Filipibi 4:18 - Somi He Ɔ

¹⁸ I na nihi kulaa kɛ be nɔ, i tɔ kɛ nihi nɛ nyɛɛ kɛ mane Epafrodito kɛ ba ha mi ɔ nɛ ji via jemi kpakpa kɛ bɔ nɛ sa Mawu hɛ mi ɔ.

BAIBLO ALOO NGMAMI KLƆUKLƆU Ɔ

¹⁸ Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Filipibi 4:18 ပူးပေါင်းရင်းမြစ်များ

Ni Tsumi 10:4

Nɛ e hyɛ lɛ too, nɛ e ye gbeye nɛ e ke: “Mo mɛnɔ ʼi, Nyɔmtsɛ?” Nɛ Nyɔmtsɛ ɔ de lɛ ke: “O sɔlemihi kɛ ni kpakpahi nɛ o peɔ ɔ ba su hiɔwe nɛ, e pee kaimi nɔ́ ngɛ Mawu hɛ mi.

Romabi 12:1

Lɔ ɔ he ɔ, mamimɛ, i kɛ Mawu mɔbɔ nami ngɛ nyɛ pɛɛ kpae, kaa nyɛɛ ngɔ nyɛ nɔmlɔ tso ɔmɛ ngɔ da si kaa bɔ klɔuklɔu nɛ hɛ ngɛ nɛ he tsɔ nɛ sa Mawu hɛ mi nɛ nyɛ jami ɔ nɛ pee mumi mi jami.

2 Korintobi 11:8

Benɛ i ngɛ ni tsue ngɛ nyɛ kpɛti ɔ, asafo kpahi lɛ wo mi hiɔ. E ngɛ kaa nɔ nɛ i ngɛ mɛ jue konɛ ma kɛ ba sɔmɔ nyɛ.

2 Korintobi 9:12

Ejakaa kikɛmɛ a yemi kɛ buami nɛ ɔ he sɔmɔmi ɔ, tsa pi klɔuklɔubi ɔmɛ a fimi kɛkɛ nɛ e pɛneɔ, se mohu e haa a naa Mawu si babauu kɛ bee nɔ hulɔ.

Efesobi 5:2

nɛ nyɛɛ nyɛɛ ngɛ suɔmi mi kaa bɔ nɛ Kristo hu suɔ wɔ nɛ e ngɔ lɛ nitsɛ e he ngɔ ha ngɛ wa he kaa nɔ́ke nɔ́ kɛ bɔ nɛ he via nɛ a kɛ ha Mawu.

Filipibi 4:12

I le ohia mi si himi, nɛ i le ni kpɔtɔɔ mi si himi hulɔ; i gblee nɔ́ tsuaa nɔ́ kɛ nihi kulaa mi, tɔ jio, huɔ jio, ni nami jio, ohia jio,

2 Tesalonikabi 1:3

E sa kaa wa naa Mawu si daa ngɛ nyɛ he bɔ nɛ sa, mamimɛ, ejakaa nyɛ hemi kɛ yemi ɔ ngɛ klee wawɛɛ nitsɛ, nɛ nyɛ tsuo nyɛ ti nɔ tsuaa nɔ suɔmi nɛ e kɛ suɔ e nyɛmimɛ ɔ ngɛ hiɛe kɛ ngɛ nɔ yae hulɔ,

Hebribi 13:16

Nyɛ hɛ ko je kpakpa peemi kɛ ni kemi nɔ, ejakaa jamɛ a bɔ ɔmɛ saa Mawu hɛ mi saminya.

1 Petro 2:5

nɛ nyɛ hu, nyɛ ha a ngɔ nyɛ kaa tɛ nɛ hɛ ngɛ nɛ a kɛ fia mumi mi sɔlemi tsu nɛ nyɛɛ pee osɔfohi a weku konɛ nyɛɛ sã mumi mi bɔ nɛ sa Mawu hɛ mi kɛ gu Yesu Kristo nɔ.