Filipibi 4:17 - Somi He Ɔ

¹⁷ Pi kaa nike ni i ngɛ hlae, se mohu i ngɛ se nami nɛ ma ha nyɛ kɔtaa a maa su kɛ be nɔ ha nyɛ ɔ hlae.

BAIBLO ALOO NGMAMI KLƆUKLƆU Ɔ

¹⁷ Pi kaa nike ní nɛ i ngɛ hlae doo, se mohu kaa nyɛ maa gu lɔ ɔ peemi nɔ kɛ na biɛ kaa kpakpa peeli.

Filipibi 4:17 ပူးပေါင်းရင်းမြစ်များ

Yohane 15:16

Tsa pi nyɛ nɛ nyɛ hla mi, se imi mohu lɛ i hla nyɛ, nɛ i to nyɛ konɛ nyɛ hu nyɛɛ ya nɛ nyɛ ya wo yiblii, nɛ nyɛ yiblii ɔ nɛ hi si; konɛ nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ngɔ ha nyɛ.

Yohane 15:8

Enɛ ɔ a kɛ woɔ Tsaatsɛ hɛ mi nyami, ke nyɛ wo yiblii fuu, nɛ nyɛ plɛ ye kaseli ɔ.

Romabi 15:28

Lɔ ɔ he ɔ ke i gbe enɛ ɔ nya nɛ i ngɔ nike ni nɛ ɔ kɛ ya ha mɛ ɔ, ma ba gu nyɛ ngɔ kɛ ya Spania.

2 Korintobi 11:16

I ngɛ dee ekohu ke: Nɔ ko ko bu mi kuasia, se ke pi ja a, lɛɛ nyɛɛ ngɔ mi kaa kuasia mɔ, konɛ imi hu ma fia bɔɔ ko.

2 Korintobi 9:5

Lɔ ɔ he ɔ, i susu kaa ma kpa nyɛmimɛ ɔmɛ pɛɛ nɛ a sɛ ye hlami kɛ ba nyɛ ngɔ nɛ a ba dla kikɛmɛ a nike ni nɛ nyɛ wo si momo nɔ ngɔ to, konɛ e pee nɔ́ ko nɛ a dla ngɔ to momo kaa jɔɔmi nɔ́ ko se pi nɔ nyɛmi nɔ́ ko.

Filipibi 1:11

nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.

Filipibi 4:11

Pi kaa fimi nya nɛ i ngɛ munyu tue nɛ ɔ, ejakaa imi lɛɛ i kase kaa si himi tsuaa si himi nɛ i ngɛ mi ɔ ye bua nɛ jɔ ye he.

1 Tesalonikabi 2:5

Ejakaa wa tu we nya mi ngɔngɔɛ munyu ko hyɛ, kaa bɔ nɛ nyɛ le ɔ, nɛ wa to we hɛ tsumi he lakpa ko hulɔ, Mawu ji odase;

1 Timoteo 3:3

pi da delɔ, pi nine kpokpookpo tsɛ, se mohu nɔ nɛ he jɔ, nɔ nɛ pɛ́, nɔ nɛ hɛ kɔɛ sika nɔ;

1 Timoteo 6:10

Ejakaa ni yayahi kulaa sipoku ji sika suɔmi nɛ ni komɛ di se nɛ a tla blɔ kɛ je hemi kɛ yemi ɔ mi, nɛ a kɛ piimi babauu gbɔ a tsui mi ɔ.

Tito 1:7

Ejakaa nɔ hyɛlɔ ɔ, e sɛ kaa piami ko hii e he, akɛnɛ Mawu we mi sɔmɔlɔ nɔkɔtɔma ji lɛ he je ɔ; pi nɔ nɛ peɔ lɛ nitsɛ e tsui nya ni, pi mi mi latsɛ, pi da nulɔ, pi nine kpokpookpotsɛ, pi kpɛletsɛ,

Tito 3:14

Se ha nɛ wɔ nitsɛmɛ wa ni ɔmɛ hu nɛ kase ni tsumi kpakpahi a he mɔde bɔmi, ke e fi loo e hia nɔ ko ɔ, konɛ a ko pee nihi nɛ wui yiblii.

Hebribi 6:10

Ejakaa Mawu pi nɔ nɛ yeɔ sane nɛ dɛ́ nɛ e hɛ maa je nyɛ ni tsumi ɔ nɔ kɛ suɔmi he dengme nɛ nyɛ gbo ngɛ e biɛ ɔ he, nɛ nyɛɛ kɛ sɔmɔ ni klɔuklɔu ɔmɛ, nɛ nyɛ pa kɛ ngɛ mɛ sɔmɔe kɛ mwɔ ɔ.

1 Petro 5:2

Nyɛɛ lɛ Mawu asafo nɛ a ngɔ ha nyɛ ɔ, nyɛɛ hyɛ nɔ, pi ngɛ nɔ nyɛmi nya, se mohu ngɛ suɔmi nya; jehanɛ hu, pi ngɛ se nami nɛ ngɛ zo he, se mohu tsui mi jɔmi nya;

2 Petro 2:15

A je blɔ nɛ da a nɔ, nɛ a tla blɔ kɛ ya nyɛɛ Bosor bi Bileam, nɔ nɛ suɔ nɔ yayami peemi mi hiɔwo ɔ, blɔ ɔ nɔ;

2 Petro 2:3

Nɛ a kɛ kutupɔ munyuhi maa jua nyɛ ngɛ hɛ tsumi mi, nihi nɛ kɛ je blema lokoo ɔ, a kojomi hlua we si, nɛ a hɛ mi kpatami ɔ hu be mahɛ hwɔe.

Yuda 1:11

Musu tloo mɛ! a ngɔ Kain blɔ ɔ, nɛ a kɛ a he ya wo Bileam sisimi he hiɔwo ɔ mi, nɛ Kora atua tsɔmi ɔ mi a hɛ mi kpata ngɛ.