Filipibi 2:8 - Somi He Ɔ

⁸ E ba e he si nɛ e bu tue kɛ ya gbenɔ mi, kɛ ya sɛumi tso nɔ gbenɔ mi tete.

BAIBLO ALOO NGMAMI KLƆUKLƆU Ɔ

⁸ E ba e he si, nɛ e bu tue hluu kɛ ya su gbeje tete; e gbo sɛumi tso nɔ gbenɔ.

Filipibi 2:8 ပူးပေါင်းရင်းမြစ်များ

Mateo 17:2

Nɛ e nɔmlɔ tso su tsake ngɛ a hɛ mi, nɛ e hɛ mi kpɛ kaa pu, nɛ e tade ɔmɛ hiɛ kaa pu la.

Mateo 26:39

Nɛ e ya e hɛ mi bɔɔ nɛ e ngɔ e hɛ mi ngɔ bu si, nɛ e sɔle ke: “Tsaatsɛ, ke e maa hi ɔ, ha nɛ kplu nɛ ɔ be ye he kɛ ho; se kɛ̃ ɔ, pi bɔ nɛ imi i suɔ, se mohu bɔ nɛ mo o suɔ.”

Mateo 26:42

E pue nɔ kɛ ho ekohu nɔ nɛ ji si enyɔ, nɛ e ya sɔle ke: “Tsaatsɛ, ke kplu nɛ ɔ be nyɛe ye he bemi kɛ ho kaa ja i nu ɔ, a pee bɔ nɛ o suɔ.”

Luka 9:29

Nɛ benɛ e ngɛ sɔlee ɔ, e hɛ mi tsake nɛ e tade ɔ hiɛ futaa nɛ e ngɛ kpee klaiklai.

Yohane 10:18

Nɔ ko kpɔ we ngɛ ye dɛ, se mohu imi nitsɛ lɛ i ngɔ fɔɔ si. I ngɛ he wami kaa i kɛ haa, nɛ i ngɛ he wami kaa i ngɔɔ ekohu; bɔ nɛ Tsaatsɛ de mi ji nɛ ɔ nɛ.”

Yohane 14:31

I peɔ bɔ nɛ Tsɛ ɔ fa mi ɔ konɛ je ɔ nɛ na le kaa i suɔ Tsɛ ɔ. Nyɛɛ te si, nyɛɛ ba waa je hiɛ ɔ!”

Yohane 15:10

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Yohane 4:34

Yesu de mɛ ke: “Ye ngma ji kaa ma pee nɔ nɛ tsɔ mi ɔ suɔmi nya ni, nɛ ma gbe e ni tsumi ɔ nya.”

Ni Tsumi 8:33

E he si bami ɔ mi ɔ, a je e kojomi ɔ kɛ ho; Se e nina a, mɛnɔ maa sɛɛ he ni? Ejakaa a ngɔ e wami ɔ kɛ je zugba a nɔ.”

Romabi 5:19

Ejakaa kaa bɔ nɛ a gu nɔmlɔ kake tue gbomi ɔ nɔ ha nihi fuu plɛ yayami peeli ɔ, ja nɔuu kɛ a maa gu nɔ kake ɔ tue bumi ɔ nɔ a ma ha, nihi fuu hu ma plɛ dali.

2 Korintobi 8:9

Ejaka nyɛ le wa Nyɔmtsɛ Yesu Kristo dloomi ɔ, kaa lɛ nɛ ji niatsɛ ɔ, e plɛ ohiafo ngɛ nyɛ he, konɛ nyɛɛ gu e hia a nɔ kɛ plɛ niatsɛmɛ.

Galatabi 3:13

Kristo kpɔ wɔ kɛ je mlaa a gbiɛmi ɔ mi, akɛnɛ e plɛ gbiɛmi ngɔ ha wɔ ɔ, ejakaa a ngma ke: “A gbiɛ nɔ tsuaa nɔ nɛ kplaa si ngɛ tso nɔ” ɔ;

Tito 2:14

nɔ nɛ ngɔ nitsɛ e he ngɔ ha ngɛ wa nane mi, konɛ e kpɔ wɔ kɛ je nɔ tɔmi kulaa mi, nɛ e tsukɔ wa he ngɔ pee lɛ nitsɛ e ma klɔuu nɛ hɛ dɔɔ ngɛ ni tsumi kpakpahi a he.

Hebribi 12:2

nɛ waa hyɛ hemi kɛ yemi sisi jelɔ kɛ nya gbelɔ nɛ ji Yesu ɔ, nɔ nɛ nyami nɛ fɔɔ si ngɛ e hɛ mi ɔ he ɔ, e mia e hɛ mi ngɛ seumi tso ɔ he amanehlu ɔ mi, nɛ e bui zo ɔ, nɛ e kɛ ya hi si ngɛ Mawu matsɛ sɛ ɔ hiɛ ɔ nɔ.

Hebribi 12:4

Ngɛ nyɛɛ kɛ yayami ta nɛ ɔ mi ɔ, nyɛ sui he nɛ a ma pue nyɛ muɔ si ngɛ ɔ lolo.

1 Petro 2:24

Yesu nitsɛ tloo wa he yayami ɔmɛ ngɛ e nɔmlɔ tso ɔ hi kɛ ya sɛumi tso ɔ nɔ, konɛ wa gbo ha yayami nɛ wa hɛ hi ngmengmle ha dami, nɔ nɛ he pahi nɛ a kɛ tsa nyɛ ɔ.

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.