Filipibi 3:16 - Somi He Ɔ

¹⁶ E he hia kaa waa ya wa hɛ mi ngɛ nɔ́ nɛ wa nine su nɔ mo ɔ mi nɛ waa nyɛɛ ngɛ jamɛ a susumi kpa a nɔuu nya nɛ wa susu nɔ kake.

BAIBLO ALOO NGMAMI KLƆUKLƆU Ɔ

¹⁶ Se bɔ tsuaa bɔ nɛ pee ɔ, blɔ nya tomi nɛ wa ye nɔ hluu kɛ ba si amlɔ nɛ ɔ, nyɛ ha waa hɛɛ mi nɛ wa ja nɔuu.

Filipibi 3:16 ပူးပေါင်းရင်းမြစ်များ

Romabi 12:16

Nyɛ susu nɔ́ kake; nyɛ ko susu ni nguahi, se mohu nyɛɛ kɛ he si bali ɔmɛ nɛ bɔ. Nyɛ ko bu nyɛ he nileli.

Romabi 15:5

Se tsui si tomi kɛ bua jɔmi Mawu ɔ, e ha nɛ nyɛ na juɛmi kake ngɛ nyɛ kpɛti kaa Kristo Yesu;

Galatabi 5:7

Nyɛ ngɛ mɔde bɔe saminya; mɛnɔ po lɛ tsi nyɛ blɔ kaa nyɛ ko bu anɔkuale ɔ tue?

Galatabi 6:16

Nɛ nihi abɔ nɛ maa nyɛɛ ngɛ kikɛmɛ a mlaa nɛ ɔ nya a, he jɔmi kɛ mɔbɔnami nɛ ba mɛ kɛ Mawu webi kulaa a nɔ!

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

Filipibi 2:2

nyɛ ha ye bua jɔmi ɔ nɛ hyi tɔ, kaa nyɛ hɛɛ susumi kake, nyɛ hɛɛ suɔmi kake, klaa kake, juɛmi kake.

Filipibi 4:2

I ngɛ Evodia ga woe, nɛ i ngɛ Sintika hu ga woe kaa a juɛmi nɛ pee kake ngɛ Nyɔmtsɛ ɔ mi.

Kolosebi 2:6

Akɛnɛ nyɛ he Kristo Yesu, Nyɔmtsɛ ɔ, atuu nɛ ɔ, nyɛɛ nyɛɛ ngɛ e mi, nɛ nyɛ sipoku nɛ pi si,

Kolosebi 4:2

Nyɛɛ sɔle daa, nyɛɛ fɔ nyɔ ngɛ mi kɛ sina;

Kpojemi 3:3

Lɔɔ he ɔ kaii nɔ́ nɛ a tsɔɔ mo kɛ bɔ nɛ o nu ɔ nɛ o kɛ to, nɛ o tsake o tsui. Se jehanɛ ke o hɛ tsɛ́ ɔ, ma tua mo kaa juɔ, nɛ o be lee ngmlɛfia nɔ nɛ ma ba a kulaa.