Filipibi 4:1 - Somi He Ɔ

¹ Lɔ ɔ he ɔ, mamimɛ nɛ i suɔ nɛ ye hɛ jaa ngɛ nyɛ he, ye bua jɔmi kɛ ye jlasi, nyɛɛ da si ja ngɛ Nyɔmtsɛ ɔ mi, nyɛ nihi nɛ i suɔ.

BAIBLO ALOO NGMAMI KLƆUKLƆU Ɔ

¹ Ye nyɛmimɛ, nyɛɛ hyɛ bɔ nɛ i suɔ nyɛ ha! Nyɛɛ hyɛ bɔ nɛ ye hɛ ngɛ jae ngɛ nyɛ he ha! Nyɛ lɛ nyɛ haa mi bua jɔmi; nyɛ ngɛ kaa jlasi ngɛ ye yi! Ye nyɛmimɛ nɛ i suɔ. Kaa nihi nɛ ngɛ Nyɔmtsɛ ɔ mi ɔ, kikɛ nɛ ɔ pɛ ji bɔ nɛ sa nɛ nyɛɛ ba nyɛ je mi.

Filipibi 4:1 ပူးပေါင်းရင်းမြစ်များ

Mateo 10:22

Nɛ nihi tsuo maa nyɛ nyɛ ngɛ ye biɛ ɔ he; se nɔ nɛ hɛɔ mi kɛ pii si ɔ, lɛ ji nɔ nɛ a ma he e yi wami?

Yohane 8:31

Kɛkɛ nɛ Yesu de Yudafo ɔmɛ nɛ he lɛ ye ɔ ke: “Ke nyɛ hi si ngɛ ye munyu ɔ mi ɔ, ye kaseli nitsɛmɛ ji nyɛ,

Ni Tsumi 11:23

Nɛ benɛ e su lejɛ ɔ nɛ e ba na Mawu dloomi ɔ, e bua jɔ e he, nɛ e tu munyu tsɔɔ mɛ tsuo ke a kɛ tsui nɛ fi si nɛ pɛtɛ Nyɔmtsɛ ɔ he.

Ni Tsumi 14:22

A kpale wo kaseli ɔmɛ a mumi mi wami ɔ he wami, nɛ a tu munyu tsɔɔ mɛ ke a hɛɛ hemi kɛ yemi ɔ mi, nɛ jeha nɛ ɔ hu e sa kaa wa guu dengme fuu mi kɛ sɛɛ Mawu matsɛ yemi ɔ mi.

Ni Tsumi 2:42

Nɛ a hɛɛ bɔfo ɔmɛ a tsɔɔmi ɔ kɛ huɛ bɔmi ɔ kɛ abolo mi kumi ɔ kɛ sɔlemi kɛ pɛɛ kpami ɔmɛ a mi.

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

1 Korintobi 15:58

Lɔ ɔ he ɔ, mamimɛ nɛ i suɔ, nyɛ fi si nɛ nyɛ ko gbɔle, nɛ nyɛɛ ya nɔ ngɛ Nyɔmtsɛ ɔ ni tsumi ɔ mi daa nɛ ɔ, ejakaa nyɛ le kaa nyɛ dengme gbomi ɔ be yaka pee ngɛ Nyɔmtsɛ ɔ mi.

1 Korintobi 16:13

Nyɛɛ huɔ, nyɛɛ da si kpɛii ngɛ hemi kɛ yemi ɔ mi, nyɛɛ pee nyumu, nɛ nyɛ he nɛ wa!

2 Korintobi 1:14

Kaa bɔ nɛ nyɛ na le wɔ hulɔ fa kɛ fa, kaa nyɛ fiami nɔ́ ji wɔ, kaa bɔ nɛ nyɛ hu nyɛ ji wa nɔ́ ngɛ Nyɔmtsɛ Yesu ligbi ɔ nɔ ɔ.

Galatabi 5:1

Kristo pee wɔ odehehi, nɛ e ha wa ye wa he, lɔ ɔ he ɔ nyɛɛ da si kpitikplii nɛ nyɛ ko ha a bɔ nyɛ nyɔguɛ yemi pã a hu.

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

Filipibi 1:8

Mawu ji ye dase kaa ye hɛ jaa ngɛ nyɛ kulaa nyɛ he ngɛ Yesu Kristo mi mi sami ɔ nya.

Filipibi 2:16

nɛ nyɛɛ hɛɛ wami munyu ɔ mi, konɛ e plɛ fiami nɔ ha mi ngɛ Kristo ligbi ɔ nɔ, kaa ye fotumi ɔ pee we yaka, nɛ ye dengme gbomi ɔ hu pee we gu.

Filipibi 2:26

ejakaa e hɛ ngɛ jae ngɛ nyɛ tsuo nyɛ he, nɛ akɛnɛ nyɛ nu kaa e be he wami he je ɔ, e ngɛ haoe.

Kolosebi 4:12

Epafra nɛ je nyɛ kpɛti nɛ ji Kristo sɔmɔlɔ nɛ daa nɛ ɔ e kaii nyɛ ngɛ e sɔlemihi a mi, konɛ nyɛɛ da si nɛ nyɛɛ hi kɛ pi si nɛ nyɛ hyi tɔtɔɔtɔ ngɛ Mawu suɔmi nya nihi kulaa mi ɔ, ke e biɔ nyɛ.

1 Tesalonikabi 3:13

benɛ pee nɛ e ha nyɛ tsui nɛ pi si ngɛ klɔuklɔu peemi mi nɛ piami ko ko hi nyɛ he, ngɛ Mawu kɛ wa Tsɛ ɔ hɛ mi, ngɛ wa Nyɔmtsɛ Yesu Kristo kɛ e ni klɔuklɔu ɔmɛ kulaa a bami be ɔ mi.

2 Tesalonikabi 2:15

Lɔ ɔ he ɔ, mamimɛ, nyɛɛ da si, nɛ nyɛɛ hɛɛ nihi nɛ wa tsɔɔ nyɛ ngɛ munyu mi loo womi mi ɔmɛ a mi.

2 Timoteo 2:1

Jehanɛ moo lɛɛ, ye bi, o he nɛ wa ngɛ dloomi nɛ ngɛ Kristo Yesu mi ɔ mi.

Hebribi 10:23

Nyɛ ha waa pɛtɛ wa hɛ kɛ nɔ fɔmi nɛ wa jaje ɔ mi wawɛɛ, ejakaa nɔ nɛ wo si ɔ anɔkualetsɛ ji lɛ.

Hebribi 3:14

Ejakaa Kristo he piɛli ji wɔ ke wa hɛɛ wa he nɛ waa kɛ fɔɔ e nɔ kɛ je sisije ɔ mi kpɛii kɛ ya su nyagbe ɔ.

Hebribi 4:14

Jehanɛ, akɛnɛ wa ngɛ osɔfo nɔkɔtɔma ngua nɛ po mi kɛ gu hiɔwe nihi a mi, nɛ ji Yesu, Mawu bi ɔ nɛ ɔ ɔ, nyɛ ha waa pɛtɛ hemi kɛ yemi ɔ he wawɛɛ.

2 Petro 3:17

Se nyɛɛ lɛɛ, mamimɛ, akɛnɛ nyɛ le momosa he je ɔ, nyɛɛ huɔ, konɛ a kɛ nimli yayamihi a sisimi sane ɔ ko ba gbla nyɛ hu, nɛ nyɛ ba gbee si kɛ je nyɛ blɔ ɔ nɔ.