɛ a ngɔ ha wɔ ɔ nɔ plɛ Mawu suɔmi ɔ ngɔ wo wa tsui mi.

1 Korintobi 15:58

Lɔ ɔ he ɔ, mamimɛ nɛ i suɔ, nyɛ fi si nɛ nyɛ ko gbɔle, nɛ nyɛɛ ya nɔ ngɛ Nyɔmtsɛ ɔ ni tsumi ɔ mi daa nɛ ɔ, ejakaa nyɛ le kaa nyɛ dengme gbomi ɔ be yaka pee ngɛ Nyɔmtsɛ ɔ mi.

1 Korintobi 3:5

Jeha nɛ Apolo ji mɛnɔ? Paulo ji mɛnɔ? Mɛ ji sɔmɔli nɛ nyɛ gu a nɔ he ye, nɛ nɔ tsuaa nɔ ɔ, bɔ nɛ Nyɔmtsɛ ɔ kɛ ha lɛ ɔ.

2 Korintobi 10:1

Imi Paulo nitsɛ i kɛ Kristo mi mi jɔmi kɛ kpoo peemi ɔ ngɛ nyɛ pɛɛ kpae, imi nɛ nyɛ hɛ mi ɔ i ji humi ngɛ nyɛ kpɛti, se ke i be nyɛ ngɔ ɔ i hiaa kã woɔ nyɛ ɔ.

2 Korintobi 11:23

Kristo sɔmɔli ji mɛ lo? — i ngɛ munyu tue kaa nɔ nɛ yi mi puɛ — i pe mɛ; ngɛ pɔtɔ ni tsumihi nɛ be nɔ mi, ngɛ ni fiamihi nɛ hiɛ tsɔ mi, ngɛ tsu mi womi babauu mi, ngɛ gbenɔ muɔ nya kpitikpiti.

2 Korintobi 3:6

lɛ nɔuu lɛ e ha wa sa, nɛ wa plɛ Somi He ɔ he sɔmɔli, pi ngmami okadi nɔ́ se mohu mumi nɔ́, ejakaa ngmami okadi ɔ gbee nɔ, se mumi ɔ haa nɔ yi naa wami.

2 Korintobi 4:1

Akɛnɛ wa hɛɛ kikɛmɛ a sɔmɔmi nɛ ɔ, kaa bɔ nɛ a na wɔ mɔbɔ ɔ, wa ji fɔ́,

2 Korintobi 6:1

Akɛnɛ wa ji Mawu hepiɛli ngɛ e ni tsumi ɔ mi he je ɔ, wa tuɔ munyu tsɔɔ nyɛ konɛ nyɛ ko he Mawu dloomi ɔ yaka;

Galatabi 4:11

I ngɛ gbeye yee, kaa nyɛ ma ha ma gbo nyɛ he yaka dengme.

Galatabi 5:5

Ejakaa wɔɔ lɛɛ, Mumi ɔ nɔ wa guu waa kɛ hemi kɛ yemi mlɛɛ dami hɛ kɛ nɔ fɔmi ɔ.

Galatabi 5:7

Nyɛ ngɛ mɔde bɔe saminya; mɛnɔ po lɛ tsi nyɛ blɔ kaa nyɛ ko bu anɔkuale ɔ tue?

Galatabi 6:9

Nyɛ ko ha nɛ pɔ nɛ tɔ nyɛ kɛ kpakpa peemi, ejakaa ke wa nine mi wui nyu ɔ, wa ma kpa hulɔ ngɛ be nɛ sa mi.

Efesobi 1:18

nɛ nyɛ mi hɛngmɛ ɔ nɛ bli, konɛ nyɛɛ le nɔ nɛ ji e tsɛmi ɔ hɛ kɛ nɔ fɔmi ɔ, kɛ e weye ni ɔ hiɛmi ngɛ ni klɔuklɔu ɔmɛ a mi,

Efesobi 2:21

nɔ nɛ nɔ nɛ a gu kɛ tsɛ̃ tsu mluku ɔ tsuo ngɔ wo mi pee kake, nɛ e ngɛ klee ngɛ sɔlemi tsu klɔuklɔu pee ngɛ Nyɔmtsɛ ɔ mi,

Efesobi 3:17

nɛ a gu hemi kɛ yemi nɔ nɛ Kristo nɛ hi si ngɛ nyɛ tsui mi nɛ nyɛ sipoku nɛ pi si nɛ nyɛɛ ma si gbugbuugbu ngɛ suɔmi mi,

Efesobi 4:16

lɛ e mi nɛ nɔmlɔ tso mluku ɔ tsuo nuu e he siɔ nɔ, nɛ kpɔ nya tsuaa kpɔ nya tsuɔ ni kaa bɔ nɛ a to ha lɛ ɔ, nɛ e haa nɔmlɔ tso ɔ waa nɛ e heɔ si ngɛ suɔmi mi.

Kolosebi 1:25

A pee mi sɔmɔlɔ ngɛ Mawu blɔ nya tomi nɛ a tu ngɔ wo ye dɛ mi ngɛ nyɛ blɔfami ɔ nya, kaa ma ha Mawu munyu ɔ nɛ ba mi,

Kolosebi 2:7

nɛ a ma nyɛ ngɛ e nɔ, nɛ nyɛɛ du si ngɛ hemi kɛ yemi ɔ mi, kaa bɔ nɔuu nɛ a tsɔɔ nyɛ ɔ, nɛ nyɛ tsui nɛ hyi tɔ kɛ sina.

1 Tesalonikabi 3:3

konɛ kikɛmɛ a nɔ nami nɛ ɔmɛ nɛ ko ha nɛ nɔ ko nɔ ko nane nɛ kpata. Ejakaa nyɛ nitsɛmɛ nyɛ le kaa nɔ́ nɛ fɔɔ si ha wɔ nɔuu ji kɔlɔ ɔ nɛ.

1 Tesalonikabi 3:5

Enɛ ɔ he je nɛ imi hu, benɛ i nyɛ we hu ɔ, i tsɔ konɛ ma kɛ le nyɛ hemi kɛ yemi ɔ, kaa alinɔ nɔ kalɔ ɔ ba ka nyɛ nɛ e ha wa dengme nɛ wa gbo ɔ pee yaka lo?

1 Tesalonikabi 5:8

Se wɔɔ lɛɛ akɛnɛ piani bimɛ ji wɔ he je ɔ, nyɛ ha wa hɛ nɛ ka si, nɛ waa wo hemi kɛ yemi kɛ suɔmi dama a, nɛ wa bu dade pɛɛ nɛ ji yi wami hemi hɛ kɛ nɔfɔmi ɔ.

2 Tesalonikabi 2:16

Se lɛ wa Mawetsɛ Yesu Kristo ɔ nitsɛ, kɛ wa Tsɛ Mawu nɛ suɔ wɔ nɛ e kɛ neneene bua womi kɛ hɛ kɛ nɔ fɔmi kpakpa ha wɔ ngɛ dloomi nya a,

1 Timoteo 1:12

I naa wa Nyɔmtsɛ Kristo Yesu nɛ wo mi he wami ɔ si, kaa e bu mi anɔkualetsɛ nɛ e ngɔ mi ngɔ wo sɔmɔmi ɔ mi,

1 Timoteo 2:7

enɛ ɔ he nɛ a wo mi fiɛlɔ kɛ bɔfo (anɔkuale i ngɛ tue ngɛ Kristo mi, i yi lakpa!), maje li a tsɔɔlɔ ngɛ hemi kɛ yemi kɛ anɔkuale mi ɔ nɛ.

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

Tito 3:7

konɛ bɔ nɛ a wo wɔ nguɔ ngɛ lɛ nɔuu e dloomi nya a, a ha waa pee neneene wami ɔ yeli ngɛ hɛ kɛ nɔ fɔmi ɔ nya.

Hebribi 10:38

Se zdalɔ nɛ je hemi kɛ yemi mi ɔ Yi ma na wa; Nɛ ke e kpale kɛ je ye se ɔ Ye klaa be e he buajɔmi nae.”

Hebribi 3:14

Ejakaa Kristo he piɛli ji wɔ ke wa hɛɛ wa he nɛ waa kɛ fɔɔ e nɔ kɛ je sisije ɔ mi kpɛii kɛ ya su nyagbe ɔ.

Hebribi 3:6

se Kristo ɔ e ye anɔkuale kaa bi ngɛ Mawu we ɔ nɔ; lɛ e we ji wɔ, ke wa hɛɛ hɛ kɛ nɔ fɔmi kã kɛ fiami ɔ mi kpɛii kɛ ya su nyagbe ɔ.

Hebribi 4:14

Jehanɛ, akɛnɛ wa ngɛ osɔfo nɔkɔtɔma ngua nɛ po mi kɛ gu hiɔwe nihi a mi, nɛ ji Yesu, Mawu bi ɔ nɛ ɔ ɔ, nyɛ ha waa pɛtɛ hemi kɛ yemi ɔ he wawɛɛ.

Hebribi 6:19

wa hɛɛ hɛ kɛ nɔ fɔmi nɔ kaa wa klaa sɛkɛ nɛ tsɔ we nɛ pi si kpɛii kɛ sɛ mi kɛ ho tsu mi pomi bo ɔ se ya tɔɔ,

1 Petro 1:3

A gbaa Mawu kɛ wa Mawetsɛ Yesu Kristo Tsɛ ɔ, nɔ nɛ fɔ wɔ ehe ngɛ lɛ nitsɛ e mɔbɔnami babauu ɔ nya, ngɔ ha hɛ kɛ nɔ fɔmi ngɛ Yesu Kristo si nɛ ete kɛ je gbeje ɔ he.

1 Petro 1:5

nyɛ nihi nɛ a gu hemi kɛ yemi nɔ buu nyɛ he ngɛ Mawu he wami nya ngɔ toɔ yi wami hemi nɛ a dla ngɔ to nɛ a ma je kpo ngɛ nyagbe be ɔmɛ a mi ɔ.

1 Yohane 2:27

Se nyɛɛ lɛɛ nu pɔmi nɛ nyɛ na kɛ je e ngɔ ɔ hii nyɛ mi, nɛ e hia we nyɛ nɔ ko nɛ tsɔɔ nyɛ ni, se mohu bɔ nɛ e nu pɔmi ɔ tsɔɔ nyɛ nihi kulaa, nɛ e ji anɔkuale se pi lakpa a, he je ɔ, bɔ nɛ e tsɔɔ nyɛ ɔ, nyɛɛ hi e mi.

Kpojemi 2:10

Koo ye amanehlu nɛ o maa na eko eko gbeye, oʼɛ, abosiami maa ngɔ nyɛ ti ni komɛ ngɔ wo tsu mi, kone a kɛ ka nyɛ, nɛ nyɛ maa na amanehlu ligbi nyɔngma. Pee anɔkualetsɛ kɛ ya su gbenɔ mi, nɛ ma ha mo wami jlasi ɔ.