Filipibi 2:3 - Somi He Ɔ

³ Nyɛ ko ngmɛ mi gbami loo yaka hɛ mi nyami hlami blɔ, se mohu nyɛɛ kɛ he si bami juɛmi nɛ bu nyɛ sibi pe nyɛ nitsɛmɛ nyɛ he;

BAIBLO ALOO NGMAMI KLƆUKLƆU Ɔ

³ Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

Filipibi 2:3 ပူးပေါင်းရင်းမြစ်များ

Luka 18:14

I ngɛ nyɛ dee ke: Kikɛmɛ a nyumu nɛ ɔ pue nɔ kɛ ho e we mi ya nɛ a wo lɛ nguɔ pe nɔ kaketsɛ ɔ. Ejakaa nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.”

Romabi 12:10

Nyɛɛ kɛ nyɛmimɛ a suɔmi nɛ suɔ nyɛ he; nɔ tsuaa nɔ kɛ bu nɛ ha e nyɛmi kekle.

Romabi 13:13

Nyɛ ha nɛ waa ba wa je mi saminya bɔ nɛ sa piani, pi ngɛ yakayaka fiɛmi kɛ da demi mi; pi ngɛ ajuama bɔmi kɛ ya homi mi; pi ngɛ pɛ kɛ hunga jemi mi;

Romabi 2:8

Se nihi nɛ suɔ pɛ nɛ a bui anɔkuale ɔ tue, se a buɔ ni yayahi mohu tue ɔ, a nɔ ji mi mi fumi kɛ mi mi la.

1 Korintobi 15:9

Ejakaa imi lɛɛ, i ji enɔ wayo kulaa ngɛ bɔfo ɔmɛ a kpɛti, nɛ i sɛ́ tete kaa a tsɛɛ mi bɔfo po, ejakaa i wa Mawu asafo ɔ yi mi.

1 Korintobi 3:3

ejakaa he lo mi nimli ji nyɛ kɛ mwɔɔ. Se be abɔ nɛ hungajemi kɛ pɛ ngɛ nyɛ kpɛti kɛ mwɔɔ nɛ ɔ, anɛ pi he lo mi nimli ji nyɛ nɛ nimli a je mi nyɛ ngɛ bae ɔ lo?

2 Korintobi 12:20

Ejakaa i ngɛ gbeye yee kaa alinɔ ke i ba a, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ; kaa eko ɔ pɛ, hunga jemi, mi mi la, huhui, sieku yemi, munyu huitihuiti tumi, he nɔ womi, basabasa peemi ngɛ nyɛ kpɛti.

Galatabi 5:15

Se ke nyɛ kɔɔ nyɛ he nɛ nyɛ plaa nyɛ he ɔ, nyɛɛ hyɛ nɛ nyɛ ko puɛ nyɛ he!

Galatabi 5:26

Wa hɛ ko kɔ yakayaka hɛ mi nyami nɔ, nɛ wa ko wo wa sibi a muklii mi la nɛ wa he ba tsɛ̃ wa sibi.

Efesobi 4:2

ngɛ he si bami kɛ humi peemi tsuo mi, nɛ nyɛɛ kɛ tsui si tomi nɛ suɔ nyɛ he,

Efesobi 5:21

Nyɛɛ ba nyɛ he si ngɔ ha nyɛ he ngɛ Kristo gbeye yemi mi?

Filipibi 2:14

Nyɛɛ pee nyɛ nihi kulaa nɛ munyu huitihuiti kɛ nɔ jemi ko ba mi;

Kolosebi 3:12

Lɔ ɔ he ɔ, akɛnɛ bimɛ nɛ Mawu hia, ni klɔuklɔuhi kɛ suɔli ji nyɛ he je ɔ, nyɛɛ wo mi mi jɔmi, mɔbɔ nami, he si bami, kpoo peemi, tsui si tomi kaa tade,

Kolosebi 3:8

Se jehanɛ ɔ nyɛ hu nyɛ sake kikɛmɛ a ni nɛ ɔmɛ kulaa ngɔ pue he, nihi nɛ ji muklii mi fumi, mi mi la, hetsɛ, musu bɔmi munyu, zo munyu ɔmɛ kɛ je nyɛ nya mi.

1 Timoteo 6:4

lɔ ɔ lɛɛ e wo e he nɔ, nɛ e li nɔ ko, se mohu e ngɛ gboe kɛ nɔ jemi kɛ nya sami nɛ hɛkɔ, pɛ, musu bɔmi munyuhi, nihi a he susumi yaya jee mi ɔ,

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nyɛɛ na ha nyɛ sibi, nyɛɛ suɔ nyɛ he kaa nyɛmimɛ, nyɛ mi mi nɛ jɔ ha nyɛ sibi, nyɛɛ ba nyɛ he si.

1 Petro 5:5

Ja nɔuu nyɛ, jokuɛwi ɔmɛ, nyɛɛ ba nyɛ he si ha nikɔtɔma amɛ. Nɛ nyɛ tsuo nyɛɛ ba nyɛ he si ngɔ ha nyɛ sibi nɛ nyɛɛ wo he si bami kaa tade, ejakaa “Mawu kuɔ he woli a nya, se e dloɔ he si bali.”