Filipibi 3:19 - Somi He Ɔ

¹⁹ Mɛɛ lɛɛ a nyagbe ji hɛ mi kpatami, nɛ a muklii ji a mawu, nɛ a zo nihi a mi a hɛ mi nyami ngɛ, nɛ je mi nihi a he kɛkɛ a susuu.

BAIBLO ALOO NGMAMI KLƆUKLƆU Ɔ

¹⁹ Kikɛmɛ a nimli nɛ ɔmɛ ɔ, a ma kpata a hɛ mi kɛ maa ya neneene. Ejakaa mɛɛ lɛɛ a muklii ji a mawu nɛ a jaa. A nyaa zo níhi a he, nɛ je mi níhi pɛ a he a susuu.

Filipibi 3:19 ပူးပေါင်းရင်းမြစ်များ

Romabi 16:18

Ejakaa nihi nɛ ngɛ kikɛ ɔ, pi wa Nyɔmtsɛ Yesu Kristo nɛ a sɔmɔɔ, se mohu mɛ nitsɛmɛ a muklii; nɛ a kɛ nya mi dɔkɔɔ kɛ sisimi munyuhi mlɔɔ nihi nɛ li yayami ɔmɛ a tsui.

2 Petro 2:3

Nɛ a kɛ kutupɔ munyuhi maa jua nyɛ ngɛ hɛ tsumi mi, nihi nɛ kɛ je blema lokoo ɔ, a kojomi hlua we si, nɛ a hɛ mi kpatami ɔ hu be mahɛ hwɔe.

Kolosebi 3:2

Nihi nɛ ngɛ hiɔwe ɔmɛ a he nyɛ susu, pi nihi nɛ ngɛ zugba a nɔ ɔ.

2 Petro 2:1

Lakpa gbali te si hyɛ ngɛ Israelbi ɔmɛ a kpɛti, kaa bɔ nɔuu nɛ lakpa tsɔɔli maa ba nyɛ hu nyɛ kpɛti ɔ. A kɛ hɛ mi kpatami tsɔɔmihi ma ba hɔ mi zaa, nɛ Nyɔmtsɛ ɔ nɛ kpɔ mɛ ɔ po, a ma kua lɛ, nɛ a kɛ hɛ mi kpatami nɛ he ngɛ oya maa ba mɛ nitsɛmɛ a nɔ.

2 Korintobi 11:15

Lɔ ɔ he ɔ, ke e sɔmɔli ɔmɛ hu tsakee a he peɔ kaa dami sɔmɔli ɔ, e pi nɔ́ ko ngua ko; mɛɛ lɛɛ a nyagbe maa pee bɔ nɛ a ni tsumi ɔmɛ ngɛ ɔ.

2 Korintobi 11:12

Nɔ nɛ i ngɛ pee ɔ, ma pee, konɛ ma kɛ tsi nihi nɛ ngɛ ye he sane hlae ɔmɛ a nya, konɛ a ko na he blɔ nɛ a fia kɛ de ke mɛ hu a ngɛ ni nɛ wa ngɛ tsueɔ nɔuu tsue.

2 Petro 2:13

a kɛ nɔ nami maa wo mɛ nihi nɛ dɛ blɔ ɔmɛ a he hiɔ. A buu kpo nɔ ya homi kaa nɔ́ nɛ ngɔɔ; mutsɛmɛ nɛ he ngɛ tai ji mɛ, a hoɔ ya ngɛ a blɔ laami ɔmɛ a mi benɛ a kɛ nyɛ ngɛ ni yee ɔ.

Galatabi 6:13

Nihi nɛ a po mɛ ɔ nitsɛmɛ tete yi mlaa a nɔ; se mohu a ngɛ hlae nɛ a po nyɛ, konɛ a fia ngɔ fɔ nyɛ he lo ɔ nɔ.

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”

1 Korintobi 3:3

ejakaa he lo mi nimli ji nyɛ kɛ mwɔɔ. Se be abɔ nɛ hungajemi kɛ pɛ ngɛ nyɛ kpɛti kɛ mwɔɔ nɛ ɔ, anɛ pi he lo mi nimli ji nyɛ nɛ nimli a je mi nyɛ ngɛ bae ɔ lo?

Kpojemi 22:15

Se ma a se ɔ, gbe ɔmɛ kɛ nyuali ɔmɛ kɛ ya holi ɔmɛ kɛ awi yeli ɔmɛ kɛ amaga jali ɔmɛ kɛ nɔ tsuaa nɔ nɛ suɔ lakpa nɛ ngɔɔ nya a ngɛ lejɛ ɔ.

Yuda 1:16

Nimli nɛ ɔmɛ ji nihi nɛ tuɔ munyu yaya, sieku yeli kɛ nɔ piali nɛ nɔ muɛ́ a hɛ nɛ a nyɛɛ mɛ nitsɛmɛ a kɔnɔ yayahi a se; a peɔ nya puu, nɛ a gbee nimli a yi mi ngɛ se nami he.

2 Timoteo 3:4

nɔ se blɔ tsɔɔli, yi mi wali, he nɔ woli, nihi nɛ suɔ fiɛmi nɛ ngɔɔ pe Mawu,

1 Timoteo 6:5

nɛ ji yakayaka ngmlaa kpami nɛ nimli nɛ a juɛmi puɛ nɛ a kpɔ anɔkuale ɔ ngɛ a dɛ nɛ a susuɔ kaa Mawu jami ji ni nami ɔ.

2 Tesalonikabi 2:12

konɛ a kojo nihi kulaa nɛ he we anɔkuale ɔ yi, se a naa nihi nɛ dɛ blɔ ɔmɛ mohu a he tsui ɔ.

Filipibi 2:21

ejakaa ni ɔmɛ kulaa a, mɛ nitsɛmɛ a nihi a he a pleɔ, se pi Kristo Yesu nihi.

1 Korintobi 5:6

Nyɛ fiami ɔ be fɛu. Nyɛ li kaa ma sasɛ nyafii saa ma mluku ɔ kulaa lo?

1 Korintobi 5:2

Se nyɛɛ lɛɛ, mɛni he je nyɛ woɔ nyɛ he? Sa nɛ nyɛɛ ye kɔmɔ benɛ pee nɛ a je nɔ nɛ tsu kikɛmɛ a ni nɛ ɔmɛ kɛ je nyɛ kpɛti.

Kpojemi 19:20

Nɛ a nu lohwe ɔ kɛ lakpa gbalɔ ɔ nɛ pee nyakpɛ nihi ngɛ e hɛ mi nɛ e kɛ sisi nihi nɛ he lohwe ɔ okadi ɔ kɛ nihi nɛ jaa e maga a. A ngɔ ni enyɔ nɛ ɔmɛ kulaa hɛ ngmengmle ngɔ wo la taku nɛ ngɛ tsoe gligliigli ɔ mi.

Yakobo 4:16

Se jehanɛ nyɛ fiaa ngɛ nyɛ he womi ɔmɛ a mi; kikɛmɛ a fiami nɛ ɔ kulaa a yayami ʼi.

2 Tesalonikabi 2:8

Nɛ lɔ ɔ loko a ma je dikalɔ ɔ kpo paa, nɛ Mawetsɛ Yesu kɛ e nya mi mumi ɔ maa gbe lɛ, nɛ e kɛ e bami ɔ kpɛmi ɔ ma kpata e hɛ mi.

Luka 18:4

Nɛ e kplɛɛ we hluu. Se pee se ɔ, e de ngɛ e yi mi ke: ‘Engɛ mi kaa i yi Mawu gbeye, nɛ i bui nɔmlɔ hulɔ;

Luka 16:19

“Jeha nɔ nyumu niatsɛ ko ngɛ, nɛ e woɔ tade tsu kɛ klala nɛ ngɛ fɛu, nɛ e naa bua jɔmi, nɛ e peɔ afɛu ni daa nɛ ɔ.

Luka 12:19

nɛ ma de ye klaa ke: Ye klaa, o ngɛ nihi babauu nɛ a ngɔ to ha mo jehahi fuu; jɔɔ o he, ye nɛ o nu, nɛ o tsui nɛ nɔ o mi!’

Mateo 25:41

“Kɛkɛ ɔ, e ma de ninɛmɛ nɛ ngɛ e muɔ nɔ hu ke: ‘Nyɛɛ je ye nɔ, nyɛ nihi nɛ a gbiɛ nyɛ, nyɛɛ ya neneene la a nɛ a dla to abosiami kɛ e bɔfo ɔmɛ ɔ mi!

Mateo 16:23

Se Yesu plɛ e he nɛ e de lɛ ke: “Jee ye nɔ, Satan! O ngɛ ye nane kpatae; ejakaa o susuu we Mawu nihi a he, se nimli a nihi a he mohu o susuu.”

Kpojemi 18:7

Nyɛ pii lɛ nɛ nyɛɛ wo lɛ aywlɛho Kaa bɔ nɛ e wo lɛ nitsɛ e hɛ mi nyami kɛ ya homi ɔ Ja nɔuu nyɛ ha e piimi kɛ e ywlɛho ɔ nɛ pee. Ejakaa e deɔ ngɛ e tsui mi ke: ‘I hii si kaa manye! I pi yalɔyo, Nɛ i be aywlɛho ko nae!’

Yuda 1:4

Ejakaa ni komɛ ju si kɛ sɛ mi, nihi nɛ blema lokoo a je nɛ a ngma a he sane ngɔ fɔ si ha kikɛmɛ a fɔ bumi nɛ, nɔ yaya peeli nɛ ngɔɔ wa dloomi ɔ kɛ bɔɔ ajuama, nɛ a kuaa Mawu nɛ ji nɔ yelɔ kake pɛ ɔ, kɛ wa Mawetsɛ Yesu Kristo ɔ.

Romabi 6:21

Lɛɛ mɛni yiblii nyɛ wo ngɛ lɛ be ɔ mi? Yiblii nɛ zo gbe nyɛ ngɛ he jeha nɛ; ejakaa kɔlɔ ɔmɛ a nyagbe ji gbenɔ.

2 Tesalonikabi 1:9

A ma na hiɔwo nɛ ji neneene hɛ mi kpatami kɛ maa je Nyɔmtsɛ ɔ hɛ mi kɛ e he wami ɔ hɛ mi nyami ɔ he,

Yuda 1:10

Se ni nɛ ɔmɛ tuɔ munyu siɔ nihi kulaa nɛ a li, se nihi nɛ a le ngɛ a fɔmi su ɔ nya kaa lohwehi nɛ li ni ɔ, kɔlɔ ɔmɛ nɔuu lɛ kpataa a hɛ mi.