Kolosebi 1:18 - Somi He Ɔ

¹⁸ Lɛ nɔuu ji nɔmlɔ tso ɔ nɛ ji asafo ɔ yi, nɔ nɛ ji sisije ɔ, ni gbogboehi a kpɛti tete ɔ, konɛ lɛ e pee kekleekle nɔ ngɛ nihi tsuo kulaa mi.

BAIBLO ALOO NGMAMI KLƆUKLƆU Ɔ

¹⁸ Lɛ ji yi kɛ ha asafo ɔ nɛ ji lɛ nitsɛ e nɔmlɔ tso ɔ. E mi asafo ɔ puɛ kɛ je. Lɛ ji kekleekle nɔ nɛ a tle si kɛ je gbeje, konɛ e ye kekleekle blɔ he ngɛ níhi tsuo a mi.

Kolosebi 1:18 ပူးပေါင်းရင်းမြစ်များ

Mateo 23:8

Se nyɛɛ lɛɛ, a ko tsɛ nyɛ ‘Rabi’; ejakaa nɔ kake ji nyɛ tsɔɔlɔ, se nyɛ tsuo kulaa a nyɛmimɛ ji nyɛ.

Mateo 28:18

Nɛ Yesu ba nɛ e kɛ mɛ ba tu munyu ke: “A ngɔ he blɔ tsuo ngɔ ha mi ngɛ hiɔwe kɛ zugba a nɔ.

Yohane 1:1

Sisi je ɔ mi ɔ Munyu ɔ ngɛ, nɛ munyu ɔ kɛ Mawu lɛ ngɛ, nɛ Munyu ɔ Mawu ʼi.

Yohane 1:16

Ejakaa e hyi mi ɔ mi je nɛ wɔ tsuo wa na dloomi ngɔ si dloomi nɔ.

Yohane 1:27

lɛ ji nɔ nɛ ma ngɛ ye se, se e sɛ ye hlami, nɔ nɛ i sɛ kaa i pɛneɔ e tokota nya kpa a.”

Ni Tsumi 26:23

kaa Kristo ɔ maa na amanehlu, nɛ e ba plɛ kekleekle nɔ ngɛ ni gbogboehi a sitemi ɔ mi, nɛ e ba jaje la a he sane ngɔ tsɔɔ ma a kɛ majeli ɔmɛ.”

Romabi 8:29

Ejakaa nihi nɛ e le mɛ momo ɔ, mɛ e je ngɔ to konɛ a subai nɛ hi kaa e bi ɔ nɔ ɔ, konɛ Bi ɔ e pee nyɛmimɛ fuu a kpɛti bi nɔkɔtɔma.

1 Korintobi 11:3

Se i suo kaa nyɛɛ le kaa nyumu tsuaa nyumu yi ji Kristo, nɛ yo tsuaa yo hu yi ji nyumu, nɛ Kristo yi ji Mawu.

1 Korintobi 12:27

Jehanɛ nyɛ tsuo ɔ, Kristo nɔmlɔ tso ji nyɛ, nɛ kakaaka a, e he nihi.

1 Korintobi 15:25

Ejakaa ja Kristo ye matsɛ kɛ maa su be nɛ Mawu maa ngɔ henyɛli kulaa ngɔ wo e nane si.

Efesobi 1:10

ha be ɔmɛ a yinɔ ɔ blɔ nya tomi, konɛ e ngɔ nihi kulaa ngɔ to yi kake sisi ngɛ Kristo mi, nihi nɛ ngɛ hiɔwe ke nihi nɛ ngɛ zugba a nɔ kulaa.

Efesobi 5:23

Ejakaa huno ɔ ji yo ɔ yi, kaa bɔ nɛ Kristo hu ji asafo ɔ yi, nɛ lɛ nɔuu ji nɔmlɔ tso ɔ yi wami helɔ ɔ.

Kolosebi 1:24

Jehanɛ ye bua jɔɔ ngɛ ye nɔ namihi nɛ i naa ngɛ nyɛ he ɔmɛ a mi, nɛ i haa nihi nɛ piɛ ngɛ Kristo amanehulu ɔmɛ a mi ɔ hyiɔ tɔ ngɛ ye he lo ɔ mi ha e nɔmlɔ tso nɛ ji asafo ɔ.

Kolosebi 2:19

kikɛmɛ a nɔmlɔ ɔ, e hɛɛ we Kristo nɛ ji yi ɔ mi, nɔ mi nɛ nɔmlɔ tso ɔ kulaa naa nihi nɛ hiaa lɛ, kɛ guu kpɔjihi kɛ panihi a nɔ kɛ waa bɔ nɛ Mawu to ɔ.

1 Yohane 1:1

Wa ngma nyɛ Wami Munyu ɔ nɛ ngɛ kɛ je sisije ɔ; nɔ́ nɛ wa nu nɛ wa na kɛ wa hɛngmɛ; nɔ́ nɛ wa hyɛ nɛ wa nine ta he.

Kpojemi 1:18

kɛ hɛkalɔ. I gbo, nɛ oʼɛ, ye hɛ ngɛ kɛ yaa neneene kɛ neneene, nɛ i hɛɛ gbeje kɛ gbenɔ nya safe ɔmɛ.

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

Kpojemi 1:8

Nyɔmtsɛ Mawu ɔ nɛ ji nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba, nɛ ji ope ɔ, ke: “Ami ji Alfa a kɛ Omega a” (kekleekle nɔ kɛ nyagbe nɔ).

Kpojemi 11:15

Kɛkɛ nɛ hiɔwe bɔfo nɛ ji kpaago ɔ kpa e titimati ɔ, nɛ a nu gbi nguahi ngɛ hiɔwe ke: “Je nɛ mi matsɛ yemi ɔ plɛ wa Nyɔmtsɛ ɔ kɛ e Kristo ɔ nɔ, nɛ e maa ye matsɛ kɛ maa ya neneene kɛ neneene!”

Kpojemi 21:6

Nɛ e de mi ke: “A gbe nya. Ami ji Alfa a kɛ Omega a nɛ, sisije ɔ kɛ nyagbe ɔ. Nɔ nɛ kuma ngɛ lɛ tɔe ɔ, ma ha lɛ wami nyu vu ɔ mi nyu ɔ eko nɛ e nu yaka gu.

Kpojemi 22:13

Ami ji Alfa a kɛ omega a nɛ, sisije ɔ kɛ nyagbe ɔ, kekleekle nɔ ɔ kɛ nyagbe nɔ ɔ.”

Kpojemi 3:14

“Nɛ Laodikea asafo ɔ bɔfo ɔ, ngmaa ya ha lɛ ke: “Nihi nɛ Amen ɔ nɛ ji odase yelɔ anɔkualetsɛ ɔ kɛ anɔkua leyelɔ ɔ kɛ Mawu adebɔ ɔ sisije ɔ de ji nɛɔ nɛ: