Kolosebi 1:13 - Somi He Ɔ

¹³ nɛ e je wɔ kɛ je diblii he wami ɔ mi, nɛ e kɛ wɔ ba to e suɔmi bi ɔ matsɛ yemi ɔ mi ɔ,

BAIBLO ALOO NGMAMI KLƆUKLƆU Ɔ

¹³ E kpɔ wɔ kɛ je diblii he wami ɔ sisi, nɛ e kɛ wɔ ba e Bi nɛ e suɔ lɛ saminya a matsɛ yemi ɔ mi.

Kolosebi 1:13 ပူးပေါင်းရင်းမြစ်များ

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Mateo 25:34

Kɛkɛ nɛ matsɛ ɔ ma de nihi nɛ ngɛ e hiɛ ɔ nɔ ɔ ke: ‘Nyɛɛ ba, nyɛ nihi nɛ ye tsɛ gbaa nyɛ, nyɛ ba ngɔ matsɛ yemi ɔ nɛ a dla to nyɛ, kɛ je je mi sisije ɔ!

Mateo 3:17

Nɛ oʼɛ, gbi ko je hiɔwe ke: “Nɔ nɛ ɔ ji ye suɔmi bi nɛ i ngɛ e he tsui ɔ nɛ.”

Luka 13:24

“Nyɛɛ plee agbo tokofii ɔ mi sɛmi he, ejakaa i ngɛ nyɛ dee ke, nihi fuu ma hla nɛ a sɛ mi, se a be nyɛe.

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ wo we nyɛ nine nɔ ngɛ ye nɔ; se nyɛ ngmlɛfia a kɛ diblii ɔ he wami ji nɛ ɔ nɛ!”

Yohane 17:24

“Tsaatsɛ, nihi nɛ o ngɔ ha mi ɔ i suɔ kaa he nɛ i ngɛ ɔ mɛ hu a kɛ mi ba hi lejɛ ɔ, konɛ a na ye hɛ mi nyami nɛ o ngɔ ha mi ɔ, ejakaa o suɔ mi loko a to je ɔ sisi.

Yohane 3:35

Tsɛ ɔ suɔ Bi ɔ, nɛ e tu nihi kulaa ngɔ wo e dɛ.

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Ni Tsumi 26:18

nɛ o ya bli a hɛngmɛ komɛ a kpale kɛ je diblii mi kɛ ba la he, kɛ je abosiami he wami mi kɛ ba Mawu ngɔ, nɛ a na a he yayami pami kɛ gbo si ni ngɛ nihi nɛ a kɛ ye nɔ hemi kɛ yemi pee mɛ klɔuklɔu ɔmɛ a kpɛti.’ ”

Romabi 14:17

Ejakaa Mawu matsɛ yemi ɔ, e pi ni yemi kɛ ni numi, se mohu e ji dami kɛ he jɔmi kɛ Mumi Klɔuklɔu mi bua jɔmi.

2 Korintobi 11:14

Enɛ ɔ be nyakpɛ tete; ejakaa Satan nitsɛ tsakee e he peɔ la bɔfo.

2 Korintobi 4:4

nihi a mi nɛ je nɛ ɔ mi mawu ɔ yu nihi nɛ he we yi ɔmɛ a hɛngmɛ ngɛ, konɛ Kristo, nɛ ji Mawu subai ɔ, hɛ mi nyami ɔ sane kpakpa a la nɛ ngɛ tsoe ɔ nɛ ko kpɛ ha mɛ.

Efesobi 1:6

konɛ a kɛ je e dloomi hɛ mi nyami ɔ yi, nɔ́ nɛ e kɛ dloo wɔ ngɛ nɔ nɛ a suɔ lɛ ɔ mi ɔ.

Efesobi 4:18

ejakaa a juɛmi ɔ mi wo diblii, nɛ nibwɔhi ji mɛ ngɛ wami nɛ Mawu haa a blɔfami, akɛnɛ nɔ lemi bɔ́ mɛ nɛ a tsui hu ti ɔ.

Efesobi 5:5

Ejakaa nyɛ le enɛ ɔ momo kaa, ajuama bɔlɔ ko ajuama bɔlɔ ko loo mu ni tsulɔ ko loo hɛ tsulɔ ko nɛ ji wɔ jalɔ be blɔ nya ngɛ Kristo kɛ Mawu matsɛ yemi ɔ mi.

Efesobi 5:8

Ejakaa sa a diblii ji nyɛ, se jahanɛ ɔ nyɛ plɛ la ngɛ Nyɔmtsɛ ɔ mi. Lɛɛ nyɛɛ nyɛɛ kaa la bimɛ mɔ.

Efesobi 6:12

Ejakaa tsa pi he lo kɛ muɔ nɛ waa kɛ ngɛ ta hwue ɔ, se mohu waa kɛ nɔkɔtɔma yemihi kɛ he blɔhi kɛ je nɛ ɔ mi nɔ yemihi nɛ ngɛ mwɔnɔmwɔnɔ diblii ɔ mi ɔ, kɛ mumi yayami asafo nɛ ngɛ hiɔwe nihi a mi ɔ.

1 Tesalonikabi 2:12

Wa wo nyɛ he wami, wa wo nyɛ bua, nɛ wa su nyɛ kaa nyɛɛ nyɛɛ bɔ nɛ sa Mawu nɛ tsɛ nyɛ kɛ ba lɛ nitsɛ e matsɛ yemi kɛ e hɛ mi nyami ɔ mi ɔ hɛ mi.

Hebribi 2:14

Lɔ ɔ he ɔ akɛnɛ bimɛ ɔmɛ hɛɛ he lo kɛ muɔ he je ɔ, lɛ hu e ngɔ kɔlɔ ɔ nɔuu eko kaa mɛ, konɛ e gu gbenɔ nɔ kɛ kpata nɔ nɛ ngɛ gbenɔ nɔ he wami nɛ ji abosiami ɔ hɛ mi,

1 Petro 2:9

Se nyɛɛ lɛɛ, weku nɛ a hla ji nyɛ, matsɛmɛ nɛ yeɔ osɔlohi, je ma klɔuklɔu, ma nɛ e ngɔ pee e nɔ, konɛ nyɛɛ jaje nɔ nɛ tsɛ nyɛ kɛ je diblii ɔ mi kɛ ba lɛ nitsɛ e nyakpɛ la a he ɔ agbo jemi ɔ.

2 Petro 1:11

Ejakaa kikɛmɛ a blɔ ɔ nɔ a maa gu kɛ ngmɛ nyɛ blɔ kɛ sɛ wa Nyɔmtsɛ kɛ yi wami helɔ Yesu Kristo neneene matsɛ yemi ɔ mi.

1 Yohane 2:8

Se kɛ ɔ kita he i ngɛ nyɛ ngmae, nɔ́ nɛ ji anɔkuale ngɛ Kristo mi kɛ nyɛ hu nyɛ mi ɔ, ejakaa diblii ɔ ngɛ bee, nɛ anɔkuale la a ngɛ tsoe jehanɛ.

1 Yohane 3:14

Wa le kaa wa po mi kɛ je gbenɔ mi kɛ ho wami mi ya, ejakaa wa suɔ wa nyɛmimɛ. Nɔ nɛ sume e nyɛmi ɔ, e hii gbenɔ mi.

1 Yohane 3:8

Nɔ nɛ peɔ yayami ɔ, e je abosiami mi, ejakaa kɛ je sisije lokoo nɛ abosiami pee yayami. Enɛ ɔ he nɛ Mawu Bi ɔ je e he kpo konɛ e puɛ abosiami ni tsumi ɔmɛ ɔ nɛ.