Filipibi 2:2 - Somi He Ɔ

² nyɛ ha ye bua jɔmi ɔ nɛ hyi tɔ, kaa nyɛ hɛɛ susumi kake, nyɛ hɛɛ suɔmi kake, klaa kake, juɛmi kake.

BAIBLO ALOO NGMAMI KLƆUKLƆU Ɔ

² Enɛ ɔ he je ɔ, nyɛ tsuo nyɛɛ pee nyɛ yi mi kake; nyɛɛ suɔ nyɛ sibi, nɛ nyɛ we oti, kɛ juɛmi hu nɛ pee kake. Kɛkɛ ɔ, imi hu ma na bua jɔmi babauu.

Filipibi 2:2 ပူးပေါင်းရင်းမြစ်များ

Romabi 12:16

Nyɛ susu nɔ́ kake; nyɛ ko susu ni nguahi, se mohu nyɛɛ kɛ he si bali ɔmɛ nɛ bɔ. Nyɛ ko bu nyɛ he nileli.

1 Korintobi 1:10

Se, mamimɛ, i kpa nyɛ pɛɛ ngɛ wa Nyɔmtsɛ Yesu Kristo biɛ mi, kaa nyɛ nya nɛ pee kake nɛ mi gbami ko ba nyɛ kpɛti, se mohu nyɛ kulaa nyɛ yi mi kɛ nyɛ juɛmi nɛ pee kake.

2 Korintobi 13:11

Nyagbe ɔ, mamimɛ, nyɛ bua nɛ jɔ, nyɛɛ hi kɛ pi si, nyɛɛ wo nyɛ sibi ga, nyɛ juɛmi nɛ pee kake, nyɛɛ hi si ngɛ he jɔmi mi, nɛ suɔmi kɛ he jɔmi Mawu ɔ kɛ nyɛ maa hi si.

3 Yohane 1:4

Nɔ ko pee we mi bua jɔmi pe enɛ kaa ma nu kaa ye bimɛ ɔmɛ nyɛɛ ngɛ anɔkuale ɔ mi.

Filipibi 2:16

nɛ nyɛɛ hɛɛ wami munyu ɔ mi, konɛ e plɛ fiami nɔ ha mi ngɛ Kristo ligbi ɔ nɔ, kaa ye fotumi ɔ pee we yaka, nɛ ye dengme gbomi ɔ hu pee we gu.

Ni Tsumi 2:46

Nɛ daa ligbi ɔ, a kɛ juɛmi kake yaa sɔlemi we ɔ, nɛ a kuɔ abolo ngɛ wehi a mi, nɛ a kɛ bua jɔmi kɛ tsui klɔuu yeɔ ni,

2 Yohane 1:4

I na bua jɔmi babauu kaa i na o bimɛ ɔmɛ a ti ni komɛ kaa a nyɛɛ anɔkuale ɔ mi, kaa bɔ nɛ Tsɛ ɔ wo wɔ kita a.

2 Tesalonikabi 2:13

Se wɔɔ lɛɛ, e sa kaa wa naa Mawu si daa ngɛ nyɛ he, mamimɛ nɛ Nyɔmtsɛ ɔ suɔ, ejakaa Mawu hla nyɛ kɛ je sisije ngɔ ha yi wami hemi ngɛ mumi ɔ klɔuklɔu peemi kɛ anɔkuale ɔ hemi kɛ yemi mi,

Kolosebi 2:5

Ejakaa ke i kɛ nyɛ be ngɛ he lo blɔfami hu, mumi blɔfami ɔ, i kɛ nyɛ ngɛ, nɛ ye bua jɔɔ, nɛ i naa nyɛ blɔ nya tomi kɛ si fimi nɛ nyɛɛ kɛ daa si ngɛ Kristo nɔ hemi kɛ yemi mi ɔ.

Filipibi 4:2

I ngɛ Evodia ga woe, nɛ i ngɛ Sintika hu ga woe kaa a juɛmi nɛ pee kake ngɛ Nyɔmtsɛ ɔ mi.

Filipibi 2:20

Ejakaa i be nɔ ko nɛ e juɛmi kɛ ye juɛmi sɔ nɛ nyɛ he sane dɔɔ lɛ nitsɛnitsɛ kaa lɛ;

2 Korintobi 7:7

Se pi e bami ɔ kɛkɛ, se mohu bua womi nɛ e na kɛ je nyɛ ngɔ ɔ hulɔ, ejakaa e ba bɔ wɔ bɔ nɛ nyɛ ngɛ hlae nɛ nyɛ maa na mi, kɛ nyɛ kɔmɔ yemi ɔ, kɛ ye he mɔde nɛ nyɛ ngɛ bɔe ɔ, enɛ ɔ he ɔ i na bua jɔmi babauu pe keklee ɔ.

2 Korintobi 2:3

Enɛ ɔ he je nɛ i ngma nyɛ enɛ ɔ, konɛ, ke i ba a, ma ko ba ye kɔmɔ ngɛ nihi nɛ jinɛ sa kaa i naa a he bua jɔmi ɔmɛ a he, ejakaa ye hɛ ngɛ nyɛ tsuo nyɛ nɔ kaa ye bua jɔmi ji nyɛ tsuo nyɛ bua jɔmi.

Ni Tsumi 5:12

A gu bɔfo ɔmɛ a nine nɔ kɛ pee okadihi kɛ nyakpɛ nihi fuu ngɛ ma a mi; nɛ mɛ tsuo a kɛ juɛmi kake hi Salomo ablanaa a nɔ.

Ni Tsumi 1:14

Ni nɛ ɔmɛ tsuo kɛ yi ɔmɛ kɛ Yesu nyɛ Maria kɛ e nyɛmimɛ nyumu ɔmɛ, kɛ juɛmi kake hɛɛ sɔlemi kɛ pɛɛ kpami wawɛɛ.

Filipibi 1:4

ngɛ ye daa pɛɛ kpamihi tsuo nɛ i kpaa ngɔ haa nyɛ kulaa a mi, nɛ i kɛ bua jɔmi kpaa pɛɛ

Yohane 3:29

Nɔ nɛ nɔ́ ji ayɛflo ɔ, lɛ ji ayɛflo huno; se ayɛflo huno ɔ huɛ nɛ daa si ngɛ lɛ tue bue ɔ, nya e nyaa ngɛ ayɛflo huno ɔ gbi he. Lɔ ɔ he ɔ ye kikɛmɛ a nyami nɛ ɔ ba mi.

2 Timoteo 1:4

nɛ ke i kai o hɛ mi vo nyu ɔ, i hlaa kaa ma na mo, konɛ ye bua nɛ jɔ.

Ni Tsumi 2:1

Benɛ Pentekoste ligbi (loo ligbi nɛ ji nyingmi enyɔ ɔ) su ɔ, mɛ tsuo a nya ba bua kɛ juɛmi kake ngɛ he kake.

Filemon 1:20

Ee, mami, ha ma na o he se ngɛ Nyɔmtsɛ ɔ mi; ha ye tsui nɛ nɔ ye mi ngɛ Kristo mi.