Filipibi 4:19 - Somi He Ɔ

¹⁹ Ye Mawu ɔ ma ha nyɛ nihi kulaa nɛ hiaa nyɛ ɔ ngɛ e hɛ mi nyami hiɛmi ɔ nya, ngɛ Kristo Yesu mi.

BAIBLO ALOO NGMAMI KLƆUKLƆU Ɔ

¹⁹ Ye Mawu ɔ ma ha nyɛ níhi tsuo nɛ hia nyɛ ɔ kɛ maa je e ní babauu nɛ hɛ mi ngɛ nyami ɔ mi kɛ gu Kristo Yesu nɔ.

Filipibi 4:19 ပူးပေါင်းရင်းမြစ်များ

Mateo 6:32

(Ejakaa ni nɛ ɔmɛ tsuo a se majemajeli a bimɛ ɔmɛ dii.) Nyɛ tsɛ nɛ ngɛ hiɔwe ɔ le kaa ni nɛ ɔmɛ tsuo a he ngɛ nyɛ hiae.

Yohane 20:17

Yesu de lɛ ke: “Koo ta ye he; ejakaa i na we ma ya hiɔwe ngɛ Tsaatsɛ ngɔ lolo; se yaa ye nyɛmimɛ ɔmɛ a ngɔ nɛ o ya de mɛ ke: I yaa hiɔwe ngɛ Tsaatsɛ kɛ nyɛ hu nyɛ tsɛ kɛ ye Mawu kɛ nyɛ hu nyɛ Mawu ɔ ngɔ.”

Yohane 20:27

Lɔ ɔ se ɔ, e de Toma ke: “O kɛ o nine nguɛ nɛ ba hiɛ ɔ nɛ o ba hyɛ ye dɛ mi ɔ, nɛ o kɛ o nine ba hɔ ye kasa mi ɔ, nɛ o ko je nɔ́, se mohu o he ye.”

Romabi 1:8

Kekleekle ɔ, i ngɛ Yesu Kristo nɔ gue kɛ ngɛ ye Mawu ɔ si nae ngɛ nyɛ kulaa nyɛ he, ejakaa a gbaa nyɛ hemi kɛ yemi ɔ he sane ngɛ je ɔ mi tsuo.

Romabi 11:33

Oo, bɔ nɛ Mawu Ni hiɛhiɛ kɛ ga kɛ ni lemi mi kuɔ ha ji nɛ ɔ nɛ! E kojomi ɔmɛ ɔ, a nyɛ we sisi nami, nɛ e blɔ ɔmɛ bu, a nyɛ we hiɔmi!

Romabi 2:4

Aloo pe o ngɛ e mi mi himi kɛ e nɔ he tsui nami kɛ e tsui si tomi babauu ɔ he guɛ gbee, se o li kaa Mawu mi mi jɔmi ɔ pe e ngɛ o he piɛe nɛ o pia o he lo?

Romabi 8:18

Ejakaa i susuu kaa mwɔnɛ mwɔnɛ amanehlu nɛ ɔmɛ kɛ nyami nɛ hwɔɔ se a ma je kpo ha wɔ ɔ sɔɛ.

Romabi 9:23

nɛ jeha nɛ hu ke e haa a leɔ e hɛ mi nyami hiɛmi ɔ hu ngɛ e mɔbɔ nami nihi nɛ e dla ngɔ to ha hɛ mi nyami ɔ, mɛni o ma de?

2 Korintobi 12:21

I ngɛ gbeye yee kaa ke i ba a, ye Mawu ɔ maa ba mi si ekohu ngɛ nyɛ he, nɛ ma ye kɔmɔ ha nihi nɛ pee yayami sa nɛ a tsakee we a tsui ɔmɛ a ti nihi fuu, ngɛ a mu nihi kɛ ajuama bɔmi kɛ ya homi ɔ he.

2 Korintobi 4:17

Ejakaa wa nɔ nami nɛ nya wa nɛ se kɛ we nɛ ɔ ngɛ neneene hɛ mi nyami babauu nɛ be nɔ nɛ he jua wa hluu nya buae ha wɔ.

Efesobi 1:18

nɛ nyɛ mi hɛngmɛ ɔ nɛ bli, konɛ nyɛɛ le nɔ nɛ ji e tsɛmi ɔ hɛ kɛ nɔ fɔmi ɔ, kɛ e weye ni ɔ hiɛmi ngɛ ni klɔuklɔu ɔmɛ a mi,

Efesobi 1:7

Ejakaa Kristo mi nɔuu wa na kpɔmi ɔ ngɛ nɛ ji yayamihi a pami ɔ, ngɛ e muɔ ɔ he ngɛ e dloomi hiɛmi ɔ nyɛ,

Efesobi 2:7

konɛ be nɛ maa ba a mi ɔ, e je lɛ nitsɛ e dloomi ɔ hiɛmi nɛ be nɔ ɔ kpo, kɛ e mi mi himi nɛ e ngɛ ha wɔ ngɛ Kristo Yesu mi ɔ.

Efesobi 3:16

konɛ ngɛ e hɛ mi nyɛmi hiɛmi ɔ nya a, e ha nyɛɛ gu e Mumi ɔ nɔ nɛ nyɛ he nɛ wa kpitikplii ngɛ nyɛ mi nɔmlɔ ɔ blɔfami,

Efesobi 3:8

Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

Filipibi 4:7

nɛ Mawu he jɔmi nɛ pe juɛmi kulaa a maa bu nyɛ tsuihi kɛ nyɛ juɛmi ɔmɛ a he ngɛ Kristo Yesu mi!

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

Kolosebi 3:16

Nyɛ ha Kristo munyu ɔ nɛ hi nyɛ mi babauu ngɛ ni lemi tsuaa ni lemi mi; nɛ nyɛɛ tsɔɔ nyɛ he ni nɛ nyɛɛ tu munyu ngɔ tsɔɔ nyɛ he ngɛ saku fiamihi kɛ yi jemi lahi kɛ mumi mi lahi a mi, nɛ nyɛɛ kɛ sina nɛ la ngɛ nyɛ tsui mi ha Mawu.

1 Tesalonikabi 2:12

Wa wo nyɛ he wami, wa wo nyɛ bua, nɛ wa su nyɛ kaa nyɛɛ nyɛɛ bɔ nɛ sa Mawu nɛ tsɛ nyɛ kɛ ba lɛ nitsɛ e matsɛ yemi kɛ e hɛ mi nyami ɔ mi ɔ hɛ mi.

1 Timoteo 6:17

Niatsɛmɛ nɛ ngɛ je nɛ ɔ mi ɔ, wo mɛ kita konɛ a ko susu ni nguahi, nɛ a ko ngɔ a hɛ ngɔ fɔ ni nami nɛ be sɔkee ɔ nɔ, se mohu Mawu hɛ kalɔ ɔ nɔ, nɔ nɛ ngɔɔ nihi kulaa ngɔ haa wɔ babauu ke waa ye mi ngɔmi ɔ.

Filemon 1:4

I naa ye Mawu ɔ si daa, nɛ i woɔ o ta ngɛ ye pɛɛ kpamihi a mi,

1 Petro 5:1

Jehanɛ, nikɔtɔmahi nɛ ngɛ nyɛ kpɛti ɔ, imi nɛ ji nyɛ nyɛmi nɔkɔtɔma kɛ Kristo amanehlu ɔmɛ a he odase yelɔ nɛ ma na hɛ mi nyami nɛ a ma je kpo ɔ hu eko ɔ, i ngɛ nyɛ dee ke:

1 Petro 5:10

Se dloomi tsuo kulaa Mawu nɛ tsɛ nyɛ kɛ ba e neneene hɛ mi nyami ɔ mi ngɛ Kristo Yesu mi ɔ, ke nyɛ na amanehlu bɔɔ nɔ tã a, lɛ nitsɛ e ma dla nyɛ pɛ, nɛ e maa waje nyɛ, nɛ e maa wo nyɛ he wami, nɛ e ma ha nyɛ maa pi si.