Filipibi 4:8 - Somi He Ɔ

⁸ Nyagbe ɔ, mamimɛ, nihi nɛ da, nihi nɛ sa bu, nihi nɛ hi, nihi nɛ he tsɔ, nihi nɛ a suɔ, nihi nɛ ngɛ biɛ kpakpa amɛ kulaa, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu!

BAIBLO ALOO NGMAMI KLƆUKLƆU Ɔ

⁸ Nyagbe ɔ, ye nyɛmimɛ, nihi nɛ ji anɔkuale, nihi nɛ sa bu, níhi nɛ da, níhi nɛ he tsɔ, níhi nɛ ngɛ fɛu, níhi nɛ woɔ nɔ hɛ mi nyami, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu.

Filipibi 4:8 ပူးပေါင်းရင်းမြစ်များ

Mateo 22:16

Nɛ a tsɔ a kaseli ɔmɛ kɛ Herodebi ɔmɛ kɛ ba e ngɔ ba de lɛ ke: “Tsɔɔlɔ, wa le kaa anɔkualetsɛ ji mo, nɛ o tsɔɔ Mawu blɔ ɔ ngɛ anɔkuale mi, nɛ o hlɛ́ nimli a mi; ejakaa o hyɛ we nimli a hɛ mi;

Marko 6:20

ejakaa Herode ngɛ Yohane gbeye yee akɛnɛ e le kaa dalɔ kɛ nɔ klɔuklɔu ji lɛ ɔ, nɛ e ngɔ lɛ ngɔ to sɔkee. E suɔ kaa e bu lɛ tue, se be tsuaa be nɛ e maa bu lɛ tue ɔ, e haoɔ lɛ.

Luka 16:15

Nɛ Yesu de mɛ ke: “Nyɛ ji nihi nɛ nyɛ buu nyɛ he bemi ngɛ nimli a hɛ mi; se Mawu lɛɛ e le nyɛ tsuihi a mi, ejakaa nɔ nɛ ji gojoo ngɛ nimli a hɛ mi ɔ, eji nɔ ko nɛ Mawu nyɛɛ.

Luka 2:25

Jeha nɛ ɔ nyumu ko ngɛ Yerusalem nɛ a tsɛɛ lɛ Simeon; nɛ lɛ nyumu ɔ dalɔ ji lɛ nɛ e yee Mawu gbeye; e ngɛ Israel bua jɔmi ɔ blɔ hyɛe, nɛ Mumi Klɔuklɔu ngɛ e nɔ.

Luka 23:50

Nɛ oʼɛ, nyumu ko ngɛ nɛ a tsɛɛ lɛ Yosef, nɛ ji kpe ngua a mi nɔ, nɔmlɔ kpakpa kɛ dalɔ,

Yohane 7:18

Nɔ nɛ toɔ lɛ nitsɛ e yi mi nɛ e tuɔ munyu ɔ, lɛ nitsɛ e hɛ mi nyami e ngɛ hlae, se nɔ nɛ hlaa nɔ nɛ tsɔ lɛ ɔ hɛ mi nyami ɔ, lɛɛ anɔkualetsɛ ji lɛ, nɛ nɔ́ nɛ dɛ blɔ ko be e mi.

Ni Tsumi 10:22

Nɛ a ke: “Asafoatsɛ Kornelio, nɛ ji nyumu dalɔ kɛ Mawu gbeye yelɔ nɛ Yudafohi a ma mluku ɔ kulaa tuɔ e he munyu kpakpa a, lɛ hiɔwe bɔfo klɔuklɔu ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya munyu tue.”

Ni Tsumi 22:12

“Nyumu ko ngɛ nɛ a tsɛɛ lɛ Anania nɛ yee Mawu gbeye ngɛ Mlaa a nya, nɛ Yudafo ɔmɛ kulaa nɛ ngɛ lejɛ ɔ tuɔ e he munyu kpakpa.

Ni Tsumi 6:3

Lɔ ɔ he ɔ, mamimɛ, nyɛɛ hla nyɛ kpɛti ni kpaago nɛ ngɛ biɛ kpakpa nɛ Mumi Klɔuklɔu kɛ ni lemi hyi mɛ tɔ, konɛ waa ngɔ mɛ ngɔ to kikɛmɛ a ni tsumi nɛ he hia nɔ nya.

Romabi 13:13

Nyɛ ha nɛ waa ba wa je mi saminya bɔ nɛ sa piani, pi ngɛ yakayaka fiɛmi kɛ da demi mi; pi ngɛ ajuama bɔmi kɛ ya homi mi; pi ngɛ pɛ kɛ hunga jemi mi;

Romabi 13:3

Ejakaa nɔ yeli ɔmɛ ɔ tsa pi tsumi kpakpahi a he gbeye nɛ a woɔ, se ni tsumi yayahi mohu. Anɛ o suɔ nɛ o ko ye nɔ yelɔ ɔ gbeye lo? Lɛɛ pee nɔ kpakpa, nɛ o ma na yi jemi kɛ maa je e dɛ mi;

Romabi 14:18

Ejakaa nɔ nɛ sɔmɔɔ Kristo ngɛ enɛ ɔmɛ a mi ɔ, Mawu naa e he tsui, nɛ e saa nimli a hɛ mi hulɔ.

Romabi 2:29

se mohu nɔ nɛ ji Yudafo no ngɛ mi mi je ɔ lɛ ji Yuda no; nɛ tsui mi nɔ pomi nɛ ngɛ mumi mi, nɛ pi ngmami okadi mi ɔ, ji nɔ pomi nɛ e yi jemi ɔ ji nimli a ngɔ, se mohu Mawu ngɔ e jee.

1 Korintobi 4:5

Lɔ ɔ he ɔ nyɛ ko kojo nɔ ko loko e su be ɔ, kɛ yaa su be nɛ Nyɔmtsɛ ɔ maa ba, nɔ nɛ kɛ diblii mi nihi nɛ a kɛ laa a tete maa ba la hɛ mi nɛ e ma je tsuihi a mi juɛmi ɔmɛ a si ɔ. Lɔ ɔ mi ɔ, nɔ tsuaa nɔ ma na e yi jemi kɛ maa je Mawu dɛ mi.

2 Korintobi 13:7

Se i ngɛ Mawu pɛɛ kpae, konɛ nyɛ ko pee yayami ko kulaa, tsa pi kaa konɛ wɔɔ lɛɛ waa pee kaa nihi nɛ sa he je, se mohu konɛ nyɛɛ lɛɛ nyɛɛ pee nɔ́ nɛ da, ke po a maa ngɔ lɛ kaa wɔɔ lɛɛ wa nyɛ we.

2 Korintobi 6:8

kɛ gu hɛ mi nyami kɛ heguɛ gbemi mi; kɛ gu nɔ he munyu yaya tumi kɛ nɔ he munyu kpakpa tumi mi; kaa nɔ sisili, kɛ̃ ɔ anɔkualetsɛmɛ ji wɔ;

2 Korintobi 8:18

Nyɛmi nɛ wa tsɔ piɛ e he nɛ ɔ, ngɛ yi jemi ngɛ Sane Kpakpa a he ngɛ asafo ɔmɛ kulaa mi.

2 Korintobi 8:21

Wa yi mi tomi ji kaa waa pee nɔ́ nɛ da, pi ngɛ Nyɔmtsɛ ɔ hɛ mi kɛkɛ, se mohu ngɛ nimli a hɛ mi hulɔ.

Galatabi 5:22

Se Mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Efesobi 4:25

Lɔ ɔ he ɔ, nyɛ sake lakpa ngɔ fɔ he nɛ nyɛ ti nɔ tsuaa nɔ kɛ e nyɛmi nɛ tu anɔkuale, ejakaa nɔmlɔ tso kake he nihi ji wɔ.

Efesobi 5:9

Ejakaa la a yiblii ji mi mi himi kɛ dami kɛ anɔkuale tsuo.

Efesobi 6:14

Lɔ ɔ he ɔ, nyɛɛ da si, nɛ nyɛɛ kɛ anɔkuale nɛ fi nyɛ mlɛ mi, nɛ nyɛɛ wo dami dama a,

Filipibi 3:1

Nɛ nyagbe ɔ, mamimɛ, nyɛ bua nɛ jɔ ngɛ Nyɔmtsɛ ɔ mi! Pɔ tɔɛ ye he kaa ma ngma nyɛ ni nɛ ɔmɛ ekohu, ejakaa nyɛɛ lɛɛ e haa nyɛ fiɔɔ si.

Kolosebi 4:5

Nyɛɛ nyɛɛ ngɛ ni lemi nya, ngɛ nihi nɛ ngɛ se ɔmɛ a hɛ mi, nɛ nyɛ tsu nyɛ deka a he ni.

1 Tesalonikabi 4:12

konɛ nyɛɛ ba nyɛ je mi bɔ nɛ ngɛ fɛu ngɛ ninɛmɛ nɛ ngɛ se ɔmɛ a hɛ mi, nɛ nɔ́ ko nɔ́ ko ko hia nyɛ.

1 Timoteo 2:2

ngɔ ha matsɛmɛ kɛ nihi kulaa nɛ hɛɛ blɔ nya, konɛ waa hi si kpoo ngɛ he jɔmi mi, ngɛ Mawu jami kɛ je mi bami kpakpa nɛ sa mi.

1 Timoteo 3:11

Yi ɔmɛ hu ja nɔuu; a pee nihi nɛ a hɛ mi jiɔ, pi sieku yeli, se a hɛ nɛ ka si, a ye anɔkuale ngɛ́ nihi kulaa mi.

1 Timoteo 3:4

nɔ nɛ yeɔ lɛ nitsɛ e we nɔ saminya, nɛ e bimɛ buɔ lɛ tue nɛ a buu lɛ.

1 Timoteo 4:12

Ko ha nɔ ko nɛ gbe o he guɛ ngɛ niheyo nɛ o ji ɔ he, se mohu o kɛ o he nɛ pee nɔ hyemi nɔ ngɔ ha ninɛmɛ nɛ heɔ yeɔ ɔ, ngɛ munyu tutui mi, ngɛ jemi bami mi, ngɛ suɔmi mi, ngɛ mumi, mi ngɛ hemi kɛ yemi mi, ngɛ he tsɔmi mi.

1 Timoteo 5:10

nɔ nɛ a tuɔ e he munyu kpakpa kaa e tsu ni kpakpahi, lɔ ɔ ji: ke e lɛ bimɛ, ke e pee nihi nibwɔ, ke e fɔ ni klɔuklɔu ɔmɛ a nane he, ke e ye bua nihi nɛ naa amanehlu ɔ, ke e di ni tsumi kpakpa tsuaa nitsumi kpakpa se ɔ.

1 Timoteo 5:2

yi nikɔtɔma amɛ kaa nyɛmɛ; yihewi ɔmɛ hu kaa nyɛmimɛ yihi ngɛ he tsɔmi tsuo mi.

Tito 1:8

se mohu nibwɔ peelɔ, nɔ nɛ suɔ nɔ́ nɛ hi, nɔ nɛ juɛmi ka si, dalɔ, nɔ nɛ he tsɔ, nɔ nɛ hɛ mi ka si,

Tito 2:14

nɔ nɛ ngɔ nitsɛ e he ngɔ ha ngɛ wa nane mi, konɛ e kpɔ wɔ kɛ je nɔ tɔmi kulaa mi, nɛ e tsukɔ wa he ngɔ pee lɛ nitsɛ e ma klɔuu nɛ hɛ dɔɔ ngɛ ni tsumi kpakpahi a he.

Tito 2:2

Nimowi ɔmɛ ɔ, kãa a hɛ nɛ ka si, a pee nihi nɛ a hɛ mi jiɔ, a juɛmi nɛ ka si, a he nɛ wa ngɛ hemi kɛ yemi kɛ suɔmi kɛ tsui si tomi mi.

Tito 2:7

Nɛ nihi kulaa blɔfami ɔ, ngɔɔ mo nitsɛ o he ngɔ to mɛ okadi ngɛ ni tsumi kpakpahi a he, nɛ ni tsɔɔmi mi ɔ, o tsɔɔ tsɔɔmi klɔuu, nihi nɛ haa nɔ hɛ mi jiɔ,

Tito 3:14

Se ha nɛ wɔ nitsɛmɛ wa ni ɔmɛ hu nɛ kase ni tsumi kpakpahi a he mɔde bɔmi, ke e fi loo e hia nɔ ko ɔ, konɛ a ko pee nihi nɛ wui yiblii.

Hebribi 11:2

Ejakaa lɔ ɔ mi a ye blemabi ɔmɛ a he odase kpakpa ngɛ.

Hebribi 13:18

Nyɛɛ sɔle ha wɔ, ejakaa wa ngɛ nɔ mi mami kaa wa ngɛ he nile kpakpa, nɛ wa ngɛ hlae kaa waa ba wa je mi saminyayoo ngɛ nihi kulaa mi.

Yakobo 1:27

Mawu jami nɛ he tsɔ nɛ he be mu ko ngɛ Mawu tsɛ ɔ hɛ mi ji nɛ ɔ nɛ, kaa a slaa ahusahi kɛ yalɔyi ngɛ a hiamihi a mi, nɛ e to e he nɛ je ɔ ko wo e he mu.

Yakobo 3:17

Se ni lemi nɛ je hiɔwe ɔ, kekleekle ɔ, e he tsɔ, lɔ ɔ se ɔ, e he jɔ, e hɛ ka si, e buɔ tue, e hyi tɔtɔɔtɔ kɛ mɔbɔ nami kɛ yiblii kpakpahi, e ji nɔ́, e pee we osato.

1 Petro 1:22

Jehanɛ, akɛnɛ nyɛ tsukɔ nyɛ klaa amɛ a he ngɛ anɔkuale tue bumi mi ha nyɛmimɛ a he dɔmi nɛ lakpa be mi he je ɔ, nyɛɛ kɛ tsui klɔuu nɛ suɔ nyɛ he saminya.

1 Petro 2:12

nɛ nyɛɛ ba nyɛ je mi saminya ngɛ maje li a bimɛ ɔmɛ a kpɛti, konɛ nɔ́ mi nɛ a tuɔ nyɛ he munyu ngɛ kaa yayami peeli ɔ, nyɛ ni tsumi kpakpahi nɛ a naa a, a kɛ wo Mawu hɛ mi nyami ngɛ e bami ligbi ɔ nɔ.

1 Petro 4:8

Se titli ɔ, suɔmi nɛ nyɛɛ kɛ suɔ nyɛ he ɔ mi nɛ wa, ejakaa suɔmi haa yayamihi babauu nɔ.

2 Petro 3:1

Mamimɛ, enɛ ɔ ji womi nɛ ji enyɔ sɔuu nɛ i ngɛ nyɛ ngmae, nɛ lɛ tsuo mi ɔ, i kɛ kaimi tsɛ̃ɛ nyɛ juɛmi klɔuu ɔ hɛ.

1 Yohane 3:18

Bimɛ tsɔwi, nyɛ ko ha waa suɔ nimli ngɛ munyu tutui mi loo ngɛ lilɛ nɔ kɛkɛ, se mohu ngɛ ni tsumi kɛ anɔkuale mi.

1 Yohane 3:3

Nɔ tsuaa nɔ nɛ ngɛ kikɛmɛ a hɛ kɛ nɔ fɔmi ngɛ Kristo mi ɔ peɔ e he klɔuklɔu kaa bɔ nɛ lɛ hu e ngɛ klɔuklɔu ɔ.

1 Yohane 4:1

Suɔli, nyɛ ko he mumi tsuaa mumi ngɔ ye, se mohu nyɛɛ ka mumi ɔmɛ nɛ nyɛɛ hyɛ kaa Mawu mi a je lo; ejakaa lakpa gbali fuu je kpo kɛ ba je ɔ mi.