Filipibi 4:7 - Somi He Ɔ

⁷ nɛ Mawu he jɔmi nɛ pe juɛmi kulaa a maa bu nyɛ tsuihi kɛ nyɛ juɛmi ɔmɛ a he ngɛ Kristo Yesu mi!

BAIBLO ALOO NGMAMI KLƆUKLƆU Ɔ

⁷ Nɛ Mawu he jɔmi nɛ pã adesa juɛmi tsuo ɔ maa bu nyɛ tsui, kɛ nyɛ juɛmi he ngɛ Kristo Yesu mi.

Filipibi 4:7 ပူးပေါင်းရင်းမြစ်များ

Yohane 14:27

“Hejɔmi i ngɛ sie ha nyɛ; hejɔmi nɛ ji ye nɔ ɔ i kɛ ngɛ nyɛ hae, pi bɔ nɛ je ɔ haa a nɛ i kɛ ngɛ nyɛ hae nɛ ɔ. Nyɛ ko ye nyɛ tsui, nɛ jeha nɛ ɔ hu nyɛ ko ye gbeye.

2 Tesalonikabi 3:16

Lɛ he jɔmi Nyɔmtsɛ ɔ nitsɛ nɛ ha nyɛ he jɔmi daa ngɛ nɔ fɛɛ nɔ mi. Nyɔmtsɛ ɔ kɛ nyɛ kulaa nɛ hi si!

Kolosebi 3:15

Nɛ nyɛ ha Mawu he jɔmi ɔ nɛ ye tsɛ ngɛ nyɛ tsui mi, nɔ́ nɛ he nɛ a tsɛ nyɛ kɛ ba ngɛ nɔmlɔ tso kake mi ɔ, nɛ nyɛɛ le si nami.

Galatabi 5:22

Se Mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Romabi 15:13

Jeha nɛ hɛ kɛ nɔ fɔmi Mawu ɔ nɛ ngɔ bua jɔmi kɛ he jɔmi tsuo ngɔ wo nyɛ tɔtɔɔtɔ ngɛ hemi kɛ yemi mi, konɛ nyɛ na hɛ kɛ nɔ fɔmi nɛ be nɔ ngɛ Mumi Klɔuklɔu he wami mi.

Yohane 16:33

I de nyɛ ni nɛ ɔmɛ, konɛ nyɛɛ wo nyɛ bua ngɛ ye mi. Je nɛ ɔ mi ɔ he hiami nyɛ ma na, se kɛ ɔ, nyɛ tsui nɛ nɔ nyɛ mi. I ye je ɔ nɔ kunimi!”

Romabi 8:6

Ejakaa he lo juɛmi ɔ lɛɛ gbenɔ ʼi, se mumi juɛmi ɔ, wami kɛ he jɔmi ʼi.

Romabi 5:1

Jeha nɛ ɔ akɛnɛ a gu hemi kɛ yemi nɔ wo wɔ nguɔ he je ɔ, waa kɛ Mawu kpɛti ngɛ he jɔmi ngɛ wa Nyɔmtsɛ Yesu Kristo he.

Efesobi 3:19

nɛ nyɛɛ le Kristo suɔmi nɛ pa ni lemi tsuo ɔ, konɛ Mawu himi kɛ si pimi ɔ nɛ hyi nyɛ tsuo tɔtɔɔtɔ.

Romabi 14:17

Ejakaa Mawu matsɛ yemi ɔ, e pi ni yemi kɛ ni numi, se mohu e ji dami kɛ he jɔmi kɛ Mumi Klɔuklɔu mi bua jɔmi.

Kpojemi 1:4

Yohane ngma ya ha asafohi kpaago nɛ ngɛ Asia a: Dloomi kɛ he jɔmi ha nyɛ, kɛ je nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba a dɛ mi, nɛ kɛ je mumihi kpaago nɛ ngɛ e matsɛ sɛ ɔ hɛ mi ɔ ngɔ,

Luka 1:79

Konɛ je mi nɛ tsɔ ha nihi Nɛ hii si ngɛ diblii gbenɔ hɔ mi ɔ, Nɛ e plɛ wa nane kɛ ya he jɔmi blɔ ɔ nɔ.”

2 Korintobi 13:11

Nyagbe ɔ, mamimɛ, nyɛ bua nɛ jɔ, nyɛɛ hi kɛ pi si, nyɛɛ wo nyɛ sibi ga, nyɛ juɛmi nɛ pee kake, nyɛɛ hi si ngɛ he jɔmi mi, nɛ suɔmi kɛ he jɔmi Mawu ɔ kɛ nyɛ maa hi si.

Luka 2:14

“Hɛ mi nyami ha Mawu ngɛ hiɔwe lokoo, Nɛ he jɔmi nɛ ba zugba a nɔ Ha nihi nɛ sa e hɛ mi.”

Filipibi 4:9

Nihi hu nɛ nyɛ kase nɛ nyɛ pɛtɛ he nɛ nyɛ nu nɛ nyɛ na ngɛ ye he ɔ, kɔlɔ ɔmɛ nɔuu nyɛɛ pee, nɛ he jɔmi Mawu ɔ kɛ nyɛ maa hi si.

Romabi 1:7

I ngɛ enɛ ɔ ngmae ya ha nihi nɛ Mawu suɔ nɛ ji ni klɔuklɔuhi nɛ a tsɛ mɛ nɛ a ngɛ Roma a kulaa: Dloomi kɛ hejɔmi nɛ je wa tsɛ Mawu ɔ kɛ Nyɔmtsɛ Yesu dɛ mi ɔ ha nyɛ!

Hebribi 13:20

He jɔmi Mawu ɔ, nɔ nɛ je to ɔmɛ a hyɛlɔ ngua nɛ ji wa Nyɔmtsɛ Yesu kɛ je gbeje ngɛ neneene somi ɔ muɔ ɔ mi ɔ,

Kpojemi 2:17

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ mana nɛ a kɛ laa a eko nɛ e ye, nɛ ma ha lɛ tɛ hiɔ, nɛ tɛ ɔ nɔ ɔ, a ngma biɛ he nɛ nɔ ko li ja nɔ nɛ naa a.”

Yuda 1:1

Yuda, nɛ ji Yesu Kristo sɔmɔlɔ kɛ Yakobo nyɛmi ɔ ngma ya ha nihi nɛ a tsɛ mɛ nɛ a pee mɛ klɔuklɔu ngɛ Tsɛ Mawu ɔ mi nɛ a ngɔ mɛ ngɔ to ha Yesu Kristo ɔ.

Filipibi 1:2

Dloomi kɛ he jɔmi nɛ je wa Tsɛ Mawu kɛ Mawetsɛ Yesu Kristo dɛ mi ɔ ha nyɛ!

2 Korintobi 10:5

wa kuɔ susumihi kɛ nɔ́ tsuaa nɔ́ nɛ woɔ e he nɔ siɔ Mawu ni lemi ɔ, nɛ wa ngɔɔ juɛmi tsuaa juɛmi nyɔguɛ haa Kristo tue bumi;

Filipibi 1:1

Paulo kɛ Timoteo, Yesu Kristo sɔmɔli ɔmɛ, ngma ya ha ni klɔuklɔuhi nɛ ngɛ Yesu Kristo mi ngɛ Filipi kɛ a nɔ hyɛli kɛ a sɔmɔli ɔmɛ kulaa:

Filipibi 4:19

Ye Mawu ɔ ma ha nyɛ nihi kulaa nɛ hiaa nyɛ ɔ ngɛ e hɛ mi nyami hiɛmi ɔ nya, ngɛ Kristo Yesu mi.

Filipibi 4:21

Nyɛ nga he tsɔlɔ tsuaa he tsɔlɔ ngɛ Kristo Yesu mi. Nyɛmimɛ nɛ kɛ mi ngɛ ɔ ke a biɔ nyɛ.