Kolosebi 1:16 - Somi He Ɔ

¹⁶ ejakaa e mi a bɔ nihi tsuo kulaa ngɛ, nihi nɛ ngɛ hiɔwe kɛ nihi nɛ ngɛ zugba a nɔ, nihi nɛ a naa kɛ nihi nɛ a nɛ́, matsɛ sɛhi jio, nɔ yemihi jio, nɔkɔtɔma yemihi jio, he blɔhi jio, ni ɔmɛ kulaa a, e nɔ a gu nɛ a bɔ, nɛ lɛ nɔuu a bɔ ha.

BAIBLO ALOO NGMAMI KLƆUKLƆU Ɔ

¹⁶ Ejakaa e nɔ lɛ Mawu gu kɛ bɔ nɔ́ tsuaa nɔ́ ngɛ hiɔwe kɛ zugba, níhi nɛ a naa, kɛ ní nɛmɛ nɛ a nɛ́. Ekomɛ ji nihi nɛ ngɛ he wami nɛ a kojoɔ nihi, nihi a nɔ yeli, kɛ nihi nɛ hɛɛ he wami kpahi. Mawu gu Kristo nɔ kɛ bɔ níhi tsuo, nɛ Kristo nɔuu a bɔ mɛ ha.

Kolosebi 1:16 ပူးပေါင်းရင်းမြစ်များ

Romabi 11:36

Ejakaa e dɛ mi nihi tsuo je, nɛ e nɔ a gu kɛ ba, nɛ lɛ nɔuu a ngɛ kɛ ha. A ngɔ hɛ mi nyami ngɔ ha lɛ kɛ ya neneene! Amen.

Yohane 1:3

Lɛ e nɔ a gu kɛ pee nihi kulaa, nɛ a si we lɛ se kɛ pee nɔ́ ko nɔ́ ko.

1 Korintobi 8:6

kɛ̃ ɔ wɔɔ lɛɛ, Mawu kaketoo wa ngɛ, Tsɛ ɔ, nɔ mi nɛ nihi kulaa je nɛ wa ngɛ ha lɛ ɔ, kɛ Nyɔmtsɛ kake hu nɛ ji Yesu Kristo ɔ, nɔ nɔ nɛ nihi kulaa gu kɛ ba nɛ wɔ hu wa gu e nɔ ɔ.

Hebribi 2:10

Ejakaa e sa lɛ, nɔ nɛ he nɛ nihi kulaa ngɛ kɛ nɔ nɛ nɔ nɛ a gu nɛ nihi kulaa ngɛ ɔ, nɔ nɛ ngɔɔ bimɛ babauu kɛ baa hɛ mi nyami mi ɔ, kaa e ha a yi wami hemi tatsɛ nɔkɔtɔma a nɛ gu amanehluhi a mi nɛ e hi kɛ pi si.

Hebribi 1:2

se ngɛ nyagbe ligbi nɛ ɔmɛ a mi ɔ, e Bi ɔ nya e kɛ wɔ tu munyu ngɛ, nɔ nɛ e ngɔ lɛ ngɔ pee nihi kulaa yelɔ ɔ, nɔ nɛ nɔ hu nɛ e gu kɛ bɔ je ɔ kɛ e mi ni ɔmɛ;

Efesobi 1:10

ha be ɔmɛ a yinɔ ɔ blɔ nya tomi, konɛ e ngɔ nihi kulaa ngɔ to yi kake sisi ngɛ Kristo mi, nihi nɛ ngɛ hiɔwe ke nihi nɛ ngɛ zugba a nɔ kulaa.

Kolosebi 1:15

Kristo ji Mawu nɛ a nɛ́ ɔ subai, bɔ nihi kulaa a kpɛti tete ɔ;

Kolosebi 2:10

nɛ nyɛ hyi tɔtɔɔtɔ ngɛ e mi, lɛ nɔ nɛ ji nɔkɔtɔma yemi kɛ he blɔ tsuo yi ɔ,

Filipibi 2:10

konɛ ninɛmɛ nɛ ngɛ hiɔwe kɛ ninɛmɛ nɛ ngɛ zugba a nɔ kɛ ninɛmɛ nɛ ngɛ zugba a sisi ɔ a ti nɔ tsuaa nɔ nakutso nɛ kpla si ha Yesu biɛ ɔ,

Kolosebi 1:20

nɛ e gu lɛ nɔuu e nɔ kɛ dla e kɛ nihi tsuo kulaa a kpɛti, nihi nɛ ngɛ zugba a nɔ kɛ nihi nɛ ngɛ hiɔwe ɔ, akɛnɛ lɛ nitsɛ e gu e sɛumi tso nɔ gbenɔ ɔ nɔ ha he jɔmi ba a.

1 Petro 3:22

nɔ nɛ ho hiɔwe ya nɛ e hii si ngɛ Mawu hiɛ ɔ nɔ nɛ a ngɔ hiɔwe bɔfohi kɛ he blɔhi kɛ he wamihi ngɔ wo e sisi ɔ.

Kolosebi 2:15

E kplɔ nɔkɔtɔma yemihi kɛ he blɔ ɔmɛ a he nihi, nɛ e bɔ mɛ ahlua pãa, nɛ e sã mɛ kɛ nyɛɛ e se ngɛ e kunimi yemi ɔ mi.

Efesobi 6:12

Ejakaa tsa pi he lo kɛ muɔ nɛ waa kɛ ngɛ ta hwue ɔ, se mohu waa kɛ nɔkɔtɔma yemihi kɛ he blɔhi kɛ je nɛ ɔ mi nɔ yemihi nɛ ngɛ mwɔnɔmwɔnɔ diblii ɔ mi ɔ, kɛ mumi yayami asafo nɛ ngɛ hiɔwe nihi a mi ɔ.

Romabi 8:38

Ejakaa i ngɛ nɔ mi mami kaa gbenɔ jio, wami jio, hiɔwe bɔfohi jio, nɔ yeli jio, he wamihi jio, nihi nɛ ngɛ nɛ ɔmɛ jio, nihi nɛ maa ba amɛ jio,

Yohane 1:10

Je ɔ mi e ngɛ, nɛ e nɔ a gu kɛ pee je ɔ, se je ɔ li lɛ.

Romabi 9:5

ninɛmɛ nɛ a nɔ́ nɛ ji tsɛmɛ ɔmɛ, nihi a mi hu nɛ Kristo tete je ngɛ he lo blɔfami ɔ, lɛ nɛ ji Ope ngɛ nihi kulaa nɔ, Mawu nɛ a gbaa kɛ yaa neneene ɔ. Amen.